கர்நாடக மாநிலத்தின் தலைநகரான பெங்களூருவில் ஒரு அதிர்ச்சிகரமான சம்பவம் வெளிச்சத்திற்கு வந்துள்ளது. அதில், 23 வயதுப் பெண் ஒருவர் தனது தாயின் அந்தரங்கப் புகைப்படங்களைத் தனது காதலனுக்கு பகிர்ந்த சம்பவம் பெரும் அதிர்ச்சியை ஏற்படுத்தியுள்ளது.
காவல்துறை கூற்றுபடி, அந்தப் பெண் தனது படிப்புக்காக போன் பயன்படுத்தி வந்துள்ளார், மேலும் தனது காதலனுடன் மணிக்கணக்கில் தொலைபேசியில் பேசி வந்துள்ளார். ஒரு மாதத்திற்கு முன்பு, அந்தத் தாய் தனது மகள் காதலனுடன் பேசுவதைப் பார்த்து, அவளிடமிருந்து செல்போனை பறித்துள்ளார். சில நாட்களுக்குப் பிறகு, மகளின் செல்போனை சோதித்தபோது, அதில் உள்ள புகைப்படத் தொகுப்பில் தன்னுடைய மற்றும் ஒரு பெண் உறவினரின் ஆபாசமான புகைப்படங்களை பார்த்து அந்த தாய் அதிர்ச்சியடைந்துள்ளார். இளம்பெண் தனது தாய்க்குத் தெரியாமல் இந்தப் புகைப்படங்களைத் தனது காதலனுக்கு அனுப்பியுள்ளார்.
இந்தச் சம்பவத்தால் மன உளைச்சலுக்கு ஆளான தாய், உடனடியாகக் காவல்துறையைத் தொடர்புகொண்டு புகார் அளித்தார். இதனை தொடர்ந்து அந்த இளம்பெண் மற்றும் அவரது காதலனின் செல்போன்களை பறிமுதல் செய்த போலீசார், தடயவியல் சோதனைக்கு அனுப்பியுள்ளனர். மேலும் இதுதொடர்பாக விசாரணை மேற்கொள்ளப்பட்டு வருகிறது.
