2026 ஆம் ஆண்டுக்கான 19 வயதுக்குட்பட்டோருக்கான கிரிக்கெட் உலகக் கோப்பை தொடர் இன்று (ஜனவரி 15 ஆம் தேதி வியாழக்கிழமை ) தொடங்குகிறது.
ஜிம்பாப்வேயில் நடைபெறும் இந்த தொடரின் முதல் நாளில் மொத்தம் மூன்று போட்டிகள் நடைபெறும். 2026 ஆம் ஆண்டு நடைபெறும் 19 வயதுக்குட்பட்டோருக்கான உலகக் கோப்பைக்காக மொத்தம் 16 அணிகள் நான்கு குழுக்களாகப் பிரிக்கப்பட்டுள்ளன. இந்தியா, அமெரிக்கா, நியூசிலாந்து மற்றும் வங்கதேசம் ஆகிய அணிகளை உள்ளடக்கிய குழு B இல் உள்ளது.
அதன்படி இன்றைய முதல் போட்டியில் இந்தியாவும் – அமெரிக்காவும் மோதுகின்றன. இதுதவிர ஜிம்பாப்வே – ஸ்காட்லாந்து, டான்ஸானியா – மேற்கிந்திய தீவுகள் அணிகளும் மோதுகின்றன. இந்திய நேரப்படி மதியம் 1 மணிக்கு போட்டி தொடங்கவுள்ளது. இதுவரை 5 முறை உலக சாம்பியன் பட்டம் இந்தியா, 6வது முறையாக தொடரை வெல்லுமான என எதிர்பார்ப்புகள் எழுந்துள்ளது.
இந்தியா அண்டர்-19 vs யுஎஸ்ஏ அண்டர்-19 போட்டி ஸ்டார் ஸ்போர்ட்ஸ் நெட்வொர்க்கில் நேரடியாக ஒளிபரப்பப்படும். இந்தியா அண்டர்-19 vs யுஎஸ்ஏ அண்டர்-19 போட்டியின் நேரடி ஒளிபரப்பு ஜியோஹாட்ஸ்டார் செயலி மற்றும் வலைத்தளத்தில் கிடைக்கும்.
தற்போது அதிகம் பேசப்படும் பெயர் வைபவ் சூர்யவன்ஷி. இவர் இதற்கு முன்பு இங்கிலாந்து மற்றும் ஆஸ்திரேலியாவின் 19 வயதுக்குட்பட்ட அணிகளுக்கு எதிராக அதிரடியாக விளையாடி இருக்கிறார். ஐபிஎல் தொடரில் சர்வதேச வீரர்களையே அவர் விட்டுவைக்கவில்லை, எனவே அமெரிக்க பந்துவீச்சாளர்களுக்கு எதிராகவும் அவர் அதிரடி காட்டக்கூடும்.
ஆயுஷ் மத்ரேவும் உள்ளூர் கிரிக்கெட்டில் ஆதிக்கம் செலுத்தி வருகிறார், மேலும் இந்தத் தொடரில் அதிக ரன்கள் குவித்த வீரர்களில் ஒருவராக அவர் இருக்கலாம். அரோஜ் ஜார்ஜ் மற்றும் விஹால் மல்ஹோத்ரா ஆகியோரும் மிகச் சிறப்பாக பேட்டிங் செய்கின்றனர். இந்திய 19 வயதுக்குட்பட்ட அணி முதலில் பேட்டிங் செய்தால், 400 ரன்களுக்கு மேல் ஒரு பெரிய ஸ்கோரைப் பார்க்க வாய்ப்புள்ளதாக கூறப்படுகிறது.
