2026 சட்டமன்றத் தேர்தலை எதிர்கொள்ள நடிகர் விஜய்யின் தமிழக வெற்றி கழகம் பல்வேறு வியூகங்களுடன் தயாராகி வருகிறது. இதன் ஒரு பகுதியாக, கட்சி நிர்வாகத்தை வலுப்படுத்தவும், தேர்தல் பணிகளை முன்கூட்டியே திட்டமிடவும் “சட்டப்பேரவை தேர்தல் முதன்மை கண்காணிப்பாளர்கள்” பட்டியலை தவெக தலைமை அதிகாரப்பூர்வமாக வெளியிட்டுள்ளது.
அதிமுகவில் இருந்து விலகி சமீபத்தில் தவெக-வில் இணைந்த மூத்த அரசியல்வாதியும், முன்னாள் அமைச்சருமான கே.ஏ. செங்கோட்டையனுக்கு இந்த பட்டியலில் மிக முக்கியமான பொறுப்பு வழங்கப்பட்டுள்ளது. இவர்களுடன் ஆதவ் அர்ஜுனா, தேர்தல் பிரசார மேலாண்மைப் பொதுச்செயலாளராக நியமிக்கப்பட்டுள்ளார்.
https://x.com/TVKVijayHQ/status/2025101270479241685?
அதாவது புஸ்ஸி ஆனந்திற்கு அடுத்தப்படியாக செங்கோட்டையன் பெயர் இடம்பெற்றுள்ளது. கட்சியின் ஒட்டுமொத்த நிர்வாகக் குழுவின் முதன்மை ஒருங்கிணைப்பாளராகவும், தவெக-வின் நிர்வாகப் பிரிவை வழிநடத்தும் முக்கியத் தலைவராகவும் அவர் நியமிக்கப்பட்டுள்ளார். குறிப்பாக, செங்கோட்டையனின் கோட்டையாகக் கருதப்படும் ஈரோடு மற்றும் கொங்கு மண்டலத்தின் தேர்தல் பணிகளைக் கண்காணிக்கும் முழு அதிகாரமும் அவரிடம் வழங்கப்பட்டுள்ளது.
அத்துடன் அவருடன் தவெகவில் இணைந்த முன்னாள் எம்.பி. சத்தியபாமாவுக்கு தருமபுரி, கிருஷ்ணகிரி நீலகிரி, கோவை, ஈரோடு, திருப்பூர் மாவட்டங்களின் கண்காணிப்பாளர் பதவி வழங்கப்பட்டுள்ளது. இது செங்கோட்டையன் தரப்புக்கு இன்ப அதிர்ச்சியை கொடுத்துள்ளது.
ஆதவ் அர்ஜூனா: சென்னை, செங்கல்பட்டு, காஞ்சிபுரம், ராணிப்பேட்டை மாவட்டங்களின் முதன்மை கண்காணிப்பாளராக நியமனம்.
நெடுங்செழியன்: வேலூர், திருப்பத்தூர் மாவட்ட கண்காணிப்பாளராக நியமனம்.
ஜெ.சி.டி. பிரபாகர்: திருவள்ளூர்
அருள் பிரகாசம்: திருவண்ணாமலை, விழுப்புரம், கள்ளக்குறிச்சி, கடலூர் கண்காணிப்பாளராக நியமனம்
அருண்ராஜ்: சேலம், நாமக்கல் கண்காணிப்பாளராக நியமனம்.
கிருஷ்ணன் – முன்னாள் அமைச்சர்: தஞ்சாவூர், திருவாரூர், கரூர், திருச்சி, புதுக்கோட்டை.
விஜய் சரவணன்: அரியலூர், பெரம்பலூர்
சபிபுல்லா: மயிலாடு துறை, நாகை
சி.டி.ஆர். நிர்மல்குமார்: மதுரை, தேனி, திண்டுக்கல்
மயூரி: சிவகங்கை, ராமநாதபுரம், விருதுநகர்
முருகன்: தூத்துக்குடி
மாரியப்பன்: தென்காசி
மரிய வில்சன்: திருநெல்வேலி, கன்னியாகுமரி மாவட்ட கண்காணிப்பாளராக நியமனம்.
