ஜூலை 23ஆம் தேதி மாலை 5 மணியோடு தமிழ்நாட்டில் இளநிலை எம்பிபிஎஸ் மற்றும் பிடிஎஸ் படிப்புகளுக்கான விண்ணப்ப கால அவகாசம் நிறைவு செய்யப்பட்ட நிலையில் மீண்டும் விண்ணப்பிக்க கால அவகாசம் கூடுதலாக நீட்டிக்கப்பட்டுள்ளது
ஜூலை 27 மாலை 3 மணி வரை விண்ணப்பிக்கலாம் என கால அவகாசத்தை நீடித்து மருத்துவக் கல்வி இயக்குநரகம் அறிவிப்பு
இந்த அவகாசத்தின்படி, ஆன்லைன் விண்ணப்பப் பதிவு 2026 ஜூலை 26-ஆம் தேதி (நாளை_ காலை 10:00 மணிக்குத் தொடங்கி, 2026 ஜூலை 27-ஆம் தேதி பிற்பகல் 03:00 மணியுடன் நிறைவடையும்.
ஏற்கனவே சமர்ப்பிக்கப்பட்ட விண்ணப்பங்களில் எக்காரணத்தைக் கொண்டும் எந்தவொரு மாற்றமும் அல்லது திருத்தமும் செய்ய இயலாது.
முன்னதாகப் பெறப்பட்ட விண்ணப்பங்களைச் சரிபார்க்கும் பணி ஏற்கனவே நடைபெற்று வருவதால், தற்போது திருத்தங்களை அனுமதிப்பது அந்தப் பணிகளில் தேவையற்ற தாமதத்தை ஏற்படுத்தும் எனக் குறிப்பிடப்பட்டுள்ளது.
அதேவேளையில், ஏற்கனவே விண்ணப்பித்தவர்கள் தங்கள் விண்ணப்பங்களில் ஏதேனும் சிறிய எழுத்துப் பிழைகள் அல்லது தவறுகள் செய்திருந்தால் பயப்படத் தேவையில்லை. சான்றிதழ் சரிபார்ப்பு மற்றும் கூராய்வு நிலைகளின் போது (Document Verification & Scrutiny Stages) அந்தச் சிறிய தவறுகள் தகுந்த முறையில் பரிசீலிக்கப்பட்டுச் சரிபார்க்கப்படும். எனவே, தகுதியான மாணவர்கள் கடைசி நேர நெரிசலைத் தவிர்த்து, குறிப்பிட்ட நேரத்திற்கு முன்பாகவே tnmedicalselection.org என்ற அதிகாரப்பூர்வ இணையதளத்தின் வாயிலாகத் தங்கள் விண்ணப்பங்களைச் சமர்ப்பிக்குமாறு அறிவுறுத்தப்படுகிறார்கள்.
ஏற்கனவே ஜூன் 29ஆம் தேதி முதல் ஜூலை 23ஆம் தேதி வரை ஆன்லைனில் விண்ணப்பிக்க கால அவகாசம் வழங்கிய நிலையில் மொத்தமாக எம்பிபிஎஸ் மற்றும் பிடிஎஸ் படிப்புகளுக்கு 70 ஆயிரத்து 485 பேர் விண்ணப்பித்திருந்தனர்.
இந்நிலையில் சிறப்பு அவகாசமாக ஆன்லைன் விண்ணப்ப பதிவு நாளை, ஜூலை 26 ஆம் தேதி காலை 10 மணிக்கு தொடங்கி ஜூலை 27ஆம் தேதி 3 மணி வரை நடைபெறும் என மருத்துவ கல்வி இயக்குநரகம் தெரிவித்துள்ளது.
ஏற்கனவே வழங்கப்பட்ட கால அவகாசத்தில் 79 ஆயிரம் பேர் பதிவு செய்திருந்தனர், ஆனால் அதில் 70,485 பேர் மட்டுமே விண்ணப்பித்திருந்தனர், இப்போது பதிவு செய்து விண்ணப்பிக்காதவர்களும், கூடுதலாக விண்ணப்பிப்பவர்களுக்கும் சிறப்பு அவகாசமாக ஆன்லைன் விண்ணப்ப பதிவு நாளை காலை 10 மணிக்கு தொடங்க உள்ளது.
