தமிழகத்தில் 2026-27ஆம் கல்வியாண்டிற்கான எம்பிபிஎஸ் மற்றும் பிடிஎஸ் ஆகிய மருத்துவப் படிப்புகளுக்கான சேர்க்கை செயல்முறைகள் இன்று முதல் அதிகாரப்பூர்வமாகத் தொடங்குகின்றன. இதற்கான இணையவழி விண்ணப்பப் பதிவு இன்று திங்கட்கிழமை நண்பகல் 12 மணிக்குத் தொடங்கும் என்று மருத்துவக் கல்வி மற்றும் ஆராய்ச்சி இயக்குனரகம் அறிவித்துள்ளது.
இதன் மூலம் அரசு மற்றும் சுயநிதி மருத்துவக் கல்லூரிகள், பல் மருத்துவக் கல்லூரிகள் மற்றும் மாநில தனியார் பல்கலைக்கழகங்களில் உள்ள அரசு ஒதுக்கீட்டு இடங்களுக்கும், நிர்வாக மற்றும் வெளிநாடு வாழ் இந்தியர் (NRI) ஒதுக்கீட்டு இடங்களுக்கும் மாணவர்கள் விண்ணப்பிக்கலாம்.
தகுதியான மாணவ-மாணவிகள் tnmedicalselection.org என்ற அதிகாரப்பூர்வ இணையதளம் வாயிலாக தங்களது விண்ணப்பங்களைச் சமர்ப்பிக்கலாம். விண்ணப்பிப்பதற்கான கடைசித் தேதி மற்றும் கூடுதல் விவரங்கள் பின்னர் முறைப்படி அறிவிக்கப்படும் எனத் தெரிவிக்கப்பட்டுள்ளது.
