இந்திய மகளிர் ‘ஏ’ கிரிக்கெட் அணி, ஆஸ்திரேலியாவில் சுற்றுப் பயணம் மேற்கொண்டு தலா 3 போட்டிகள் கொண்ட டி20 மற்றும் ஒருநாள் தொடர்களிலும், ஒரு 4 நாள் போட்டியிலும் விளையாடவுள்ளது. இவ்விரு அணிகளுக்கும் இடையேயான முதல் டி20 தொடர் ஆகஸ்ட் 7-ம் தேதி நடைபெறவுள்ளது. இந்த சுற்றுப்பயணத்திற்கான இந்திய அணிகள் அறிவிக்கப்பட்டுள்ளது.
அதன்படி, ராதா யாதவ் கேப்டனாக நியமிக்கப்பட்டுள்ளார். அதனை தொடர்ந்து டி20 அணியில், மின்னு மணி, ஷபாலி வர்மா, டி. விருந்தா, சஜனா சஜீவன், உமா சேத்ரி, ரக்வி பிஸ்ட், ஸ்ரேயங்கா பாட்டீல், பிரேமா ராவத், நந்தினி காஷ்யப், தனுஜா கன்வர், ஜோஷிதா வி.ஜே, ஷப்னம் ஷகீல், சைமா தாகூர், டைட்டஸ் சாது ஆகியோரும்,
ஒருநாள் மற்றும் மல்டி டே போட்டியில், ராதா யாதவ் (கேப்டன்), மின்னு மணி , ஷபாலி வர்மா, தேஜல் ஹசாப்னிஸ், ரக்வி பிஸ்ட், தனுஸ்ரீ சர்க்கார், உமா சேத்ரி, பிரியா மிஸ்ரா, தனுஜா கன்வர், நந்தினி காஷ்யப், தாரா குஜ்ஜார், ஜோஷிதா வி.ஜே., ஷப்னம் சாகீல், சப்தா விஜே, சைமா தாகூர், டைட்டஸ் சாது ஆகியோரும் அறிவிக்கப்பட்டுள்ளனர்.
