திரிணாமுல் காங்கிரஸில் புதிய திருப்பம்..!! தலைவர் பதவியில் இருந்து மம்தா நீக்கம்..!!

கொல்கத்தா: மேற்கு வங்காள சட்டமன்றத் தேர்தல் 2026ல் திரிணாமுல் காங்கிரஸ் கட்சிக்கு மிகப்பெரிய அதிர்ச்சியை ஏற்படுத்தியுள்ளது. தொடர்ந்து மூன்று முறை ஆட்சியைத் தக்க வைத்திருந்த மம்தா பானர்ஜி தலைமையிலான கட்சி, இந்தத் தேர்தலில் வெறும் 80 இடங்களில் மட்டுமே வெற்றி பெற்று எதிர்க்கட்சி அந்தஸ்துக்கு தள்ளப்பட்டது. மாநிலத்தில் பாஜக 207 தொகுதிகளில் வெற்றி பெற்று ஆட்சி அமைத்தது. சுவேந்து அதிகாரி புதிய முதலமைச்சராக பொறுப்பேற்றார்.

தேர்தல் தோல்விக்குப் பிறகு கட்சியில் உள் குழப்பங்கள் வெளிப்படத் தொடங்கின. சட்டமன்றத்தில் 80 உறுப்பினர்களைக் கொண்ட கட்சியில் இருந்து 60 எம்.எல்.ஏ.க்கள் அதிருப்தி அணியாக உருவெடுத்தனர். இந்தக் குழு ரிதப்ரதா பானர்ஜியை தங்கள் தலைவராகத் தேர்ந்தெடுத்து, எதிர்க்கட்சித் தலைவர் பதவிக்கு அவரை பரிந்துரை செய்தது. சபாநாயகர் இதை ஏற்றுக்கொண்டு ரிதப்ரதா பானர்ஜியை அதிகாரப்பூர்வமாக அறிவித்தார். இது மம்தா பானர்ஜிக்கு பெரும் பின்னடைவாக அமைந்தது. தேர்தலில் தோல்வியடைந்து சட்டமன்ற உறுப்பினராகக் கூட தேர்ந்தெடுக்கப்படாத மம்தா, இந்த நிகழ்வால் கட்சிக்குள் தனது செல்வாக்கை இழக்கும் நிலைக்கு தள்ளப்பட்டார்.

இந்த அதிர்ச்சியிலிருந்து மீள்வதற்குள் மற்றொரு பெரும் அதிர்வு ஏற்பட்டது. திரிணாமுல் காங்கிரஸின் 28 எம்.பி.க்களில் 20 பேர் மம்தாவுக்கு எதிராக திரும்பினர். அவர்கள் 60 எம்.எல்.ஏ.க்களின் அதிருப்தி அணிக்கு ஆதரவு தெரிவித்து, மம்தா தலைமையை நிராகரித்தனர். இந்த வளர்ச்சி கட்சியின் உயர்மட்டத்தில் பெரும் பதற்றத்தை ஏற்படுத்தியுள்ளது.

இந்நிலையில், அதிருப்தி எம்.எல்.ஏ.க்கள் குழு ஒரு முக்கிய அறிவிப்பை வெளியிட்டுள்ளது. மம்தா பானர்ஜியை கட்சியின் தலைவர் பொறுப்பிலிருந்து நீக்குவதாகவும், அவருக்குப் பதிலாக அரூப் ராயை புதிய தலைவராக நியமிப்பதாகவும் அறிவித்தனர். இந்த முடிவை உறுதிப்படுத்தும் கடிதத்தை விரைவில் தேர்தல் ஆணையத்துக்கு அனுப்ப உள்ளதாகவும் தகவல்கள் வெளியாகியுள்ளன.

இந்தத் தொடர் நிகழ்வுகள் திமுகவின் பலவீனத்தை வெளிச்சமிட்டுள்ளன. கட்சியின் நீண்டகால ஆதரவாளர்கள் மற்றும் உள்ளூர் தலைவர்கள் இடையே அதிருப்தி அதிகரித்து வருவதாகவும், பாஜகவின் வளர்ச்சியால் திரிணாமுல் காங்கிரஸின் அடித்தளம் ஆட்டம் காண்பதாகவும் அரசியல் பார்வையாளர்கள் கருதுகின்றனர். மம்தா பானர்ஜியின் தலைமைக்கு எதிரான இந்த உள்கட்சி கிளர்ச்சி மேற்கு வங்காள அரசியலை மேலும் சூடுபிடிக்கச் செய்யும் என எதிர்பார்க்கப்படுகிறது.