தேசிய சீனியர் பாட்மிண்டன் போட்டியில் உன்னதி ஹூடா, தன்வி சர்மா உள்ளிட்டோர் வெற்றி பெற்று அடுத்த சுற்றுக்கு முன்னேறியுள்ளனர்.
ஆந்திர மாநிலம் விஜயவாடாவில் 87-வது தேசிய சீனியர் பாட்மிண்டன் போட்டிகள் நடைபெற்று வருகின்றன. நேற்று நடைபெற்ற மகளிர் 2-வது சுற்றுப் போட்டியில் உன்னதி ஹூடா 21-8, 21-18 என்ற புள்ளிகள் கணக்கில் அகன்ஷா மேட்டை வீழ்த்தினார்.
மற்றொரு 2-வது சுற்றுப் போட்டியில் தன்வி சர்மா 21-10, 21-14 என்ற புள்ளிகள்கணக்கில் ஷைனா மணிமுத்துவை வென்றார். மற்றொரு மகளிர் பிரிவு 2-வது சுற்றுப் போட்டியில் ஆகர்ஷி காஷ்யப் 21-7, 21-9 என்ற புள்ளிகள் கணக்கில் லக்சயா ராஜேஷை சாய்த்தார்.
