பழனிசாமிதான் போலி விவசாயி என்றும் காவிரி உரிமையை நிலைநாட்டாதவர் பழனிசாமி என்றும் திமுகவின் நாளேடான முரசொலி விமர்சித்து இருந்தது. மூன்று வேளாண் துரோக சட்டங்களை ஆதரித்தவர் பழனிசாமி என்றும் விவசாயிகள் கடனை ரத்து செய்ய மாட்டேன்” என்று சொல்லி உச்சநீதி மன்றம் வரை போனவர் பழனிசாமி என்றும் கூறியிருந்தது. இத்தகைய அரசியல் ‘களை’ தான் பழனிசாமி. இக்‘களை’, வரும் தேர்தலில் முழுமையாக அகற்றப்பட வேண்டும் என்றும் எழுதி இருந்தது. இதனை திமுகவின் ஐடி விங்-கும் தனது இணையதளத்தில் பகிர்ந்து இருந்தது.
இதற்கு பதிலளிக்கும் விதமாக அதிமுக இணைதளபிரிவின் ராஜ்சத்யன் தனது எக்ஸ் தளத்தில் பதிவு ஒன்றை எழுதியுள்ளார். அதன் விவரம் வருமாறு..
2014-ல் 37 எம்.பி.க்களை அஇஅதிமுக-விற்கு அளித்தார்கள் தமிழ்நாட்டு மக்கள். அதிமுக பொதுச் செயலாளர் எடப்பாடி பழனிசாமி ஆணைக்கிணங்க, அதிமுக எம்.பி.க்கள் நாடாளுமன்றத்தையே முடக்கி, காவிரி மேலாண்மை ஆணையம் அமைவதை சாத்தியப்படுத்திய இயக்கம் தான் அதிமுக. .
உங்களுக்கும் 2019-ல் 38, 2024-ல் 39 எம்.பி.க்களை அளித்த தமிழ்நாட்டு மக்களுக்கு, பெஞ்ச் தேய்த்ததை தவிர என்ன கிழித்தீர்கள் என்று திமுக எம்.பி.க்களை நோக்கி கேள்வி எழுப்பி உள்ளார்.
காவிரி, மாநில உரிமை பற்றியெல்லாம் பேச திமுக-வுக்கு வெட்கமாக இல்லையா? .. தமிழ்நாட்டின் உரிமைகளை விட்டுக்கொடுத்த, விட்டுக்கொடுக்கும் ஒரே கட்சி திமுக தான்! அதனை மீட்டுக் கொடுத்த, மீட்டுக் கொடுக்கும், மீட்டுக் கொடுக்கப் போகும் ஒரே இயக்கம் அஇஅதிமுக தான்!
இவ்வாறு அவர் கூறியுள்ளார்.
