தன்னுடைய பாடல்களை தனது அனுமதியின்றி பயன்படுத்தியதாக பல படத்தின் இயக்குநர்கள் மற்றும் நடிகர்களுக்கு நோட்டீஸ் அனுப்புவதை வாடிக்கையாக வைத்துள்ளார் இசையமைப்பாளர் இளையராஜா. அந்த வகையில், நடிகை வனிதாவிற்கு இசையமைப்பாளர் இளையராஜா நோட்டீஸ் அனுப்பியுள்ளார்.
நடிகை வனிதா விஜயகுமார் தனது மகள் ஜோவிகா தயாரிப்பில் ’மிஸ்ஸஸ் & மிஸ்டர்’என்ற படத்தில் நடித்துள்ளார். இப்படத்தில் வனிதாவிற்கு ஜோடியாக ராபர்ட் மாஸ்டர் நடித்துள்ளார். ரொமான்ஸ் கதைக்களத்ஹில் உருவாகியுள்ள இப்படம் இன்று திரையரங்கில் வெளியாகியுள்ளது.
இப்படத்தில் மைக்கேல் மதன காமராஜன் படத்தில் இடம்பெற்ற ராத்திரி சிவராத்திரி பாடலை பயன்படுத்தியுள்ளனர். தனது அனுமதியின்றி இப்பாடலை பயன்படுத்தியிருப்பதாகவும், இப்படத்தில் இருந்து அந்த பாடலை நீக்க உத்தரவிட வேண்ட்ம் எனவும் இளையராஜா தரப்பில் சென்னை உயர்நீதிமன்றத்தில் வழக்கு தொடரப்பட்டுள்ளது.
