சர்வதேச சந்தையில் நிலவி வரும் பொருளாதார மாற்றங்கள் மற்றும் மத்திய கிழக்கு நாடுகளில் நிலவும் போர் பதற்றங்களுக்கு மத்தியிலும், தமிழகத்தில் ஆபரணத் தங்கத்தின் விலை இரண்டாவது நாளாக இன்றும் சரிவைச் சந்தித்துள்ளது. கடந்த இரண்டு நாட்களில் மட்டும் சவரனுக்கு மொத்தம் ரூ.1,760 வரை விலை குறைந்துள்ளதால், நகை வாங்குவோர் மத்தியில் பெரும் மகிழ்ச்சி ஏற்பட்டுள்ளது.
சென்னையில் இன்று (மார்ச் 13) ஆபரணத் தங்கத்தின் விலை சவரனுக்கு ரூ.560 குறைந்து, ஒரு சவரன் ரூ.1,19,200க்கு விற்பனை செய்யப்படுகிறது. அதேபோல், கிராமுக்கு ரூ.70 குறைந்து, ஒரு கிராம் தங்கம் ரூ.14,900க்கு விற்பனையாகிறது. நேற்று சவரனுக்கு ரூ.1,200 குறைந்த நிலையில், இன்றும் விலை சரிந்துள்ளதால் தங்கம் விலை சவரனுக்கு ரூ.1.20 லட்சத்திற்குக் கீழ் வந்துள்ளது குறிப்பிடத்தக்கது.
தங்கம் விலை இவ்வாறு சரிவைச் சந்தித்தாலும், வெள்ளி விலையில் இன்று எந்த மாற்றமுமில்லை. ஒரு கிராம் வெள்ளி ரூ.290-க்கும், ஒரு கிலோ பார் வெள்ளி ரூ.2,90,000-க்கும் விற்பனை செய்யப்படுகிறது. வரும் நாட்களில் சர்வதேச சந்தை நிலவரத்தைப் பொறுத்து தங்கம் விலையில் மேலும் ஏற்ற இறக்கங்கள் இருக்கலாம் என நிபுணர்கள் கணித்துள்ளனர்.
