இன்றைய பரபரப்பான தமிழக அரசியல் சூழலுக்கு ஏற்றவாறு, முழுக்க முழுக்க அரசியலை மையக் கருத்தாகக் கொண்டு உருவாகியுள்ள ‘அமைச்சர்’ திரைப்படம் அமேசான் பிரைம் உள்ளிட்ட ஓடிடி தளங்களில் வெளியாகி நேயர்களிடையே நல்ல வரவேற்பைப் பெற்று வருகிறது.
ஸ்ரீ அம்மன் மீடியாஸ் நிறுவனத்தின் தயாரிப்பில், டி. ஜெயலட்சுமி கதை, திரைக்கதை, வசனம் எழுத, பிரபல இயக்குநர் சலங்கை துரை அவர்களின் நிர்வாகத் தயாரிப்பு மற்றும் மேற்பார்வையில் இப்படம் உருவாகியுள்ளது. இப்படத்தில் ஜெய் ஆகாஷ் கதாநாயகனாக நடித்துள்ளார். அவருடன் இணைந்து அக்ஷயா, கிகீ, மூத்த நடிகர் விஜயகுமார் மற்றும் பிர்லா போஸ் உள்ளிட்ட பலர் முக்கியக் கதாபாத்திரங்களில் நடித்துள்ளனர்.
இப்படத்திற்கு ‘தேனிசைத் தென்றல்’ தேவா இசையமைத்துள்ளார். மதன் கார்த்தி, கபிலன், சினேகன் மற்றும் கருணாகரன் ஆகியோர் இப்படத்தின் பாடல்களை எழுதியுள்ளனர். தேவாவின் இசையில் உருவான பாடல்கள் படத்திற்கு கூடுதல் பலம் சேர்த்துள்ளன.
இன்றைய அரசியல் சூழலில் புதிய அமைச்சர்கள் பதவியேற்றுள்ள நிலையில், இந்த ‘அமைச்சர்’ திரைப்படம் அமேசான் பிரைம் ஓடிடி தளத்தில் வெளியாகி மக்களிடம் பெரும் எதிர்பார்ப்பை ஏற்படுத்தியுள்ளது. மேலும், அமேசான் பிரைம் மட்டுமின்றி ஓடிடி ப்ளஸ் மற்றும் ஜியோ டிவி ஆகிய தளங்களிலும் இப்படம் வெளியாகி, சினிமா ரசிகர்களிடையே நல்ல வரவேற்பைப் பெற்று வருகிறது.
