தமிழகத்தில் 2026 சட்டமன்றத் தேர்தலை முன்னிட்டு, சிறப்பு தீவிர திருத்தப் பணிகளுக்குப் பிறகு ( SIR) இறுதி வாக்காளர் பட்டியல் இன்று (பிப்ரவரி 23) அதிகாரப்பூர்வமாக வெளியிடப்பட்டுள்ளது. சென்னை தலைமைச் செயலகத்தில் தலைமைத் தேர்தல் அதிகாரி அர்ச்சனா பட்நாயக் மாவட்ட வாரியான புள்ளிவிவரங்களை வெளியிட்டார். அதேபோல், அந்தந்த மாவட்டங்களில் ஆட்சியர்கள் முன்னிலையில் அரசியல் கட்சிப் பிரதிநிதிகளிடம் பட்டியல் வழங்கப்பட்டது.
மொத்த வாக்காளர்கள்: இறுதிப் பட்டியலின்படி தமிழகத்தில் மொத்த வாக்காளர்களின் எண்ணிக்கை சுமார் 5.44 கோடி எனத் தெரிவிக்கப்பட்டுள்ளது.
நீக்கம்: போலி வாக்காளர்கள் மற்றும் இரட்டைப் பதிவுகளைத் தவிர்க்கும் நோக்கில், சுமார் 97.37 லட்சம் பெயர்கள் வரைவுப் பட்டியலிலிருந்து நீக்கப்பட்டுள்ளன.
புதிய வாக்காளர்கள்: 18 வயது பூர்த்தியடைந்த சுமார் 66 லட்சம் புதிய வாக்காளர்கள் இந்தத் திருத்தப் பணியின் போது தங்களை இணைத்துக் கொள்ள விண்ணப்பித்திருந்தனர்.
பெண் வாக்காளர்கள்: சுமார் 2.77 கோடி.
ஆண் வாக்காளர்கள்: சுமார் 2.66 கோடி.
மூன்றாம் பாலினத்தவர்: சுமார் 8,500-க்கும் மேற்பட்டோர்.
கடந்த காலங்களில் இருந்த 6.41 கோடி என்ற எண்ணிக்கையில் இருந்து தற்போது 5.44 கோடியாக வாக்காளர் எண்ணிக்கை குறைந்துள்ளது. இறப்பு, குடிபெயர்ந்தவர்கள் மற்றும் ஒரே நபர் இரு இடங்களில் பதிவாகி இருப்பது போன்ற காரணங்களால் இந்த நடவடிக்கை எடுக்கப்பட்டுள்ளது. இது வரும் 2026 தேர்தலில் நேர்மையான வாக்குப்பதிவை உறுதி செய்ய உதவும் எனத் தேர்தல் ஆணையம் தெரிவித்துள்ளது.
இறுதி வாக்காளர் பட்டியலின்படி, மாநிலத்திலேயே அதிக வாக்காளர்களைக் கொண்ட தொகுதியாக மீண்டும் ‘சோழிங்கநல்லூர்’ முதலிடம் பிடித்துள்ளது.
சென்னை மாவட்ட வாக்காளர் புள்ளிவிவரங்கள்: சென்னை மாவட்டத்திற்கு உட்பட்ட 16 தொகுதிகளில் இறுதி வாக்காளர் எண்ணிக்கை வெளியாகி உள்ளது.
மொத்த வாக்காளர்கள்: சென்னையில் 28,30, 936 வாக்காளர்கள் இறுதிப் பட்டியலில் இடம்பெற்றுள்ளனர். சென்னை மாவட்டத்தில் அதிகபட்சமாக பெரம்பூர் தொகுதியில் 2,22,792 வாக்காளர்களும், குறைந்தபட்சமாக துறைமுகம் தொகுதியில் 1,16,896 வாக்காளர்களும் உள்ளனர்.
ராதாகிருஷ்ணன் நகரில் ஒரு லட்சத்து 95 ஆயிரத்து 856 வாக்காளர் உள்ளனர்.
பெரம்பூர் – 2,22,792,
கொளத்தூர் – 2,07,251
வில்லிவாக்கம் – 1,59,764
திரு வி க நகர் – 1,78,793
எழும்பூர் – 1,34,879
ராயபுரம் – 1,56,931
துறைமுகம் 1,16,896
சேப்பாக்கம் – 1, 63,866
ஆயிரம் விளக்கு – 1,53,908
அண்ணா நகர் – 1,81,402
விருகம்பாக்கம் – 1,96,536
சைதாப்பேட்டை – 2,00,607
தி நகர் – 1,54,943
மயிலாப்பூர் – 1,94,731
வேளச்சேரி 2,11,691
