ஆஸ்திரேலியா – இங்கிலாந்து அணிகள் இடையிலான பாரம்பரியமிக்க ஆஷஸ் டெஸ்ட் கிரிக்கெட் தொடரில் ஹேசெல்வுட்’டிற்கு பதிலாக பாட் குமின்ஸ் இணைகிறார்.
5 போட்டிகள் கொண்ட இந்தத் தொடரில் முதல் 2 ஆட்டங்களிலும்,2-0 என்ற கணக்கில் ஆஸ்திரேலிய அணி வெற்றிபெற்றது. 3-வது டெஸ்ட் போட்டி வரும் 17-ம் தேதி அடிலெய்டு நகரில் தொடங்குகிறது.
அதேவேளையில் கேப்டனும், முன்னணி வேகப்பந்து வீச்சாளருமான பாட் கம்மின்ஸ் முதுகு பகுதியில் ஏற்பட்ட காயத்தில் இருந்து முழுமையாக குணமடைந்துள்ளதால் 3-வது டெஸ்ட் போட்டியில் களமிறங்க ஆயத்தமாகி வருகிறார்.
இதுதொடர்பாக ஆஸ்திரேலிய அணியின் பயிற்சியாளரான ஆண்ட்ரூ மெக்டொனால்டு கூறும்போது,”ஜோஷ் ஹேசில்வுட் காயத்தில் இருந்து முழுமையாக குணமடையாததால் தொடரிலிருந்து விலகி உள்ளார்.
அவரது கவனம் அடுத்த ஆண்டு நடைபெற டி 20 உலகக் கோப்பை தொடராக இருக்கும். பாட் கம்மின்ஸ் சிறந்த முறையில் தயாராகி உள்ளார். அவர், போட்டியில் விளையாடுவதற்கான முழு உடற்தகுதியுடன் உள்ளார். அடிலெய்டு டெஸ்ட் போட்டியில் அவர், டாஸில் பங்கேற்பார் என நான் எதிர்பார்க்கிறேன்” என்றார்.
