அதிமுக முன்னாள் அமைச்சர் செங்கோட்டையன், தவெகவில் இன்று இணைந்தார்.
சென்னையை அடுத்த பனையூரில் உள்ள தவெக தலைமையகத்தில் வைத்து விஜய் முன்னிலையில் அவர் அக்கட்சியில் இணைந்தார். இந்நிகழ்வில் தவெக மூத்த தலைவர்கள் புஸ்ஸி ஆனந்த், ஆதவ் அர்ஜூனா உள்ளிட்டோர் உடனிருந்தனர்.
தவெகவில் இணைந்த செங்கோட்டையனுக்கு துணைத் தலைவர் பதவி அல்லது அமைப்பு பொதுச் செயலாளர் பதவிகளில் ஏதேனும் ஒரு பதவி வழங்கப்படலாம் என்றும், விரைவில் இதுதொடர்பான அறிவிப்பை விஜய் வெளியிடக்கூடும் என்றும் தகவல் வெளியாகியுள்ளது.
