சூரி கதாநாயகனாக நடிக்கும் மண்டாடி திரைப்படம் செப்டம்பர் 4ஆம் தேதி திரையரங்குகளில் வெளியாகிறது.
திரைப்படங்களில் நடிக்கும் நோக்குடன் சென்னை வந்து பல்வேறு வேலைகளைச் செய்துவிட்டு, ஒரு சில படங்களில் சிறிய வேடங்களில் நடைத்து வந்த நடிகர் சூரி, அதன்பின்னர் தொலைக்காட்சிகளிலும் காமெடிகளில் தலைகாட்டி வந்தார். கடந்த 2009ஆம் ஆண்டு வெளியான வெண்ணிலா கபடி குழு படம் மூலம் பரோட்டா சூரியாக அவதாரமெடுத்தவருக்கு அதன்பின்னர் தொடர்ந்து ஏறுமுகம்தான்.
போராளி, சுந்தரபாண்டியன், வருத்தப்படாத வாலிபர் சங்கம், ஜில்லா, ரஜினிமுருகன், இது நம்ம ஆளு, வேலைன்னு வந்துட்டா வெள்ளைக்காரன் எனபல்வேறு வேடங்களில் நகைச்சுவையிலும் துணைநாயகன் கதாபாத்திரலும் கலக்கியவரை இயக்குநர் வெற்றிமாறன் தனது விடுதலை-1 மற்றும் 2படத்தின் வழியே கதையின் நாயகனாக முன்னிலைப்படுத்தினார்.
இதன்பின்னர் கருடன், கொட்டுக்காளி, ஏழு கடல் ஏழு மலை, மாமன் உள்ளிட்ட படங்களில் கதாநாயகனாக நடித்து வந்த சூரி, தற்போது மதிமாறன் புகழேந்தி இயக்கத்தில் மண்டாடி என்னும் திரைப்படத்தில் கதையின் நாயகனாக நடித்து வருகிறார். மீ
னவர்களின் வாழ்க்கைப் பின்னணியில் இப்படம் அமைந்துள்ளது. எல்ரட் குமாரின் ஆர்.எஸ்.இன்போ நிறுவனம் தயாரிக்கும் இப்படத்தில் மகிமா நம்பியா கதாநாயகியாக நடித்துள்ளார். ஜிவி பிரகாஷ் குமார் இசை அமைக்கிறார். சத்யராஜ், ரவீந்திரா விஜய், தெலுங்கு நடிகர் சுஹால் உள்பட பலரும் நடித்துள்ள இந்த திரைப்படம் செப்டம்பர் 4ஆம் தேதி திரையரங்குகளில் வெளியாகிறது.
