ஆம் ஆத்மியை சேர்ந்த எம்.எல்.ஏ அன்மொல் கஹன் மான் தனது பதவியை ராஜினாமா செய்ததோடு, அரசியலில் இருந்து விலகுவதாகவும் அறிவித்துள்ளார்.
பஞ்சாப் மாநிலம் ஹரர் தொகுதியின் ஆம் ஆத்மி எம்.எல்.ஏ அன்மொல் கஹன் மான். 35 வயதான இவர் 2020-ம் ஆண்டு ஆம் ஆத்மி கட்சியில் இணைந்தார். பாடகியான இவர், 2022-ம் ஆண்டு நடந்த சட்டமன்ற தேர்தலில் வெற்றி பெற்ற அன்மொல் சுற்றுலா, கலாச்சாரத்துறை அமைச்சராக செயல்பட்டு வந்தார். ஆனால் 2024-ம் ஆண்டு அன்மொல் அமைச்சர் சபையில் இருந்து நீக்கப்பட்டார்.
இந்த நிலையில் அன்மொல் கஹன் மான் தனது எம்.எல்.ஏ பதவியை ராஜினாமா செய்தார். மேலும் அவர் ஆம் ஆத்மி கட்சியில் இருந்தும் விலகுவதாகவும், அரசியலை விட்டு விலகுவதாகவும் அன்மொல் அறிவித்துள்ளார். இதற்கான காரணம் குறித்து அவர் தெரிவிக்கவில்லை. பஞ்சாப் மாநில முதலமைச்சர் பகவந்த் மான் தலைமையிலான அரசில் அங்கீகாரம் இல்லாததால் அன்மொல் அரசியலை விட்டு விலகியதாக தகவல் வெளியாகியுள்ளது.
