Author: Editor TN Talks

தேனி மாவட்டம், அல்லிநகரம் நகராட்சி அலுவலகத்தில் பணியாற்றும் பட்டியல் இனத்தைச் சேர்ந்த வருவாய் ஆய்வாளர் ராமசாமி (52) என்பவரை, திமுக நகரச் செயலாளர் பாலமுருகன் ஜாதிப் பெயரைச் சொல்லி திட்டி, கொலை மிரட்டல் விடுத்த சம்பவம் பெரும் பரபரப்பை ஏற்படுத்தியுள்ளது. இந்த விவகாரம் பூதாகரமாக வெடித்ததை அடுத்து, பாலமுருகன் மீது வன்கொடுமை தடுப்புச் சட்டத்தின் கீழ் வழக்குப் பதிவு செய்யப்பட்டுள்ளது. சம்பவப் பின்னணி கடந்த ஜூன் 24 ஆம் தேதி, நகராட்சி வருவாய் ஆய்வாளர் ராமசாமி, நகராட்சி ஆணையாளருடன் வரி வசூல் பணியில் ஈடுபட்டிருந்தபோது, திமுகவைச் சேர்ந்த தேனி வடக்கு நகரப் பொறுப்பாளரும், அல்லிநகரம் நகராட்சி நகர் மன்றத் தலைவர் ரேணுபிரியாவின் கணவரும், 20வது வார்டு நகர்மன்ற உறுப்பினருமான பாலமுருகன், ராமசாமியைத் தொலைபேசி மூலம் தொடர்புகொண்டு, பாரஸ்ட் ரோட்டில் உள்ள திமுக கட்சி அலுவலகத்திற்கு வருமாறு அழைத்துள்ளார். அங்கு சென்ற ராமசாமியிடம், “பேருந்து நிலையத்தில் உள்ள இருசக்கர வாகன…

சென்னையில் இருந்து டெல்லி செல்வதற்காக விமான நிலையம் வந்த பா.ஜ.க. மூத்த தலைவர் டாக்டர் தமிழிசை சவுந்தரராஜன் செய்தியாளர்களை சந்தித்தார். அப்போது பேசுகையில், பாரதிய ஜனதா கட்சியின் தேசிய தலைவர் ஜே.பி.நட்டாவின் அழைப்பின் பேரில் டெல்லி செல்கிறேன். வருகிற 1-ம் தேதி அந்தமான் நிக்கோபார் தீவின் பாரதிய ஜனதா கட்சியின் மாநில தலைவரை தேர்வு செய்யும் நிகழ்வு நடக்கிறது. அதற்காக அழைக்கப்படுகிறேன் என நினைக்கிறேன். மக்களை சந்திக்காமல் ஏன் தி.மு.க. நிர்வாகிகளை மட்டும் சந்திக்கிறார்…. மக்கள் மற்றும் போராடி வரும் மருத்துவர்கள் உள்ளிட்டவர்களிடம் ஒன் டூ ஒன் நடத்த வேண்டும். பெரியார் விலை போக மாட்டார் என நினைத்தோ நாடாளுமன்ற தேர்தலின்‌ போது கனிமொழி தனது எக்ஸ் வலைதள பக்கத்தில் பெரியார் படத்தை நீக்கி பனைமரம் புகைப்படத்தை வைத்தவர் கனிமொழி. பாரதிய ஜனதா கட்சி மற்றும் அ‌.தி‌‌.மு.க‌. கூட்டணி ஆளும் கட்சிக்கு பயத்தை ஏற்படுத்துகிறது. அமித்ஷா ஒரு தெளிவான பேட்டி அளித்து…

கடந்த சில வாரங்களாக ஏற்ற இறக்கத்தைச் சந்தித்து வந்த தங்கத்தின் விலை, தற்போது தொடர் சரிவை சந்தித்துள்ளது. இந்த ஆண்டு தொடக்கத்தில் இருந்து எதிர்பாராத வகையில் உயர்ந்த தங்கம் விலை, பல்வேறு நாடுகளுக்கிடையேயான போர் பதற்றம் போன்ற காரணங்களால் ஏற்ற இறக்கத்தைச் சந்தித்து வருகிறது. கடந்த ஜூன் 14 ஆம் தேதி, ஒரு கிராம் தங்கம் ரூ.9,320 ஆகவும், ஒரு பவுன் ரூ.74,560 ஆகவும் விற்பனையாகி வரலாறு காணாத உச்சத்தை எட்டியது. ஜூன் 21 ஆம் தேதி முதல் தங்கம் விலை சரிவைச் சந்திக்கத் தொடங்கியது. அன்றைய தினம் ஒரு கிராம் ரூ.9,235 ஆகவும், ஒரு பவுன் ரூ.73,880 ஆகவும் இருந்தது. ஜூன் 22 ஆம் தேதி விலையில் எந்த மாற்றமும் இல்லை. ஜூன் 23 ஆம் தேதி பவுனுக்கு ரூ.40 குறைந்து*ரூ.73,840 ஆக விற்பனையானது. கடந்த ஜூன் 24 ஆம் தேதி, ஒரு கிராம் தங்கம்…

சனாதன தர்மம் குறித்த தனது விமர்சனத்திற்காகத் தமிழக விளையாட்டுத்துறை அமைச்சர் உதயநிதி ஸ்டாலின், பெங்களூருவில் உள்ள மக்கள் பிரதிநிதிகள் சிறப்பு நீதிமன்றத்தில் நேற்று (புதன்கிழமை) ஆஜரானார். அவருக்கு ₹1 லட்சம் பிணைத் தொகைக்கு ஜாமீன் வழங்கப்பட்டது. பின்னணி கடந்த ஆண்டு செப்டம்பர் 2 ஆம் தேதி சென்னையில் நடைபெற்ற ‘சனாதன ஒழிப்பு மாநாட்டில்’ பேசிய அமைச்சர் உதயநிதி ஸ்டாலின், “சனாதன தர்மத்தை டெங்கு, மலேரியா போல ஒழிக்க வேண்டும்” என்று கருத்துத் தெரிவித்திருந்தார். இந்தக் கருத்து நாடு முழுவதும் உள்ள இந்து அமைப்புகளிடையே கடும் கண்டனத்தை எழுப்பியதுடன், உதயநிதி ஸ்டாலின் மீது பல்வேறு மாநிலங்களில் வழக்குகளும் பதிவு செய்யப்பட்டன. பெங்களூரு வழக்கு இந்தக் கருத்துக்கு எதிராக, பெங்களூரைச் சேர்ந்த சமூக ஆர்வலர் பரமேஷ் என்பவர், கிரிமினல் நடவடிக்கை எடுக்கக் கோரி, எம்.பி., எம்.எல்.ஏ.க்களுக்கான மக்கள் பிரதிநிதிகள் சிறப்பு நீதிமன்றத்தில் கடந்த பிப்ரவரி மாதம் வழக்குத் தொடர்ந்தார். இதேபோல், சனாதன ஒழிப்பு மாநாட்டை…

திமுக தலைவரும் தமிழக முதலமைச்சருமான முக ஸ்டாலின் தலைமையில் திமுக மாவட்ட செயலாளர்கள் கூட்டம் இன்று மாலை காணொளி காட்சி மூலம் நடக்கிறது. தமிழ்நாடு சட்டசபை தேர்தலுக்கு இன்னும் 10 மாதங்களே உள்ள நிலையில் இன்று திமுக மாவட்ட செயலாளர்கள் கூட்டம், சட்டமன்ற நாடாளுமன்ற உறுப்பினர்கள், சார்பு அணி செயலாளர்கள், தொகுதி பார்வையாளர்கள் கூட்டம் நடைபெற உள்ளது. குறிப்பாக திமுகவில் உறுப்பினர் சேர்க்கையை அதிகரிப்பதற்காக தமிழ்நாடு முதலமைச்சர் மு க ஸ்டாலின் நடந்து முடிந்த திமுக பொது குழு கூட்டத்தில் ஓரணியில் தமிழ்நாடு உறுப்பினர் சேர்க்கையை ஜூலை மாதம் தொடங்கும் என்று அறிவித்திருந்தார். அதன்படி வரக்கூடிய ஜூலை ஒன்றாம் தேதி முதலமைச்சர் ஒரணியில் தமிழ்நாடு உறுப்பினர் சேர்க்கையை தொடங்கி வைக்கிறார். அதனை தொடர்ந்து தமிழகத்தில் உள்ள 234 தொகுதிகளிலும் உறுப்பினர் சேர்க்கை காண பணிகள் தொடங்க இருக்கிறது இதற்காக ஆலோசனை மேற்கொள்வதற்காக இன்று மாவட்ட செயலாளர் நாடாளுமன்ற சட்டமன்ற உறுப்பினர்கள் சார்பு…

தமிழகத்தில் நடைபெற்ற பிளஸ் 1 பொதுத்தேர்வுக்கான மறுகூட்டல் மற்றும் மறுமதிப்பீடு முடிவுகள் ஜூன் 30 ஆம் தேதி (ஞாயிற்றுக்கிழமை) மதியம் வெளியிடப்படும் என்று அரசுத் தேர்வுத் துறை அறிவித்துள்ளது. இதுகுறித்து அரசுத் தேர்வுத் துறை இயக்குநர் ந.லதா வெளியிட்டுள்ள செய்திக்குறிப்பில், “கடந்த மார்ச் மாதம் நடைபெற்ற பிளஸ் 1 பொதுத்தேர்வில், மறுகூட்டல் மற்றும் மறுமதிப்பீடு கோரி விண்ணப்பித்த மாணவர்களில், மதிப்பெண் மாற்றமுள்ள மாணவர்களின் பதிவெண் பட்டியல் வெளியிடப்படும். இந்த முடிவுகளை மாணவர்கள் www.dge.tn.gov.in என்ற தேர்வுத் துறையின் இணையதளத்தில் அறிந்துகொள்ளலாம். இந்தப் பட்டியலில் இடம்பெறாத மாணவர்களின் விடைத்தாள்களில் எவ்வித மதிப்பெண் மாற்றமும் இல்லை” என்று தெரிவிக்கப்பட்டுள்ளது. முக்கிய அறிவிப்புகள்: யார் பதிவிறக்கம் செய்யலாம்? மதிப்பெண் மாற்றம் உள்ள மாணவர்கள் மட்டுமே மேற்குறிப்பிட்ட இணையதளத்தில் இருந்து தங்களது திருத்தப்பட்ட மதிப்பெண் பட்டியலை பதிவிறக்கம் செய்துகொள்ள முடியும். அசல் மதிப்பெண் சான்றிதழ்: அசல் மதிப்பெண் சான்றிதழ்கள் வழங்கப்படும் தேதி குறித்த விவரங்கள் பின்னர் அறிவிக்கப்படும்.…

மேற்கு திசை காற்றின் வேக மாறுபாடு காரணமாக, இன்று முதல் ஜூலை 3-ம் தேதி வரை தமிழகத்தின் ஒருசில இடங்களிலும், புதுச்சேரி மற்றும் காரைக்கால் பகுதிகளிலும் இடி, மின்னலுடன் கூடிய மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்திருந்தது. இந்நிலையில், இன்று (ஜூன் 28) காலை 10 மணி வரை 5 மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் புதிய தகவலை வெளியிட்டுள்ளது. இதன்படி, கன்னியாகுமரி, திருநெல்வேலி, தென்காசி, தேனி, மற்றும் கோயம்புத்தூர் ஆகிய மாவட்டங்களில் இடி, மின்னலுடன் கூடிய லேசான மழைக்கு வாய்ப்புள்ளது. பயணிகளும் பொதுமக்களும் வானிலை நிலவரத்தை கருத்தில் கொண்டு தங்கள் பயண திட்டங்களை அமைத்துக்கொள்ளுமாறு அறிவுறுத்தப்படுகிறார்கள்.

திருச்சி கோட்ட ரயில்வேயில் நடைபெறவுள்ள பராமரிப்புப் பணிகள் காரணமாக, சில ரயில் சேவைகளில் மாற்றங்கள் செய்யப்பட்டுள்ளதாக திருச்சி கோட்ட ரயில்வே மக்கள் தொடர்பு அலுவலகம் தெரிவித்துள்ளது. இந்த மாற்றங்கள் ஜூலை 1 ஆம் தேதி முதல் நடைமுறைக்கு வருகின்றன. பகுதியளவு ரத்து செய்யப்படும் ரயில்கள்: தாம்பரம் – விழுப்புரம் பயணிகள் ரயில் (வண்டி எண் 66045): ஜூலை 1 ஆம் தேதி காலை 9.45 மணிக்கு தாம்பரத்தில் இருந்து புறப்படும் இந்த ரயில், முண்டியம்பாக்கம் – விழுப்புரம் இடையே பகுதியளவில் ரத்து செய்யப்பட்டுள்ளது. இதன் காரணமாக இந்த ரயில் முண்டியம்பாக்கத்துடன் நிறுத்தப்படும். விழுப்புரம் – சென்னை கடற்கரை பயணிகள் ரயில் (வண்டி எண் 66046): ஜூலை 1 ஆம் தேதி மதியம் 1.40 மணிக்கு விழுப்புரத்தில் இருந்து புறப்பட வேண்டிய இந்த ரயில், விழுப்புரம் – முண்டியம்பாக்கம் இடையே பகுதியளவில் ரத்து செய்யப்பட்டுள்ளது. இந்த ரயில் முண்டியம்பாக்கம்…

காதல் விவகாரத்தில் சிறுவன் கடத்தப்பட்ட வழக்கில், புரட்சி பாரதம் கட்சி தலைவரும், கே.வி. குப்பம் தொகுதி எம்எல்ஏவுமான ஜெகன் மூர்த்தியின் முன்ஜாமீன் மனுவை சென்னை உயர் நீதிமன்றம் தள்ளுபடி செய்து உத்தரவிட்டுள்ளது. திருவள்ளூர் மாவட்டம் களாம்பாக்கம் பகுதியைச் சேர்ந்த சிறுவன் கடத்தப்பட்ட வழக்கில் முன்ஜாமீன் கோரி ஜெகன் மூர்த்தி தாக்கல் செய்த மனு, நீதிபதி ஜெயசந்திரன் முன்பு விசாரணைக்கு வந்தது. ஜெகன் மூர்த்தி தரப்பு வாதம்: கடத்தல் சம்பவத்திற்கும் ஜெகன் மூர்த்திக்கும் எந்த தொடர்பும் இல்லை என்றும், அரசியல் உள்நோக்கத்துடன் இந்த வழக்கில் காவல்துறை அவரை சேர்த்துள்ளதாகவும் அவரது தரப்பில் வாதிடப்பட்டது. மேலும், சிபிசிஐடி விசாரணைக்கு தான் முழு ஒத்துழைப்பு வழங்கத் தயாராக இருப்பதால் தனக்கு முன்ஜாமீன் வழங்க வேண்டும் என்றும் கோரப்பட்டது. காவல்துறை தரப்பு வாதம்: காவல்துறை தரப்பில், ஏற்கனவே இந்த வழக்கில் கைது செய்யப்பட்டவர்கள் ஜெகன் மூர்த்தியை சந்தித்த சிசிடிவி புகைப்படக் காட்சிகள் நீதிமன்றத்தில்…

தமிழ்நாட்டில் அடுத்தாண்டு சட்டமன்ற தேர்தல் நடைபெறவுள்ளதால், அரசியல் தலைவர்கள் மற்றும் நிர்வாகிகள் தேர்தல் வேலைகளில் தீவிரமாக ஈடுபட்டு வருகின்றனர். அந்த வகையில் எதிர்க்கட்சி தலைவரும், அதிமுக பொதுச்செயலாளருமான எடப்பாடி பழனிசாமி, சூறாவளி சுற்றுப்பயணம் மேற்கொள்ளவுள்ளார். இது தொடர்பாக அதிமுக தலைமை ”மக்களை காப்போம், தமிழகத்தை மீட்போம்” என்ற தலைப்பில் வெளியிட்டுள்ள அறிக்கையில், “எடப்பாடி பழனிசாமி வருகிற 7-ம் தேதி முதல் தேர்தல் சுற்றுப் பயணத்தை மேற்கொள்ள இருப்பதாக கூறப்பட்டுள்ளது. முதற்கட்டமாக 7 மாவட்டங்களில் 34 சட்டமன்ற தொகுதியில் எடப்பாடி பழனிசாமி சுற்றுப்பயணம் மேற்கொள்கிறார். வரும் 7-ம் தேதி கோவை புறநகர் வடக்கில் தொடங்கி, 8-ம் தேதி கோவை மாநகர், 10 மற்றும் 11-ம் தேதி விழுப்புரம், 12 மற்றும் 14-ம் தேதி வரை கடலூர், 15-ம் தேதி மயிலாடுதுறை, 16 மற்றும் 17-ம் தேதி நாகப்பட்டினம், திருவாரூர், 18, 19, 21 ஆகிய தேதிகளில் தஞ்சாவூர் என சுற்றுப்பயணம் மேற்கொள்கிறார் எடப்பாடி…