ஃபார்முலா ஒன் உலகை சாம்பியன்ஷிப் பட்டத்தை முதல் முறையாக இங்கிலாந்தை சேர்ந்த லாண்டோ நோரிஸ் இன்று வென்று இருக்கிறார்.
அபுதாபி கிராண்ட் பிரீ 58 லேப்கள் கொண்டது. இந்த அபுதாபி ரேஸ் சர்க்யூட்டில் ஒரு லேப் 5.281 கிலோமீட்டர் தூரம் ஆகும். இந்த நிலையில் பந்தய தூரமான 306.29 கிலோமீட்டர் தூரத்தை அதிவேகமாக யார் கடந்து உலக சாம்பியன் பட்டத்தை வெல்ல போகிறார்கள் என்ற எதிர்பார்ப்பு ரசிகர்கள் மத்தியில் இருந்தது.
உலக சாம்பியனை தீர்மானிக்கும் இந்த பந்தயம் நடப்பதற்கு முன்பாக லாண்டோ நோரிஸ் 408 புள்ளிகளுடன் F1 ஓட்டுநர் சாம்பியன்ஷிப்பில் முதலிடத்தில் இருந்தார். மேக்ஸ் வெர்ஸ்டாப்பன் 396 புள்ளிகளுடன் இரண்டாவது இடத்தில் இருந்தார்.
இந்த பந்தயத்தில் முதலிடத்தை பிடிப்பவருக்கு 25 புள்ளிகள்(ஒரு வேகமான லேப் ரெக்கார்டை செய்தால் கூடுதல் ஒரு புள்ளி தரப்படும்) தரப்படும் இரண்டாவது இடத்தை பிடிப்பவருக்கு 18 புள்ளிகளும் மூன்றாவது இடத்தை பிடிப்பவருக்கு 15 புள்ளிகளும் தரப்படும்.
இந்தப் பந்தயத்தில் மேக்ஸ் வெர்ஸ்டாப்பன் முதலாவது நபராக அனைத்து லேப்களையும் முடித்து 25 புள்ளிகளை பெற்று 421 புள்ளிகளுடன் சாம்பியன்ஷிப் புள்ளி பட்டியலில் முதலிடத்தில் இருந்தார். லாண்டோ நோரிஸ் மூன்றாவது நபராக அனைத்து லேபுகளையும் முடித்து 15 புள்ளிகள் பெற்று 423 புள்ளிகளுடன் சாம்பியன்ஷிப் பட்டியலில் வெர்ஸ்டாப்பனை பின்னுக்குத் தள்ளி முதலிடத்தை பிடித்தது மட்டுமல்லாமல் ஃபார்முலா உன் உலக சாம்பியன்ஷிப் பட்டத்தையும் முதல்முறையாக வென்றிருக்கிறார்.
2021 முதல் 2024 வரை தொடர்ச்சியாக நான்கு முறை மேக்ஸ் வெர்ஸ்டாப்பன் ஃபார்முலா ஒன் உலக சாம்பியன்ஷிப் பட்டத்தை வென்றது குறிப்பிடத்தக்கது. ஐந்தாவது முறையாக பட்டத்தை அவர் வெல்வார் என்று எதிர்பார்க்கப்பட்ட நிலையில் இரண்டு புள்ளி வித்தியாசத்தில் பட்டத்தை வெல்லும் வாய்ப்பை இழந்தார்.
ஃபார்முலாவும் உலக சாம்பியன்ஷிப் பட்டத்தை ஐந்து முறை வென்ற ஒரே வீரர் ஜெர்மனியைச் சேர்ந்த மைக்கேல் சூமாக்கர் ( 2000,2001,2002,2003,2004) என்பது கூடுதல் தகவல்.
அதேபோல ஒரு தனிப்பட்ட வீரராக இயலும் முறை ஃபார்முலா ஒன் உலக சாம்பியன்ஷிப் பட்டத்தை வென்ற வீரர்கள் இருவர் மட்டுமே மைக்கேல் சூமாக்கர் மற்றும் லீவிஸ் ஹாமில்டன் ( இருவரும் ஏழு முறை உலக சாம்பியன்ஷிப் பட்டத்தை வென்று இருக்கின்றனர் )
