ஆப்கானிஸ்தான் அணி இந்தியாவில் சுற்றுப்பயணம் செய்து ஒரு டெஸ்ட், 3 ஒருநாள் போட்டிகள் கொண்ட தொடரில் விளையாட உள்ளது. இந்தியா – ஆப்கானிஸ்தான் அணிகளுக்கு இடையேயான தொடர் ஜூன் 6-ம் தேதி தொடங்குகிறது. அதன்படி, ஆப்கானிஸ்தானுக்கு எதிரான டெஸ்ட் தொடருக்கான இந்திய அணி அறிவிக்கப்பட்டுள்ளது. இதில் முன்னணி வேகப்பந்து வீச்சாளர் ஜஸ்பிரித் பும்ராவிற்கு ஓய்வு அளிக்கப்பட்டுள்ளது. ரிஷப் பண்டிற்குப் பதிலாக கே.எல்.ராகுல் துணை கேப்டனாக நியமிக்கப்பட்டுள்ளார். சுப்மன் கில் தலைமையில் 15 பேர் கொண்ட இந்த இந்திய அணி களமிறங்குகிறது.
கடந்த நவம்பர் மாதம் உள்நாட்டில் தென்னாப்பிரிக்காவிடம் 2-0 என தோற்றதற்குப் பிறகு இந்தியா விளையாடும் முதல் டெஸ்ட் போட்டி இதுவாகும். ஜஸ்பிரித் பும்ராவிற்கு ஓய்வு அளிக்கப்பட்டுள்ளது. இடதுகை சுழற்பந்து வீச்சு ஆல்ரவுண்டர்களான ரவீந்திர ஜடேஜா, அக்சர் படேல் மற்றும் வேகப்பந்து வீச்சாளர் ஆகாஷ் தீப் ஆகியோரும் அணியில் இடம்பெறவில்லை.
இடதுகை சுழற்பந்து வீச்சாளர் மானவ் சுதர், வேகப்பந்து வீச்சாளர் குர்னூர் பிரார் மற்றும் மற்றொரு இடதுகை சுழற்பந்து வீச்சாளர் ஹர்ஷ் துபே ஆகியோர் முதன்முறையாக டெஸ்ட் அணிக்கு அழைக்கப்பட்டுள்ளனர்.
ஆப்கானிஸ்தானுக்கு எதிரான 3 போட்டிகள் கொண்ட ஒருநாள் தொடருக்கான அணியும் அறிவிக்கப்பட்டுள்ளது. அதன்படி, இஷான் கிஷன் மற்றும் ஹர்திக் பாண்டியா ஆகியோர் மீண்டும் ஒருநாள் அணிக்குத் திரும்பியுள்ளனர். வேகப்பந்து வீச்சாளர்கள் பிரின்ஸ் யாதவ், குர்னூர் பிரார் மற்றும் ஹர்ஷ் துபே ஆகியோர் ஒருநாள் போட்டியிலும் அறிமுக வாய்ப்பைப் பெற்றுள்ளனர்.
கடந்த ஜனவரியில் நியூசிலாந்திற்கு எதிரான ஒருநாள் தொடரில் ஆடிய துருவ் ஜூரல், ஆயுஷ் பதோனி, ரிஷப் பண்ட், ரவீந்திர ஜடேஜா, ஹர்ஷித் ரானா மற்றும் முகமது சிராஜ் ஆகியோர் நீக்கப்பட்டுள்ளனர். ஐபிஎல் 2026 தொடரின் இறுதியில் ரவீந்திர ஜடேஜாவிற்கு லேசான காயம் ஏற்பட்டது. ஹர்ஷித் ரானா மற்றும் ஆகாஷ் தீப் ஆகியோர் காயம் காரணமாக ஐபிஎல் தொடர் முழுவதையும் தவறவிட்டனர்.
இந்திய அணிகளின் விவரம்
டெஸ்ட் அணி:
சுப்மன் கில் (கேப்டன்), யஷஸ்வி ஜெய்ஸ்வால், கே.எல்.ராகுல் (துணை கேப்டன்), சாய் சுதர்சன், ரிஷப் பண்ட், தேவ்தத் படிக்கல், நிதிஷ் குமார் ரெட்டி, வாஷிங்டன் சுந்தர், குல்தீப் யாதவ், முகமது சிராஜ், பிரசித் கிருஷ்ணா, மானவ் சுதர், குர்னூர் பிரார், ஹர்ஷ் துபே, துருவ் ஜூரல்.
ஒருநாள் (ODI) அணி:
சுப்மன் கில் (கேப்டன்), ரோஹித் சர்மா, விராட் கோலி, ஸ்ரேயாஸ் ஐயர் (துணை கேப்டன்), கே.எல்.ராகுல், இஷான் கிஷன், ஹர்திக் பாண்டியா, நிதிஷ் குமார் ரெட்டி, வாஷிங்டன் சுந்தர், குல்தீப் யாதவ், அர்ஷ்தீப் சிங், பிரசித் கிருஷ்ணா, பிரின்ஸ் யாதவ், குர்னூர் பிரார், ஹர்ஷ் துபே.
