2026 சட்டமன்ற தேர்தலை முன்னிட்டு அதிமுக தலைமையிலான தேசிய ஜனநாயக கூட்டணியில் பாஜகவிற்கு 27 தொகுதிகள் ஒதுக்கப்பட்டுள்ளன…
அதிமுக தலைமையிலான கூட்டணியில் உள்ள கட்சிகள் அனைத்தும் தங்களது வேட்பாளர்களை அறிவித்து வேட்பு மனு தாக்கல் மற்றும் பிரச்சாரத்தில் ஈடுபட்டு வரும் நிலையில் தமிழக பாஜகவுக்கு ஒதுக்கப்பட்ட 27 தொகுதிகளில் வேட்பாளர்கள் யார் என்பது குறித்து தேர்வு செய்வதில் குழப்பம் ஏற்பட்டுள்ளதாக தகவல்…
கடந்த சில நாட்களுக்கு முன்பு தமிழகம் வந்த மேலிட பொறுப்பாளர் மத்திய அமைச்சர் பியூஸ் கோயல், தமிழக பாஜக மூத்த தலைவர்களுடன் ஆலோசனை மேற்கொண்டார் அந்த ஆலோசனையின் இறுதியில் ஒரு தொகுதிக்கு மூன்று பேர் வீதம் 81 நபர்கள் அடங்கிய பட்டியல் அகில இந்திய தலைமைக்கு அனுப்பப்பட்டுள்ளது…
மத்திய தேர்தல் குழு இன்னும் கூடாத நிலையில் தொடர்ச்சியாக எரிவாயு போர் உள்ளிட்ட பல்வேறு பிரச்சனைகள் காரணமாக பிரதமர் மற்றும் மத்திய உள்துறை அமைச்சர் ஆகியோர் பல்வேறு பணிகளில் ஈடுபட்டதன் காரணமாக மத்திய தேர்தல் குழு இன்னும் கூடாமல் இருக்கிறது…
அந்த குழு தான் இவர்கள் வேட்பாளர் என்பதை ஒப்புதல் அளிக்க வேண்டும் அந்த குழு கூடாத நிலையில் வேட்பாளர் பட்டியல் வெளியாவது தாமதம் வருகிறது. இந்த நிலையில் பிரதமர் தலைமையில் அந்த குழு இன்றைக்கு கூடும் என்று எதிர்பார்க்கப்படுகிறது இன்று மாலை அல்லது நாளை காலை வேட்பாளர் பட்டியல் வெளியாகும் என தமிழக பாஜக தரப்பிலிருந்து தகவல் வெளியாகி உள்ளது.
