பிரான்ஸ் காடராச்சில் உள்ள ITER திட்டத்தை நிதியமைச்சர் நிர்மலா சீதாராமன் பார்வையிட்டார்
மத்திய நிதி மற்றும் நிறுவன விவகாரங்கள் துறை அமைச்சர் நிர்மலா சீதாராமன் இன்று பிரான்ஸ் தெற்கு பகுதியில் உள்ள காடராச்சில் அமைந்துள்ள இண்டர்நேஷனல் தெர்மோநியூக்ளியர் எக்ஸ்பெரிமென்டல் ரியாக்டர் (ITER) திட்டத்தை பார்வையிட்டார்.
ITER என்பது உலகின் மிகப்பெரிய பரிசோதனைத் தகுதியான டோகாமாக் அணு இணைவு (nuclear fusion) ரியாக்டரை உருவாக்கும் நோக்கில் நடைபெறும் மிகப்பெரிய சர்வதேச கூட்டுத் திட்டமாகும். இதில் இந்தியா உள்ளிட்ட ஏழு முக்கிய நாடுகள் பங்கேற்று வருகின்றன. மேலும் பல நாடுகளுடன் ஒத்துழைப்பு ஒப்பந்தங்களும் உள்ளன.
பயணத்தின் போது அமைச்சர் நிர்மலா சீதாராமன், கோயம்புத்தூரைச் சேர்ந்த பொறியாளர் அஜய்குமார் சங்கர் அவர்களுடன் கலந்துரையாடினார். அவர் தற்போது ITER திட்டத்தில் பணியாற்றி வருகிறார். அஜய்குமார் சங்கர் சென்னை அண்ணா பல்கலைக்கழகத்தில் மேம்பட்ட உற்பத்தி (Advanced Manufacturing) துறையில் பட்டம் பெற்றவர் ஆவார்.
மேலும் ITER திட்டத்தில் இந்தியாவின் பங்களிப்பு குறித்து அலேன் பெகுலே (Alain Becoulet) மற்றும் கட்டளை ராமச்சந்திரன் ஸ்ரீராம் ஆகியோர் விளக்கக் காட்சி வழங்கினர். பின்னர் அமைச்சர், கிளீனிங் ஹால், அசெம்ப்ளி ஹால் உள்ளிட்ட பகுதிகளை சுற்றிப் பார்த்தார் மற்றும் டோகாமாக் குழியின் (Tokamak Pit) பணிகளையும் பார்வையிட்டார்.
இந்த உலகின் மிக ஆக்கபூர்வமான அணு இணைவு திட்டத்தில் ஈடுபட்டு வரும் விஞ்ஞானிகள் மற்றும் பொறியாளர்களின் அர்ப்பணிப்பை அமைச்சர் பாராட்டினார். இது எதிர்காலத்தில் நிலையான மற்றும் எல்லையற்ற தூய்மையான எரிசக்தியை உருவாக்கும் முக்கிய முயற்சியாகும் என்றும் அவர் தெரிவித்தார்.
மேலும், இந்திய விஞ்ஞானிகள், பொறியாளர்கள் மற்றும் L&T, Inox India, TCS, TCE, HCL Technologies உள்ளிட்ட தொழில்துறை நிறுவனங்கள் கடந்த 20 ஆண்டுகளாக இந்த திட்டத்தில் வழங்கி வரும் பங்களிப்பையும் அவர் பாராட்டினார்.
