சமையல் எரிவாயு சிலிண்டர் பெற்றுவரும் அனைத்து நுகர்வோரும் தங்களது இ-கேஒய்சி சரிபார்ப்பை கட்டாயம் செய்து முடிக்க வேண்டும் என அறிவுறுத்தப்பட்டுள்ளது இந்தச் சரிபார்ப்பைச் செய்யாதவர்கள், ஆன்லைன் மூலமாகத் தாங்களாகவே அல்லது தங்களுக்கு அருகிலுள்ள சமையல் எரிவாயு முகவர் அலுவலகத்திற்கு நேரடியாகச் சென்று இ-கேஒய்சி பணியை விரைவாகப் பூர்த்தி செய்துகொள்ளலாம்.
இதனிடையே, சமீபத்தில் எரிவாயு சிலிண்டரைப் பெற்றுவிட்டு இதுவரை இ-கேஒய்சி முடிக்காதவர்களைக் கேஸ் விநியோகஸ்தர்கள் நேரடியாகத் தொலைபேசி வாயிலாகத் தொடர்பு கொண்டு, உடனடியாகச் செய்து முடிக்க அறிவுறுத்தி வருகின்றனர். மேலும், இத்தகைய நிலுவைப் பணிகள் அதிகமுள்ள பகுதிகளில் சிறப்பு முகாம்கள் நடத்தப்படவுள்ளதோடு, இதுகுறித்த விழிப்புணர்வும் பொதுமக்களிடையே தீவிரமாக ஏற்படுத்தப்பட்டு வருகிறது.
குறிப்பிட்ட காலக்கெடுவுக்குள் இ-கேஒய்சி சரிபார்ப்பை முடிக்கத் தவறினால், அடுத்தடுத்து வழங்கப்படும் சிலிண்டர்களைப் பெறுவதில் பல்வேறு சிக்கல்கள் ஏற்படக்கூடும் என்றும் நுகர்வோருக்குத் தெளிவாகத் தெரிவிக்கப்பட்டுள்ளது.
எனவே, கடைசி நேர அவகாசம் வரை காத்திருக்காமல், எரிவாயு வாடிக்கையாளர்கள் அனைவரும் வரும் ஆகஸ்ட் 16-ஆம் தேதிக்குள் தங்கள் இ-கேஒய்சி நடைமுறையை முழுமையாக நிறைவு செய்து கொள்ளுமாறு கேட்டுக்கொள்ளப்படுகிறார்கள்.
