அரசு கல்லூரிகளில் 100 புதிய முதல்வர்கள் நியமனம் மற்றும் இடமாறுதல் கலந்தாய்வு தொடர்பாக அறிவிப்பு வெளியிடப்பட்டுள்ளது.
தமிழ்நாடு கல்லூரிக்கல்வித் துறை 2026–27 கல்வியாண்டிற்கான அரசு கலை மற்றும் அறிவியல் கல்லூரி முதல்வர்களின் பொதுமாறுதல் கலந்தாய்வு குறித்த அறிவிப்பை வெளியிட்டுள்ளது.
அதன்படி, அரசு கலை மற்றும் அறிவியல் கல்லூரிகளில் பணியாற்றும் 129 முதல்வர்கள் பொதுமாறுதல் கலந்தாய்வில் பங்கேற்க தகுதியுடையவர்களாக அறிவிக்கப்பட்டுள்ளனர்.
தற்போது 100 முதல்வர் பணியிடங்கள் காலியாக உள்ள நிலையில், 100 புதிய அரசு கலை மற்றும் அறிவியல் கல்லூரிகளுக்கு முதல்வர்களை நியமிக்கும் பணியும் இந்தக் கலந்தாய்வின் வாயிலாக மேற்கொள்ளப்பட உள்ளது.
இந்தக் கலந்தாய்வில் பங்கேற்க விரும்பும் முதல்வர்கள் 30.07.2026 காலை 10 மணி முதல் 31.07.2026 மாலை 5 மணி வரை ஆன்லைன் மூலம் விண்ணப்பிக்கலாம் என தெரிவிக்கப்பட்டுள்ளது.
கல்லூரிக் கல்வி ஆணையகம் வெளியிட்டுள்ள உத்தரவின்படி, தகுதியுடைய அரசு கல்லூரி முதல்வர்கள் குறிப்பிட்ட காலக்கெடுவுக்குள் இணையதளத்தில் விண்ணப்பித்து கலந்தாய்வில் பங்கேற்குமாறு அறிவுறுத்தப்பட்டுள்ளனர்.
இந்த உத்தரவு 29.07.2026 அன்று கல்லூரிக் கல்வி ஆணையகத்தால் வெளியிடப்பட்டுள்ளது.
