Author: Editor TN Talks

தேனி மாவட்டம், போடிநாயக்கனூர் பேருந்து நிலையம் அருகே வீசிய பலத்த சூறைக்காற்று காரணமாக, சுமார் 500 கிலோ எடையுள்ள சிக்னல் மற்றும் சிசிடிவி கேமரா கம்பம் சாய்ந்து விழுந்தது. இந்த சம்பவத்தில் இருசக்கர வாகனங்கள் சேதமடைந்தன. போக்குவரத்து நெரிசல் மிகுந்த நேரத்தில் இந்த இரும்பு கம்பம் சாய்ந்ததால் அப்பகுதியில் பெரும் பரபரப்பு ஏற்பட்டது. அலட்சியப்படுத்தப்பட்ட கோரிக்கைகள்: போடிநாயக்கனூர் பேருந்து நிலையம் அருகில் உள்ள பரபரப்பான தேவர் சிலை பகுதியில், போக்குவரத்தை சீர் செய்யவும், சம்பவங்களைக் கண்காணிக்கவும் சுமார் 30 அடி உயரமும், 500 கிலோ எடையும் கொண்ட இந்த இரும்பு கம்பம் நிறுவப்பட்டிருந்தது. ஆனால், கடந்த சில காலமாக சிக்னல் விளக்குகள் மற்றும் கேமராக்கள் பழுதடைந்து செயல்படாமல் இருந்துள்ளன. இதை சீர் செய்ய வேண்டும் அல்லது அகற்ற வேண்டும் என்று பொதுமக்கள் மற்றும் பல்வேறு கட்சியினர் தரப்பில் பலமுறை கோரிக்கை விடுக்கப்பட்டும், எந்த நடவடிக்கையும் எடுக்கப்படவில்லை என அப்பகுதி மக்கள் குற்றம்…

சென்னை மாநகர போக்குவரத்துக் கழகத்தில் (MTC) பெண் பணியாளர்களுக்கு எதிரான பாலியல் குற்றச்சாட்டுகளை விசாரிக்கும் குழுவில் கூடுதல் உறுப்பினர்கள் சேர்க்கப்பட்டு, புதிய சீரமைப்பு செய்யப்பட்டுள்ளது. இது சமூக நலத்துறையின் அறிவுறுத்தலின் பேரில் மேற்கொள்ளப்பட்ட நடவடிக்கையாகும். பழைய குழு அமைப்பு: இதுவரை மாநகர போக்குவரத்துக் கழகத்தில், மனிதவள மேலாண் அதிகாரி தலைமையில் மூன்று பேர் கொண்ட புகார் குழு செயல்பட்டு வந்தது. இந்தக் குழு, பெண் பணியாளர்களுக்கு எதிரான பாலியல் குற்றச்சாட்டுகளைத் தடுக்கும் வகையில் பெறப்படும் புகார்களை விசாரித்து வந்தது. புதிய குழுவின் கட்டமைப்பு: சமூக நலத்துறையின் வழிகாட்டுதலின்படி, தற்போது இந்த புகார் குழுவில் திருத்தம் கொண்டுவரப்பட்டுள்ளது. அதன்படி, தலைமை நிதி அலுவலர் தலைமையில் ஐந்து பேர் கொண்ட புதிய குழு அமைக்கப்பட்டுள்ளது. இந்த ஐந்து உறுப்பினர்களில், நான்கு பேர் மாநகர போக்குவரத்துக் கழகத்தைச் சேர்ந்தவர்கள், மற்றும் ஒருவர் தன்னார்வ அமைப்பைச் சேர்ந்தவர் என்பது குறிப்பிடத்தக்கது. புதிய குழுவின் அவசியம்: சமீபத்தில் ஒரு…

தமிழ் சினிமாவின் நட்சத்திர நாயகன் சிம்பு, தற்போது மணிரத்னம் இயக்கத்தில் கமல்ஹாசனுடன் இணைந்து நடித்திருக்கும் ‘தக் லைஃப்’ படத்தின் வெளியீட்டிற்காக காத்திருக்கிறார். ஏ.ஆர்.ரகுமான் இசையில் உருவாகியுள்ள இந்த பிரம்மாண்ட திரைப்படம், ஜூன் 5-ம் தேதி உலகமெங்கும் திரையரங்குகளில் வெளியாகிறது. இதில் திரிஷா, ஜோஜு ஜார்ஜ், ஐஸ்வர்யா லட்சுமி, கவுதம் கார்த்திக் போன்ற முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர். சிம்புவின் அடுத்தடுத்த பிரம்மாண்டங்கள்: ‘தக் லைஃப்’ படத்தைத் தொடர்ந்து, சிம்பு தனது 49-வது படமாக ‘பார்க்கிங்’ பட இயக்குனர் ராம்குமார் பாலகிருஷ்ணன் இயக்கத்தில் நடித்து வருகிறார். மேலும், ராஜ்குமார் பெரியசாமி மற்றும் அஷ்வத் மாரிமுத்து ஆகியோரின் இயக்கத்திலும் நடிக்க ஒப்பந்தமாகியுள்ளார். அதிரடி சர்ப்ரைஸ்: ஜூட் ஆண்டனி இயக்கத்தில் ஜாக்கி சான்! இந்த வரிசையில், சிம்புவின் அடுத்த படம் குறித்த ஒரு பிரம்மாண்ட தகவல் கோலிவுட் வட்டாரத்தை அதிரவைத்துள்ளது. மலையாளத்தில் மாபெரும் வெற்றி பெற்ற ‘2018’ திரைப்படத்தின்…

தென்மேற்கு பருவமழை தீவிரமடைந்துள்ள நிலையில், நீலகிரி மற்றும் கோவை மாவட்டங்களுக்கு இன்றும், நாளையும் அதி கனமழைக்கான சிவப்பு எச்சரிக்கையை இந்திய வானிலை ஆய்வு மையம் விடுத்துள்ளது. வங்கக்கடலில் உருவான காற்றழுத்த தாழ்வுப் பகுதி, இன்று (மே 29) காற்றழுத்த தாழ்வு மண்டலமாக வலுப்பெறக்கூடும் என்றும் வானிலை ஆய்வு மையம் அறிவித்துள்ளது. இந்த காற்றழுத்த தாழ்வு மண்டலத்தின் தாக்கத்தால், கேரளா, கர்நாடகா மற்றும் தமிழகத்தின் மேற்கு தொடர்ச்சி மலை மாவட்டங்களான கோவை, நீலகிரி, தேனி, திருநெல்வேலி, கன்னியாகுமரி ஆகிய பகுதிகளில் இன்றும், நாளையும் (மே 30, வெள்ளிக்கிழமை) தென்மேற்கு பருவமழை தீவிரமாக இருக்கும் என எதிர்பார்க்கப்படுகிறது. மழை நிலவரம்: தமிழ்நாடு, புதுச்சேரி, காரைக்கால் பகுதிகளில் இன்றும், நாளையும் சில இடங்களில் லேசானது முதல் மிதமான மழை பெய்ய வாய்ப்புள்ளது. காற்றின் வேகம் மணிக்கு 40 முதல் 50 கி.மீ. வேகத்தில் வீசக்கூடும். நீலகிரி, கோவை மாவட்ட மலைப் பகுதிகளில் சில இடங்களில் கன…

தங்க நகைக்கடன் வழங்குவதற்கான விதிமுறைகளை இந்திய ரிசர்வ் வங்கி கடுமையாக்கியுள்ளது. இந்த புதிய விதிமுறைகள் தங்க நகைக்கடன் பெறுவதைப் பெரிதும் முடக்கும் நடவடிக்கை என்று பொதுமக்கள் மத்தியில் குற்றச்சாட்டுகள் எழுந்துள்ளன. இந்த விதிமுறைகளைத் தளர்த்த வேண்டும் என்றும் கோரிக்கைகள் வலுத்து வருகின்றன. ஏற்கனவே, ரிசர்வ் வங்கி வரையறுத்துள்ள இந்த விதிமுறைகளை மறுபரிசீலனை செய்ய வேண்டும் என்று தமிழக முதல்வர் மு.க.ஸ்டாலின் மத்திய நிதி அமைச்சர் நிர்மலா சீதாராமனுக்குக் கடிதம் எழுதியுள்ளார். இந்த நிலையில், தங்க நகைக்கடன் விதிமுறைகள் மக்களின் பொருளாதாரத்திற்கு விடப்பட்டுள்ள சவால் என்று முதல்வர் மு.க.ஸ்டாலின் தெரிவித்துள்ளார். இது தொடர்பாக அவர் தனது எக்ஸ் (X) தளத்தில் வெளியிட்டுள்ள பதிவில், “கையில் இருப்பது அரையணா காசாக இருந்தாலும், அதைச் சேர்த்து வைத்து, குண்டுமணி தங்கமாவது வாங்குவது நம் மக்களின் இயல்பு! இந்த தங்கம் ஆடம்பரத்துக்கான தங்கமல்ல; ஆத்திர அவசரத்திற்கான தங்கம்!” என்று குறிப்பிட்டுள்ளார். மேலும், “தங்க நகைகளை வங்கிகளில் வைத்து…

கடந்த 2019ஆம் ஆண்டு தமிழகத்தையே உலுக்கிய பொள்ளாச்சி பாலியல் வழக்கில், இளம் பெண்களை ஆபாசமாக வீடியோ எடுத்து பாலியல் வன்கொடுமை மற்றும் கூட்டு பாலியல் செய்ததாக 9 பேர் மீது வழக்கு பதிவு செய்யப்பட்டு, சி.பி.ஐ. போலீசார் விசாரணை நடத்தி முடித்தனர். இந்த வழக்கில் கோவை மகளிர் நீதிமன்றம் கடந்த மே 13 ஆம் தேதி தீர்ப்பு வழங்கியது. நீதிபதி நந்தினி தேவி, குற்றவாளிகள் 9 பேருக்கும் சாகும் வரை ஆயுள் தண்டனை விதித்து தீர்ப்பளித்ததோடு, பாதிக்கப்பட்ட பெண்களுக்கு ரூ.85 லட்சம் நிவாரணம் வழங்கவும் உத்தரவிட்டார். நீதிமன்றம் அறிவித்த இழப்பீட்டின்படி, பாதிக்கப்பட்ட பெண் A-க்கு ரூ.2 லட்சம், B-க்கு ரூ.15 லட்சம், C-க்கு ரூ.10 லட்சம், D-க்கு ரூ.10 லட்சம், E-க்கு ரூ.8 லட்சம், G-க்கு ரூ.15 லட்சம், H-க்கு ரூ.25 லட்சம் என இழப்பீடு அறிவிக்கப்பட்டது. (பாதிக்கப்பட்ட பெண் F இறுதி சாட்சியத்திற்கு வரவில்லை). இந்த நிலையில், பாதிக்கப்பட்ட பெண்கள்…

திண்டுக்கல் நகரில் அமைந்துள்ள மேட்டுராஜகாபட்டி காளியம்மன் கோவிலில் ஒவ்வொரு ஆண்டும் வைகாசி மாதம் நடைபெறும் பெருந்திருவிழா, இந்த ஆண்டும் கடந்த மே 20, 2025 அன்று சாமி சாட்டுதல் நிகழ்ச்சியுடன் கோலாகலமாகத் தொடங்கியது. விழாவின் முதல் நாளில், 300-க்கும் மேற்பட்ட குழந்தைகளும் பெண்களும் கலந்துகொண்ட பால்குட ஊர்வலம் நடைபெற்றது. இதனைத் தொடர்ந்து, விழாவின் முக்கிய நிகழ்வாக இன்று, பூஞ்சோலையிலிருந்து இரண்டடி முதல் 16 அடி வரை அழகு குத்தியும், அக்னி சட்டி ஏந்தியும் மேளதாளங்கள் முழங்க, 50-க்கும் மேற்பட்ட பக்தர்கள் அக்னி சட்டி ஆடி ஊர்வலமாக வந்தனர். பின்னர், கோவில் வளாகத்தில் அமைக்கப்பட்டிருந்த பூக்குழியில் சுமார் 100-க்கும் மேற்பட்ட பக்தர்களும் குழந்தைகளும் இறங்கி தங்கள் வேண்டுதல்களை நிறைவேற்றினர். இந்த விழாவில் ஏராளமான பக்தர்கள் கலந்து கொண்டு சுவாமி தரிசனம் செய்தனர். வருகிற மே 29, 2025 அன்று கரகம் பூஞ்சோலை செல்லும் நிகழ்ச்சியுடன் வைகாசி திருவிழா இனிதே நிறைவடைகிறது.

தென்மேற்குப் பருவமழை தீவிரமடைந்துள்ள நிலையில், கோவை மாவட்டத்தில் கடந்த மூன்று நாட்களாகப் பெய்து வரும் கனமழையால் நீர்நிலைகள் நிரம்பி வருகின்றன. மேற்கு தொடர்ச்சி மலைப்பகுதிகளில் நீர்வரத்து அதிகரித்துள்ளதால், கோவை குற்றாலம் மற்றும் வெள்ளியங்கிரி மலைப்பகுதிகளுக்குப் பொதுமக்கள் செல்ல தடை விதிக்கப்பட்டுள்ளது. நொய்யல் ஆற்றில் ஏற்பட்டுள்ள வெள்ளப்பெருக்கு காரணமாக சித்திரைச்சாவடி, குனியமுத்தூர், புட்டுவிக்கி தடுப்பணைகள் நிரம்பி வழிகின்றன. வெள்ளலூர் தரைப்பாலத்தையும் மூழ்கடித்தபடி நொய்யல் ஆற்றின் தண்ணீர் கரைபுரண்டு ஓடுகிறது. நொய்யல் ஆற்றின் நீர் ராஜவாய்க்கால் மூலம் குளங்களுக்குத் திருப்பி விடப்பட்டுள்ளதால், சுற்றுவட்டாரக் குளங்களில் நீர்மட்டம் வேகமாக உயர்ந்து வருகிறது. கிருஷ்ணாபதி குளம், செல்வம்பதி குளம், குமாரசாமி குளம், சிங்காநல்லூர் குளம், இருகூர் குளம் ஆகியவை முழுமையாக நிரம்பி உபரி நீர் வெளியேறி வருகிறது. பேரூர் பெரியகுளம், வாலாங்குளம், உக்கடம் நீலாம்பூர் குளம், சூலூர் பெரியகுளம், சூலூர் சின்னகுளம் என ஆறு குளங்கள் 90 சதவீதத்திற்கும் மேல் நிரம்பியுள்ளன. இதையும் படிக்க: செப்டிக் டேங்க்…

நடிகர் கமல்ஹாசன் தமிழிலிருந்துதான் கன்னடம் பிறந்தது என்று கூறியதை அடுத்து கர்நாடகத்தில் அவருக்கு எதிராக போராட்டங்கள் வெடித்துள்ளன. கர்நாடக முதலமைச்சர் சித்தராமையாவும் இதற்கு கண்டனம் தெரிவித்துள்ளார். தமிழ் மொழியின் தொன்மையை உலகமே ஏற்றுக்கொண்டிருக்கும் நிலையில், இது குறித்த தேவையற்ற சர்ச்சைகளை உருவாக்குவது கண்டிக்கத்தக்கது என பாமக தலைவர் அன்புமணி ராமதாஸ் கூறியுள்ளார். இது தொடர்பாக அவருடைய எக்ஸ் தள பதிவில், “உலகின் பழமையான மொழிகளாக லத்தீன், கிரேக்கம், ஹீப்ரு, சமஸ்கிருதம், அரபி, மாண்டரின் ஆகியவை அறியப்படுகின்றன. ஆனால், இந்த மொழிகள் அனைத்தையும் விட அன்னை தமிழ் தான் மூத்த மொழி. தமிழிலிருந்தும் தான் பிற திராவிட மொழிகள் பிறந்தன என்பது மொழி ஆராய்ச்சியாளர்களால் நிரூபிக்கப்பட்ட உண்மை. “தாயை விட மகள் மூத்தவராக இருக்க முடியாது. இதன் மீது எவரும் வினா எழுப்ப முடியாது.” எனக் கூறியுள்ளார். இதையும் படிக்க: மநீம சார்பில் கமல் போட்டி… திமுக கூட்டணி கட்சிகள் ஆதரவு தர…

ராமேஸ்வரம் ரயில் நிலையத்தில் செப்டிக் டேங்கை சுத்தம் செய்தபோது உயிரிழந்த தனது கணவரின் மரணத்திற்கு ₹30 லட்சம் இழப்பீடு மற்றும் பிற நிவாரணங்கள் வழங்கக் கோரி மனைவி தாக்கல் செய்த மனு தொடர்பாக, ஆதி திராவிடர் நலத்துறை செயலாளர், மதுரை மண்டல மேலாளர் உள்ளிட்டோர் பதில் மனு தாக்கல் செய்ய உயர்நீதிமன்ற மதுரை கிளை உத்தரவிட்டுள்ளது. விசாரணை ஒத்திவைப்பு இளையாங்குடி ரசூலா சமுத்திரம் பகுதியைச் சேர்ந்த பாதாம்பிரியாள் தாக்கல் செய்த மனு, நீதிபதி விக்டோரியா கௌரி முன் விசாரணைக்கு வந்தது. மனுதாரரின் கோரிக்கை குறித்து, ஆதி திராவிடர் நலத்துறை செயலாளர், ராமநாதபுரம் மாவட்ட ஆட்சியர், மதுரை மண்டல மேலாளர் உள்ளிட்டோர் பதில் மனு தாக்கல் செய்ய உத்தரவிட்ட நீதிபதி, வழக்கின் விசாரணையை ஒத்திவைத்தார். மனுதாரரின் கோரிக்கை பாதாம்பிரியாள் தனது மனுவில் கூறியிருப்பதாவது: * நான் அருந்ததியர் வகுப்பைச் சேர்ந்தவள். எனது கணவர் பாலு, எங்களுக்கு ஒரு மகனும் ஒரு மகளும் உள்ளனர்.…