Author: Editor TN Talks

2019 நாடாளுமன்றத் தேர்தல் ஒப்பந்தத்தின்படி, ஒரு மாநிலங்களவை மற்றும் ஒரு மக்களவை இடத்தைப் பெற்ற மதிமுக, தற்போது நடைபெறவுள்ள மாநிலங்களவைத் தேர்தலிலும் ஒரு இடத்தைப் பெறுவதற்கு திமுக தலைமையிடம் கோரிக்கை வைத்துள்ளதாகத் தகவல்கள் வெளியாகியுள்ளன. கோரிக்கையின் பின்னணி மதிமுக பொதுச்செயலாளர் வைகோவின் மாநிலங்களவை உறுப்பினர் பதவி காலம் நிறைவடைந்த நிலையில், திமுக கூட்டணியில் மதிமுக தொடர்ந்து அங்கம் வகித்து வருகிறது. இந்தச் சூழலில், கடந்த நாடாளுமன்றத் தேர்தல் கூட்டணிப் பேச்சுவார்த்தையின்போது, மாநிலங்களவைத் தேர்தல் அறிவிக்கப்படும்போது இது குறித்துப் பேசிக்கொள்ளலாம் என திமுக தலைமை தெரிவித்திருந்தது. தற்போது மாநிலங்களவைத் தேர்தல் அறிவிக்கப்பட்டுள்ள நிலையில், மதிமுக ஒரு இடம் வழங்க வேண்டும் என திமுக தலைமையிடம் கோரிக்கை வைத்துள்ளதாகத் தகவல்கள் தெரிவிக்கின்றன.

திருநெல்வேலி மனோன்மணியம் சுந்தரனார் பல்கலைக்கழகத்தில் இன்று நடைபெறவிருந்த வணிகவியல் பாடத்தின் இண்டஸ்ட்ரியல் லா தேர்வு வினாத்தாள் கசிந்ததையடுத்து, தேர்வு தேதி குறிப்பிடாமல் ஒத்திவைக்கப்பட்டுள்ளது. இந்தச் சம்பவம் மாணவர்கள் மற்றும் பொதுமக்களிடையே பெரும் பரபரப்பை ஏற்படுத்தியுள்ளது. வினாத்தாள் கசிவு  பல்கலைக்கழகத்தின் கீழ் திருநெல்வேலி, தூத்துக்குடி, தென்காசி, கன்னியாகுமரி உள்ளிட்ட மாவட்டங்களில் செயல்படும் 106 கல்லூரிகளில் தற்போது செமஸ்டர் தேர்வுகள் நடைபெற்று வருகின்றன. இன்றைய தினம் நடக்கவிருந்த வணிகவியல் பாடத்தில் “இண்டஸ்ட்ரியல் லா” பிரிவிற்கான தேர்வு வினாத்தாள் நேற்று இரவு கசிந்ததாக பல்கலைக்கழக தேர்வு கட்டுப்பாட்டாளருக்குத் தகவல் கிடைத்தது. இதையடுத்து, பல்கலைக்கழகம் உடனடியாகத் தேர்வை ஒத்திவைத்து அனைத்துக் கல்லூரிகளுக்கும் உத்தரவு பிறப்பித்தது. வினாத்தாள் கசிந்த விவகாரம் தொடர்பாகப் பல்கலைக்கழகம் தீவிர விசாரணையை மேற்கொண்டு வருகிறது. அடுத்தகட்ட நடவடிக்கை ஏற்கனவே அனுப்பப்பட்ட வினாத்தாள்களை மையங்களில் இருந்து திரும்பப் பெறும் பணி நடைபெற்று வருகிறது. திரும்பப் பெறப்படும் வினாத்தாள்களின் கட்டுகளில் ஏதேனும் சந்தேகம் ஏற்பட்டால்,…

ஆந்திர மாநிலம் கர்னூல் மாவட்டத்தில் உள்ள பத்திகொண்டா பகுதியில், மழைக்காலத்தில் வைரக் கற்கள் கிடைப்பதால், ஒவ்வொரு ஆண்டும் மக்கள் வைர வேட்டையில் ஈடுபடுவது வழக்கம். இந்த ஆண்டு மழைக்காலம் தொடங்குவதற்கு முன்னரே வைர வேட்டை தீவிரமடைந்துள்ளது. இந்நிலையில், பத்திகொண்டா சுற்றுவட்டாரத்தைச் சேர்ந்த மூன்று வியாபாரிகள் கூட்டணி அமைத்து வைரக் கற்களைக் குறைந்த விலைக்கு வாங்கிச் செல்வதாகக் குற்றச்சாட்டுகள் எழுந்துள்ளன. வைரக் கற்கள் கிடைக்கும் பகுதிகள் “ராயல் சீமா ரத்னால சீமா” என்ற தெலுங்குப் பழமொழிக்கு ஏற்ப, ரத்தினங்கள் நிறைந்த பகுதியாக ராயல் சீமா திகழ்கிறது. கர்னூல் மாவட்டம் ராயல் சீமா மாவட்டங்களில் ஒன்றாகும். இங்குள்ள பத்திகொண்டா பகுதியில் உள்ள விளைநிலங்கள், காடுகள் ஆகியவற்றில் மழைக்காலங்களில் வைரக் கற்கள் கிடைப்பதாகக் கூறப்படுகிறது. வைர வேட்டை தீவிரம் ஒவ்வொரு ஆண்டும் மழைக்காலங்களில் கர்னூல் பகுதியைச் சேர்ந்தவர்கள் மட்டுமன்றி, கர்நாடகா, தெலுங்கானா, மகாராஷ்டிரா ஆகிய மாநிலங்களில் இருந்தும் ஏராளமானோர் இங்கு வந்து வைரக்…

ஆந்திர மாநிலம் குண்டூர் மாவட்டம் தெனாலியில், பட்டப்பகலில் பொதுமக்கள் முன்னிலையில் மூன்று இளைஞர்களை போலீசார் லத்தியால் தாக்கிய அதிர்ச்சி வீடியோ வெளியாகி பெரும் பரபரப்பை ஏற்படுத்தியுள்ளது. இந்தச் சம்பவம் ஒரு மாதத்திற்கு முன்பு நடந்ததாகவும், தற்போது சமூக வலைதளங்களில் பரவி வருவதாகவும் தகவல்கள் தெரிவிக்கின்றன. சம்பவம் நடந்தது என்ன? தெனாலியைச் சேர்ந்த ஜான் விக்டர், ராகேஷ், சேக் பாபுலால் ஆகிய மூன்று இளைஞர்களும் கஞ்சா போதையில் போலீஸ் கான்ஸ்டபிள் சிரஞ்சீவை தாக்கியதாகக் கூறப்படுகிறது. கான்ஸ்டபிளை தாக்கியதற்காக இளைஞர்கள் மீது வழக்கு பதிவு செய்து, நீதிமன்றத்தில் ஆஜர்படுத்தி சட்டப்படி தண்டனை பெற்றுத் தர வேண்டிய போலீசார், அவர்களை நடுரோட்டில் அமர வைத்து பொதுமக்கள் கண் முன்னே கொடூரமாக லாத்தியால் அடித்து ‘போலீஸ் ட்ரீட்மென்ட்’ கொடுத்தனர். வீடியோ வெளியாகி கண்டனம் இந்தச் சம்பவத்தை சிலர் வீடியோ பதிவு செய்துள்ளனர். போலீசார் தாக்கக்கூடும் என்ற அச்சத்தில் இந்த வீடியோக்கள் ரகசியமாகப் பாதுகாக்கப்பட்டு வந்துள்ளன. இந்நிலையில்,…

ஆந்திர மாநிலம் அம்பேத்கர் கோனசீமா மாவட்டத்தில் உள்ள மும்மிடிவரம் மண்டலம், கமினி லங்கா அருகே நேற்று மாலை கோதாவரி ஆற்றில் குளிக்கச் சென்ற எட்டு இளைஞர்கள் நீரில் மூழ்கி காணாமல் போயினர். சம்பவம் குறித்த விவரங்கள் காக்கிநாடா, ராமச்சந்திரபுரம் மற்றும் மண்டபேட்டா ஆகிய ஊர்களில் இருந்து ஷெருல்லங்கா கிராமத்தில் நடைபெற்ற நண்பரின் வீட்டு விசேஷத்திற்கு வந்த 11 இளைஞர்கள் கோதாவரி ஆற்றில் குளிக்கச் சென்றுள்ளனர். அவர்களில் எட்டு பேர் ஆழமான பகுதிக்குச் சென்று, ஒருவர் நீரில் மூழ்கிய நிலையில், அவரைக் காப்பாற்ற முயன்ற மற்றவர்களும் நீரில் மூழ்கி மாயமாகினர். மீட்புப் பணிகள் தீவிரம் தகவல் அறிந்து சம்பவ இடத்திற்கு விரைந்த உள்ளூர்வாசிகள் மற்றும் போலீசார், மாயமான இளைஞர்களைக் கண்டுபிடிக்கும் முயற்சியில் ஈடுபட்டுள்ளனர். அவர்களுக்கான தேடுதல் வேட்டை தற்போது தீவிரமாக நடைபெற்று வருகிறது. காணாமல் போனவர்கள் யார்? கோதாவரி ஆற்றில் மூழ்கி மாயமான இளைஞர்கள் காக்கிநாடா மற்றும் அதைச் சுற்றியுள்ள…

மேற்குத் தொடர்ச்சி மலைப் பகுதிகளில் பெய்து வரும் கனமழையால் கும்பக்கரை அருவிக்கு நீர்வரத்து அதிகரித்துள்ளது. இதனால் சுற்றுலாப் பயணிகள் மகிழ்ச்சி அடைந்துள்ளனர். நீர்வரத்து அதிகரிப்பு கேரளாவில் தென்மேற்குப் பருவமழை தீவிரமடைந்துள்ளதைத் தொடர்ந்து, கேரளாவை ஒட்டி அமைந்துள்ள தேனி மாவட்டத்தின் மேற்குத் தொடர்ச்சி மலைப் பகுதிகளிலும் கடந்த நான்கு நாட்களாகத் தொடர்ந்து மழை பெய்து வருகிறது. இதன் காரணமாக மேற்குத் தொடர்ச்சி மலை அடிவாரத்தில் அமைந்துள்ள கும்பக்கரை அருவிக்கு நீர்வரத்து கணிசமாக அதிகரித்துள்ளது. சுற்றுலாப் பயணிகள் மகிழ்ச்சி கடந்த சில மாதங்களாக நீர் பிடிப்புப் பகுதிகளில் மழை இல்லாததால் கும்பக்கரை அருவிக்கு நீர்வரத்து மிகவும் குறைந்து காணப்பட்டது. இதனால் தேனி மாவட்டம் மட்டுமல்லாமல், தமிழகத்தின் பிற பகுதிகள் மற்றும் கேரளா போன்ற அண்டை மாநிலங்களில் இருந்தும் வந்த சுற்றுலாப் பயணிகள் அருவியைப் பார்வையிட மட்டுமே அனுமதிக்கப்பட்டனர். குளிக்க அனுமதி இல்லாததால் அவர்கள் ஏமாற்றமடைந்தனர். இந்த நிலையில், தொடர்ந்து நான்கு நாட்களாக…

முல்லைப் பெரியாறு அணையின் நீர் பிடிப்புப் பகுதிகளில் பெய்து வரும் தொடர் கனமழையால் அணைக்கு வரும் நீரின் அளவு வினாடிக்கு 5205 கன அடியாக அதிகரித்துள்ளது. இதன் காரணமாக அணையின் நீர்மட்டம் ஒரே நாளில் மூன்று அடி உயர்ந்துள்ளது. நீர்வரத்து அதிகரிப்பு தேனி, மதுரை, திண்டுக்கல், சிவகங்கை, இராமநாதபுரம் உள்ளிட்ட ஐந்து மாவட்டங்களின் குடிநீர் மற்றும் விவசாயத் தேவையைப் பூர்த்தி செய்யும் முல்லைப் பெரியாறு அணைக்கு, கடந்த சில மாதங்களாகப் போதிய மழை இல்லாததால் நீர்வரத்து மிகவும் குறைவாக இருந்தது. கடந்த மே 24 அன்று கேரளாவில் தென்மேற்குப் பருவமழை தொடங்கியதையடுத்து, நீர் பிடிப்புப் பகுதிகளில் கனமழை பெய்து வருகிறது. இதனால் அணைக்கு நீர்வரத்து அதிகரித்துள்ளது. மே 24-ம் தேதி வினாடிக்கு 487 கன அடியாக இருந்த நீர்வரத்து, மே 25-ம் தேதி 584 கன அடியாகவும், நேற்று வினாடிக்கு 1648 கன அடியாகவும் அதிகரித்தது. கடந்த 24 மணி…

கேரளாவில் தென்மேற்கு பருவமழை வெளுத்துக் கட்டி வரும் நிலையில், இதுவரை 10 பேர் உயிரிழந்துள்ளனர். கனமழை காரணமாக பல பகுதிகளில் கடும் பாதிப்புகள் ஏற்பட்டுள்ளன. நிலச்சரிவு, மண் சரிவு மற்றும் மரங்கள் முறிந்து விழுந்ததால் வீடுகள், மின்கம்பங்கள், சாலைகள் கடுமையாக பாதிக்கப்பட்டுள்ளன. பலி எண்ணிக்கை மற்றும் பாதிப்புகள் கேரளா உள்ளிட்ட தென் மாநிலங்களுக்கு நீர் ஆதாரமாக விளங்கும் தென்மேற்கு பருவமழை வழக்கமாக ஜூன் முதல் வாரத்தில் தொடங்கும். ஆனால் இந்த ஆண்டு, 16 ஆண்டுகளுக்குப் பிறகு மே 24-ம் தேதி தொடங்கியது. அன்று முதல் தொடர்ந்து கனமழை பெய்து வருவதால் கேரளாவில் பெரும் வெள்ளப் பாதிப்புகள் ஏற்பட்டு வருகின்றன. கனமழையால் கோழிக்கோடு மாவட்டம் தாமரைச்சேரி அருகே கூடாஞ்சேரியைச் சேர்ந்த விஜி சந்திரன் – ஷீபா தம்பதியினரின் மகன்களான நிதின் (13), இவின் (11) இருவரும் அரக்கல்படித்தோடு என்ற இடத்தில் உள்ள ஓடையில் மீன்பிடித்துக் கொண்டிருந்தனர். அப்போது பலத்த காற்று…

கனமழை காரணமாக இடுக்கி மாவட்டம் கட்டப்பனை நகரில் மூன்று மாடி வணிக வளாகக் கட்டிடத்தின் சுற்றுப்புறச் சுவர் இடிந்து விழுந்த அதிர்ச்சி வீடியோ வெளியாகி உள்ளது. நல்லவேளையாக, இந்தச் சம்பவத்தில் உயிர்ச்சேதம் தவிர்க்கப்பட்டுள்ளது. தமிழக-கேரள எல்லையை இணைக்கும் இடுக்கி மாவட்டத்தில் தென்மேற்குப் பருவமழை தீவிரமடைந்து வருகிறது. இன்று (திங்கட்கிழமை) இடுக்கி மாவட்டத்திற்கு அதிதீவிர கனமழைக்கான “ரெட் அலெர்ட்” எச்சரிக்கை விடுக்கப்பட்டிருந்தது. அதற்கேற்ப, மாவட்டம் முழுவதும் ஆங்காங்கே பரவலாக கனமழை பெய்து வருகிறது. இந்த நிலையில், இடுக்கி மாவட்டத்தின் முக்கிய நகரான கட்டப்பனை பகுதிகளிலும் தொடர்ந்து கனமழை பெய்து வருகிறது. கனமழையால் கட்டப்பனை நகரின் மையப்பகுதியில் அமைந்துள்ள மூன்று மாடி வணிக வளாகத்தின் சுற்றுப்புறச் சுவர் இடிந்து விழுந்தது. இந்த வீடியோ காட்சிகள் வெளியாகி அதிர்ச்சியை ஏற்படுத்தி உள்ளன. கார் பார்க்கிங்கை ஒட்டி இருந்த அந்த சுற்றுப்புறச் சுவர் இடிந்து விழுந்தபோது நல்லவேளையாக யாரும் இல்லாததால் உயிர்ச்சேதம் தவிர்க்கப்பட்டது. தொடர் மழையால் மூன்று…

“ஒரே நாடு ஒரே தேர்தல்” திட்டம் குறித்து திமுக தலைவர் மு.க. ஸ்டாலின் எதிர்ப்புக் கருத்துகளை தெரிவித்து வரும் நிலையில், திமுகவின் முன்னாள் தலைவரும், முன்னாள் முதலமைச்சருமான கலைஞர் கருணாநிதியே இத்திட்டத்தை ஆதரித்து பேசியுள்ளதாக தமிழ்நாடு பாஜக தலைவர் நயினார் நாகேந்திரன் தெரிவித்துள்ளார். கருத்தரங்கில் நயினார் நாகேந்திரன்: சென்னை திருவான்மியூரில் இன்று நடைபெற்ற “ஒரே நாடு ஒரே தேர்தல்” குறித்த கருத்தரங்கில், தமிழக பாஜக தலைவர் நயினார் நாகேந்திரன் பங்கேற்றுப் பேசினார். இக்கருத்தரங்கில் ஆந்திர மாநில துணை முதலமைச்சர் பவன் கல்யாண் சிறப்பு விருந்தினராகவும், தெலங்கானா முன்னாள் ஆளுநர் தமிழிசை சௌந்தரராஜன் உட்படப் பலரும் கலந்து கொண்டனர். “கருணாநிதியின் ‘நெஞ்சுக்கு நீதி’ மேற்கோள்”: நிகழ்ச்சியில் பேசிய நயினார் நாகேந்திரன், “தற்போதைய முதலமைச்சர் மு.க. ஸ்டாலின், ‘ஒரே நாடு ஒரே தேர்தல் முறை அமல்படுத்தப்பட்டால், அது ஒரே கட்சி தொடர்ந்து ஆட்சி அதிகாரத்தில் அமர்வதற்கு சாதகமாக அமைந்துவிடும்’ என்று கூறி வருகிறார். ஆனால்,…