விஜய்யின் ஜனநாயகன் பட டிக்கெட் முன்பதிவு தமிழகத்தில் தொடங்கியுள்ளது.
அரசியலில் குதித்துள்ள தவெக தலைவர் விஜய்யின் கடைசி படமாக , ஜனநாயகன் வெளியாக இருக்கிறது. ஹெச். வினோத் இயக்கத்தில் உருவாகிய இந்த படத்தில் விஜய்க்கு ஜோடியாக பூஜா ஹெக்டே, பாபி தியோல், மமிதா பைஜூ, பிரகாஷ் ராஜ் உள்ளிட்டோர் நடித்துள்ளனர். இப்படத்தின் ட்ரெய்லர் சமீபத்தில் வெளியாகிய மக்களிடையே நல்ல வரவேற்பு பெற்றுள்ளது. வரும் ஜனவரி 9ஆம் தேதி இப்படம் ரிலீஸாக இருக்கும் நிலையில், வெளிநாடுகளில் தொடங்கிய புக்கிங், தமிழகத்தில் எப்போது தொடங்கும் என்பது குறித்த குழப்பங்கள் நிலவின.
பிற மாநிலங்களிலும் கூட டிக்கெட் புக்கிங் ஆரம்பித்துவிட்டது. அங்குள்ள ரசிகர்கள் படத்தை பார்ப்பதற்காக ஆர்வமுடன் காத்துக் கொண்டுள்ளனர். தமிழகத்தில் கடந்த 4ஆம் தேதி, டிக்கெட் புக்கிங் ஓபன் ஆகும் என்று சொல்லப்பட்டது. ஆனால் அப்படி ஏதும் நடக்கவில்லை.
இந்தநிலையில், பலரும் எதிர்பார்த்துக்கொண்டிருந்த ஜனநாயகன் பட டிக்கெட் முன்பதிவு தமிழகத்தில் தொடங்கியுள்ளது. சென்சார் சான்றிதழ் லேட்டான சூழலில் நேற்று முதலே புக்கிங் எப்போது என ரசிகர்கள் தவித்து போயிருந்த நிலையில் தற்போது Bookmyshow, Ticketsnew போன்ற தளங்களில் போட்டி போட்டு டிக்கெட்டுகளை ரசிகர்கள் புக் செய்து வருகின்றனர்.
