Author: editor5

தவெக அரசு, அதிகார துஷ்பிரயோகம் செய்து வருவதாக திமுக அமைப்புச் செயலாளர் ஆர்.எஸ்.பாரதி குற்றம் சாட்டியுள்ளார். தமிழ்நாடு முதலமைச்சர் விஜய் தலைமையிலான தமிழக வெற்றிக் கழக (தவெக) அரசுக்கு எதிராக எதிர்க்கட்சிகள் ஒரே நாளில் களமிறங்கி, ராஜ்பவன் முன் புகார் அளித்து அரசியல் பரபரப்பை ஏற்படுத்தியுள்ளன. தி.மு.க., அ.தி.மு.க., பா.ஜ.க. உள்ளிட்ட கட்சிகள் தனித்தனியே கவர்னர் ராஜேந்திர அர்லேகரை சந்தித்து மனு அளித்த சம்பவம் அரசியல் வட்டாரத்தில் பேசுபொருளாக மாறியுள்ளது. இன்று காலை கிண்டி ராஜ்பவனுக்கு வந்த தி.மு.க. உயர்மட்டத் தலைவர்கள், தவெக அரசு குதிரைப் பேரம் நடத்துவதாக கடும் குற்றச்சாட்டுகளை முன்வைத்தனர். தி.மு.க. அமைப்புச் செயலாளர் ஆர்.எஸ்.பாரதி, சட்டத் துறை இணைச் செயலாளர் பரந்தாமன், எம்.பி. வில்சன் உள்ளிட்டோர் கவர்னரை நேரில் சந்தித்து புகார் மனு அளித்தனர். மனுவில், தவெக அரசு அதிகார துஷ்பிரயோகத்தில் ஈடுபட்டு வருவதாகவும், எதிர்க்கட்சி எம்.எல்.ஏக்களை பணம், பதவி ஆசை காட்டி தங்கள் பக்கம் இழுக்க…

புதுடெல்லி: நாடாளுமன்றத்தின் மழைக்காலக் கூட்டத்தொடர் வரும் ஜூலை 20-ஆம் தேதி தொடங்கி ஆகஸ்ட் 13-ஆம் தேதி வரை நடைபெறும் என அறிவிக்கப்பட்டுள்ளது. ஜனாதிபதி திரவுபதி முர்மு இதற்கான ஒப்புதல் அளித்துள்ளதாக மத்திய சட்ட அமைச்சர் கிரண் ரிஜிஜு தெரிவித்தார். கடந்த சில மாதங்களில் நாடு முழுவதும் ஏற்பட்ட அரசியல் மாற்றங்கள் காரணமாக இந்தக் கூட்டத்தொடர் மிகுந்த முக்கியத்துவம் பெற்றுள்ளது. ஐந்து மாநில சட்டமன்றத் தேர்தல்களுக்குப் பின்னர் தமிழ்நாடு, மேற்கு வங்காளம் உள்ளிட்ட பல மாநிலங்களில் குறிப்பிடத்தக்க அரசியல் திருப்பங்கள் நிகழ்ந்துள்ளன. காங்கிரஸ் கூட்டணியில் இருந்து திராவிட முன்னேற்றக் கழகம் (திமுக) விலகிய சம்பவம் தேசிய அரசியலில் புதிய சமன்பாடுகளை உருவாக்கியுள்ளது. அதேசமயம், மேற்கு வங்காளத்தில் மம்தா பானர்ஜியின் திரிணமூல் காங்கிரஸ் கட்சி இரண்டாகப் பிளவுபட்டுள்ளது. இத்தகைய பின்னணியில், மத்திய அரசின் முக்கிய மசோதாக்கள் மீது கூடுதல் கவனம் பதியும் என எதிர்பார்க்கப்படுகிறது. மத்திய அரசு, தொகுதி மறுவரையறை (Delimitation) மசோதா மற்றும்,…

தமிழ்நாட்டில் புதிய குடும்ப அட்டை (ரேஷன் கார்டு) பெற ஆவலுடன் காத்திருக்கும் மக்களின் எண்ணிக்கை நாளுக்கு நாள் அதிகரித்து வருகிறது. சுமார் ஆறு லட்சம் விண்ணப்பதாரர்கள், எப்போது தங்கள் புதிய அட்டை கிடைக்கும் என ஆவலோடு எதிர்பார்த்துக் கொண்டிருக்கின்றனர். தமிழகம் முழுவதும் 37,328 ரேஷன் கடைகள் செயல்பட்டு வரும் நிலையில், 2 கோடியே 28 லட்சத்திற்கும் மேற்பட்ட குடும்ப அட்டைகள் மூலம் விலையில்லா அரிசி, சர்க்கரை, கோதுமை, பாமாயில், துவரம்பருப்பு உள்ளிட்ட அத்தியாவசியப் பொருட்கள் வழங்கப்படுகின்றன. இதன் மூலம் சுமார் 7 கோடி மக்கள் பயன்பெற்று வருகின்றனர். ரேஷன் கார்டு என்பது வெறும் பொருள் வாங்கும் ஆவணம் மட்டுமல்ல; அரசின் பல்வேறு நலத்திட்டங்கள், உதவிகளைப் பெறுவதற்கான முக்கிய அடையாளச் சான்றாகவும் திகழ்கிறது. எனவே புதிய கார்டு பெற மக்கள் மிகுந்த ஆர்வம் காட்டுகின்றனர். கடந்த டிசம்பர் மாதம் முதல் புதிய ரேஷன் கார்டு வழங்கும் பணி தேர்தல் நடத்தை விதிமுறைகள் காரணமாக…

அதிமுக, அம்மா மக்கள் முன்னேற்ற கழகம் மற்றும் திமுக உள்ளிட்ட கட்சிகளில் முக்கியப் பொறுப்புகளை வகித்து வந்த முன்னாள் சட்டமன்ற உறுப்பினர் வி.பி.கலைராஜன், தற்போது தவெகவில் (தமிழக வெற்றி கழகம்) இணைந்துள்ளார். இதற்காக அவர் சென்னை பனையூர் பகுதியில் அமைந்துள்ள தவெக தலைமை அலுவலகத்துக்கு நேரில் சென்று உறுப்பினர் படிவத்தில் கையெழுத்திட்டார். தியாகராய நகர் தொகுதியில் 2006 மற்றும் 2011 ஆம் ஆண்டுகளில் அதிமுக சார்பில் போட்டியிட்டு இருமுறை வெற்றி பெற்றவர் வி.பி.கலைராஜன். அக்காலகட்டத்தில் அதிமுகவின் மாவட்ட செயலாளராகவும் பொறுப்பு வகித்த அவர், கட்சியின் பொதுக்கூட்டங்கள் மற்றும் தேர்தல் பிரச்சாரங்களில் மிகவும் பிரபலமான ஒரு பாடலை எழுதியவர் என்பது குறிப்பிடத்தக்கது. “பூமி உள்ளவரை எங்க அம்மா புகழே நிலைத்திருக்கும்” என்ற வரிகளால் தொடங்கும் அந்த பாடல், மறைந்த முன்னாள் முதலமைச்சர் ஜெயலலிதாவின் புகழைப் பாடி இன்றும் அதிமுக தொண்டர்களிடையே எதிரொலித்துக் கொண்டிருக்கிறது. அதிமுகவில் ஏற்பட்ட உட்கட்சி பிளவுக்குப் பிறகு டி.டி.வி. தினகரனின்…

மக்களின் பிரச்சனைகளை தீர்க்க தவெக அரசுடன் இணைந்து செயல்படுவேன் என ஆளுநர் அர்லேகர் தெரிவித்துள்ளார். தமிழக ஆளுநர் ராஜேந்திர விஸ்வநாத் அர்லேகர், பொதுமக்களின் பிரச்சினைகளை நேரடியாக ஆளுநர் மாளிகையில் தெரிவிக்கலாம் என்று அழைப்பு விடுத்துள்ளார். சென்னை கிண்டியில் உள்ள மக்கள் மாளிகையில் நடைபெற்ற ஒரு புத்தக வெளியீட்டு விழாவில் பங்கேற்று உரையாற்றிய அவர், சமூக நல்லிணக்கத்தின் அவசியத்தை வலியுறுத்தினார். ஆளுநர் பேசுகையில், “நமது சமுதாயத்தில் சமூக நல்லிணக்கம் இல்லாததே மிகப் பெரிய பிரச்சினையாக உள்ளது. மக்களின் பிரச்சினைகளைத் தீர்க்க தமிழக அரசுடன் இணைந்து செயல்படுவேன். தேவைப்பட்டால், முதலமைச்சரிடம் நேரடியாகப் பேசி தீர்வு காண்பேன். ஆளுநர் மாளிகைக்கும் அரசுக்கும் எதிர்பார்ப்பு இருந்தால், மக்கள் தங்கள் தேவைகளை உடனடியாகத் தெரிவிக்கலாம். ஒன்றிணைந்து மக்களின் பிரச்சினைகளுக்கு தீர்வு காண்போம்” என்று தெரிவித்தார். இந்த அறிவிப்பு அரசியல் வட்டாரத்தில் பரபரப்பை ஏற்படுத்தியுள்ளது. சமீபத்தில் மதுரை சௌராஷ்டிரா கல்லூரியில் நடைபெற்ற பட்டமளிப்பு விழாவில் பங்கேற்ற ஆளுநர் அர்லேகர், தேசபக்தி…

இந்திய சினிமா மற்றும் ஓடிடி துறையில் பரவும் பதிப்புரிமை மீறல்களை தடுக்கத் தவறியதாக பிரபல குறுஞ்செய்தி செயலியான டெலிகிராமுக்கு மத்திய தகவல் மற்றும் ஒலிபரப்பு அமைச்சகம் இன்று கடுமையான நோட்டீஸ் அனுப்பியுள்ளது. இந்த நோட்டீசில், திருட்டு உள்ளடக்கங்களுக்கு எதிராக உடனடியாக தீவிர நடவடிக்கை எடுக்கவும், அடுத்த 15 நாட்களுக்குள் விரிவான அறிக்கையை சமர்ப்பிக்கவும் மத்திய அரசு கெடு விதித்துள்ளது. டெலிகிராம் தளத்தில் புதிய திரைப்படங்கள், ஓடிடி வெப் சீரிஸ்கள் உள்ளிட்ட பல்வேறு உள்ளடக்கங்கள் சட்டவிரோதமாக பகிரப்படுவது இந்திய படைப்புத் துறையின் பொருளாதாரத்தை பெரிதும் பாதித்து வருகிறது. சினிமா தயாரிப்பாளர்கள், விநியோகஸ்தர்கள், ஓடிடி தளங்கள் மற்றும் படைப்பாளர்களின் வருவாயை கணிசமாக பாதிக்கும் இந்த திருட்டு நடவடிக்கைகளை தடுக்கும் வகையில் இந்த அதிரடி நடவடிக்கை எடுக்கப்பட்டுள்ளது. நோட்டீசில் மத்திய அரசு சுட்டிக்காட்டியுள்ளதாவது, 1957-ம் ஆண்டு பதிப்புரிமைச் சட்டம் மற்றும் 1952-ம் ஆண்டு சினிமாட்டோகிராஃப் சட்டத்தின்படி பதிப்புரிமை மீறல் வெறும் சிவில் குற்றம் மட்டுமல்ல, கடுமையான…

மகாராஷ்டிரா முழுவதும் தென்மேற்கு பருவமழை தீவிரமடைந்துள்ள நிலையில், தலைநகர் மும்பை மற்றும் அதன் புறநகர்ப் பகுதிகளில் இன்று கனமழை மேலும் உக்கிரமடைந்தது. இதனால் நகரின் பல்வேறு பகுதிகளில் வெள்ளப்பெருக்கு ஏற்பட்டு, சாலைப் போக்குவரத்து முடங்கியுள்ளது. இந்திய வானிலை ஆய்வு மையம் (IMD) மும்பை, தானே, பால்கர், ராய்காட் உள்ளிட்ட கடலோர மாவட்டங்களுக்கும், புனே, சதாரா மலைப்பகுதிகளுக்கும் அதிதீவிர மழைக்கான ‘ரெட் அலர்ட்’ எச்சரிக்கை விடுத்துள்ளது. இந்த மழை வீழ்ச்சி ஜூலை 7-ம் தேதி வரை நீடிக்கக்கூடும் என வானிலை ஆய்வாளர்கள் எச்சரித்துள்ளனர். கடந்த நான்கு நாட்களில் மழை சார்ந்த விபத்துகளில் மும்பை, தானே மற்றும் புனே பகுதிகளில் ஐந்து பேர் உயிரிழந்துள்ள சோகம் பொதுமக்களை அதிர்ச்சியில் ஆழ்த்தியுள்ளது. செம்பூர் பகுதியில் பலத்த காற்றில் ஒரு மரம் பள்ளிப் பேருந்தின் மீது விழுந்த விபத்தில் 11 வயது சிறுவன் உயிரிழந்தான். மேலும், திறந்திருந்த சாக்கடை மேன்ஹோலில் விழுந்த முதியவர் ஒருவர் அடித்துச் செல்லப்பட்ட…

பாகிஸ்தானின் பலூசிஸ்தான் மாகாணத்தில் அமைந்துள்ள மூலோபாய முக்கியத்துவம் வாய்ந்த குவாதர் மாவட்டத்தில் உள்ள ஜிவானியின் பன்வான் பகுதியில் பாகிஸ்தான் கடலோரக் காவல்படை முகாம் மீது தீவிரவாத அமைப்பினர் நடத்திய தாக்குதல் பெரும் அதிர்வலைகளை ஏற்படுத்தியுள்ளது. நேற்று மாலை சுமார் 6.32 மணியளவில் நடைபெற்ற இந்தச் சம்பவத்தில், வெடிபொருட்கள் நிரப்பப்பட்ட மாசுடா லாரி ஒன்றை ஓட்டிச் சென்ற தற்கொலைப் படை வீரர் முகாமுக்குள் நுழைந்து வெடிக்கச் செய்ததாகக் கூறப்படுகிறது. இந்த வெடிப்பைத் தொடர்ந்து பலூச் விடுதலைப் படை (BLA) போராளிகள் அனைத்துப் பக்கங்களிலிருந்தும் தாக்குதலைத் தொடங்கினர். பலூச் விடுதலைப் படையின் செய்தித் தொடர்பாளர் ஜீயந்த் பலோச் வெளியிட்ட அறிக்கையில், “எங்கள் அமைப்பின் எலைட் மஜீத் பிரிகேடைச் சேர்ந்த அத்தாஉல்லா பலோச் (அல் அஜ்மல்) என்பவர் தற்கொலைத் தாக்குதலை நடத்தினார். இதில் கடலோரக் காவல்படை முகாம் முழுமையாக அழிக்கப்பட்டது. 30க்கும் மேற்பட்ட பாகிஸ்தான் பாதுகாப்புப் படையினர் உயிரிழந்தனர். ஏராளமானோர் காயமடைந்தனர்” என்று தெரிவித்தார். இந்தத்…

புதுக்கோட்டை: விராலிமலை சட்டமன்றத் தொகுதி உறுப்பினரும், முன்னாள் அமைச்சருமான டாக்டர் சி. விஜயபாஸ்கர் தனது எம்.எல்.ஏ. பதவியை ராஜினாமா செய்து தமிழக வெற்றிக் கழகத்தில் (த.வெ.க.) இணைந்த சம்பவம் அதிமுகவில் பெரும் அதிர்வலைகளை ஏற்படுத்தியுள்ளது. இதைத் தொடர்ந்து புதுக்கோட்டை மாவட்டத்தில் கட்சியை பலப்படுத்தும் வகையில் அ.தி.மு.க. பொதுச் செயலாளர் எடப்பாடி கே. பழனிசாமி முக்கிய நிர்வாக மாற்றங்களை அறிவித்துள்ளார். சட்டமன்றத் தேர்தல் தோல்விக்குப் பிறகு அ.தி.மு.க.வில் இருந்து பல முன்னணி நிர்வாகிகள் விலகி த.வெ.க.வில் இணைவது தொடர்ந்து நடைபெற்று வருகிறது. இந்தப் பின்னணியில் விஜயபாஸ்கரின் ராஜினாமா கட்சிக்குள் புதிய சவால்களை எழுப்பியுள்ளது. இந்நிலையில், மாவட்ட அமைப்புகளை முழுமையாகப் புதுப்பித்து, ஒற்றுமையுடன் செயல்படும் வகையில் எடப்பாடி பழனிசாமி உடனடி நடவடிக்கைகளை எடுத்துள்ளார். புதுக்கோட்டை வடக்கு மாவட்ட செயலாளராக ஏற்கனவே பழனிவேல் நியமிக்கப்பட்டுள்ள நிலையில், மாவட்டம், ஒன்றியம், நகரம், பேரூராட்சி உள்ளிட்ட அனைத்து அளவிலும் புதிய நிர்வாகிகள் நியமிக்கப்பட்டுள்ளனர். மாவட்ட அவைத் தலைவர், இணைச்…

தமிழ்நாடு மின்பகிர்மான கழகம் (TANGEDCO) நீண்டகாலமாக எதிர்கொண்டுவரும் ஊழியர் பற்றாக்குறையை சமாளிக்கும் வகையில், ஓய்வு பெற்ற ஊழியர்கள் மற்றும் ஒப்பந்தப் பணியாளர்களுக்கான சம்பளத்தை கணிசமாக உயர்த்தியுள்ளது. இந்த நடவடிக்கை மின்சாரப் பராமரிப்புப் பணிகளை விரைவுபடுத்தவும், மின்தடைகளை குறைக்கவும் உதவும் என எதிர்பார்க்கப்படுகிறது. தமிழ்நாடு மின்வாரியத்தில் மொத்த ஊழியர் தேவை 1,40,635 ஆக உள்ள நிலையில், தற்போது பணியாற்றும் ஊழியர்களின் எண்ணிக்கை வெறும் 74,174 மட்டுமே. இதனால் சுமார் 65,921 பணியிடங்கள் காலியாக உள்ளன. இந்தப் பற்றாக்குறை காரணமாக மின்வாரி பராமரிப்பு, பழுது நீக்கும் பணிகள் மற்றும் புதிய இணைப்புகள் தாமதமாகின்றன. மின்சாரத் துறை அமைச்சர் நிர்மல் குமார் இந்தப் பிரச்னையை சமீபத்தில் ஒப்புக்கொண்டு, தீர்வு காண நடவடிக்கை எடுக்கப்படுவதாக உறுதியளித்திருந்தார். இந்நிலையில், ஓய்வு பெற்ற இன்ஜினியர்கள், ஃபோர்மேன், லைன் இன்ஸ்பெக்டர்கள் உள்ளிட்ட தொழில்நுட்பப் பணியாளர்களை தற்காலிகமாக பணியமர்த்தி வருகிறது TANGEDCO. முன்பு 110 கே.வி. துணை மின்நிலையங்களில் பணியாற்றும் ஓய்வு பெற்றோருக்கு…