Author: editor5

கேரளாவில் ஆகஸ்ட் மாதக் கனமழை மீண்டும் அச்சத்தைத் தூண்டியுள்ளது. மூணாறு அருகே ராஜமலை பெட்டிமுடியில் 2020 ஆகஸ்ட் 6 அன்று நிகழ்ந்த கொடூர நிலச்சரிவில் 70 பேர் உயிரிழந்த துயர நினைவு இன்றுடன் ஆறு ஆண்டுகளை நிறைவு செய்துள்ளது. தேயிலைத் தோட்டத் தொழிலாளர்கள் உள்ளிட்ட பலர் அந்த இரவில் மண்ணுக்குள் புதைந்த சோகம் மக்கள் மனதில் இன்னும் உயிர்ப்புடன் உள்ளது. தென்மேற்கு பருவமழை வழக்கமாக ஜூன் தொடங்கி செப்டம்பர் வரை நீடிக்கும். ஜூலையில் தீவிரமாக இருக்கும் மழை, கடந்த சில ஆண்டுகளாக ஆகஸ்டில் அதிகரித்து உயிரிழப்புகளையும் பேரிடர்களையும் ஏற்படுத்தி வருகிறது. 2018 ஆகஸ்டில் வரலாறு காணாத கனமழையால் வெள்ளமும் நிலச்சரிவுகளும் ஏற்பட்டு சுமார் 480 பேர் உயிரிழந்தனர். ஆயிரக்கணக்கான வீடுகள் சேதமடைந்தன. சாலைகள், பாலங்கள், விவசாய நிலங்கள் பாதிக்கப்பட்டன. இடுக்கி உள்ளிட்ட மலைப்பகுதிகள் கடுமையாக பாதிக்கப்பட்டன. இந்த ஆண்டும் ஜூலை இறுதியில் இருந்து மழை தீவிரமடைந்துள்ளது. மாநிலத்தின் பல பகுதிகளில் வெள்ளம்,…

டெல்லியில் ஜூலை 20 அன்று ஜந்தர் மந்தரில் நீட் தேர்வு முறைகேடுகளுக்கு எதிராக மாணவர்கள் நடத்திய போராட்டத்தின் போது போலீசார் மேற்கொண்ட நடவடிக்கைகள் நாடாளுமன்றத்தில் தொடர்ந்து பரபரப்பை ஏற்படுத்தி வருகின்றன. இன்று ராஜ்யசபாவில் ஆளும் கட்சி மற்றும் எதிர்க்கட்சி உறுப்பினர்களுக்கு இடையே கடும் வாக்குவாதம் வெடித்தது. அவை தொடங்கியதும் காங்கிரஸ் உள்ளிட்ட எதிர்க்கட்சி எம்.பி.க்கள், பிரதமர் நரேந்திர மோடி மற்றும் உள்துறை அமைச்சர் அமித் ஷா ஆகியோர் நேரில் வந்து விளக்கம் அளிக்க வேண்டும் என முழக்கங்களை எழுப்பினர். டெல்லி போலீஸ் மற்றும் ராபிட் ஆக்‌ஷன் ஃபோர்ஸ் பயன்படுத்திய லாத்தி, கண்ணீர் புகை, பெல்லட் துப்பாக்கி உள்ளிட்ட நடவடிக்கைகளால் பல மாணவர்கள் காயமடைந்ததாகவும், ஒரு மாணவர் கண் பார்வை இழக்கும் அபாயத்தில் இருப்பதாகவும் எதிர்க்கட்சிகள் குற்றம்சாட்டி வருகின்றன. இந்தப் போராட்டம் நீட் மற்றும் சிபிஎஸ்இ தேர்வு குளறுபடிகளுக்கு எதிராக மாணவர்கள் நாடாளுமன்றம் நோக்கி பேரணி நடத்தியபோது உச்சத்தை அடைந்தது. பின்னர் கல்வி…

அதிமுகவில் தொடரும் உள்கட்சி முரண்பாடுகளுக்கு மத்தியில், இன்று சட்டப்பேரவை வளாகத்தில் ஒரு குறிப்பிடத்தக்க சந்திப்பு நடைபெற்றது. முன்னாள் அமைச்சர்களான எஸ்.பி.வேலுமணி, சி.வி.சண்முகம் மற்றும் கே.பி.அன்பழகன் ஆகியோர், தமிழக வெற்றிக் கழகப் பொதுச் செயலாளரும் நீர்வளத்துறை அமைச்சருமான என்.ஆனந்தை சந்தித்து நீண்ட நேரம் பேசினர். இந்த சந்திப்பு ஒரு மணி நேரத்திற்கும் மேல் நீடித்தது. எடப்பாடி பழனிசாமியை இன்று சந்திக்காத நிலையில், ஆளும் கட்சியின் அமைச்சரை அணுகியது அரசியல் வட்டாரங்களில் பெரும் பரபரப்பை உருவாக்கியுள்ளது.2026 சட்டமன்றத் தேர்தலுக்குப் பின்னர் அதிமுகவில் ஏற்பட்ட பிளவு இன்னும் முழுமையாக ஆறவில்லை. எஸ்.பி.வேலுமணி-சி.வி.சண்முகம் தரப்பு, பொதுச் செயலாளர் எடப்பாடி பழனிசாமிக்கு எதிராகத் தொடர்ந்து அதிருப்தி போக்கைக் கடைப்பிடித்து வருகிறது. கட்சித் தலைமை அவர்களுக்குப் புதிய பொறுப்புகளை வழங்கிய போதிலும், அவை ஏற்றுக்கொள்ளப்படவில்லை. நம்பிக்கைத் தீர்மான வாக்கெடுப்பின்போது தவெக அரசுக்கு ஆதரவாக வாக்களித்த பின்னர் வருத்தக் கடிதம் அளித்தும், இரு தரப்புக்கும் இடையிலான இடைவெளி நீண்டுகொண்டே செல்கிறது. ஏற்கனவே…

எதிர்க்கட்சித் தலைவரும் திமுக இளைஞரணி செயலாளருமான உதயநிதி ஸ்டாலின் கைது செய்யப்பட்டு அன்றைய தினமே காவல் நிலையப் பிணையில் விடுவிக்கப்பட்ட நிகழ்வு, தமிழக அரசியல் களத்தில் பெரும் புயலைக் கிளப்பியுள்ளது. சென்னை நீலாங்கரையிலிருந்து தஞ்சாவூர் செங்கிப்பட்டி வரை பரவிய தொண்டர் திரள் போராட்டங்களும், வீதிகளில் வெடித்த எதிர்ப்பு அலையும் அவருக்கு ஒரு மாஸ் தலைவர் பிம்பத்தை உருவாக்கியது. கட்சித் தொண்டர்கள் உடனடியாகத் தெருக்களில் இறங்கி ஆர்ப்பாட்டம் நடத்தியது, அவரது அரசியல் செல்வாக்கை மேலும் வலுப்படுத்தியுள்ளது. ஆயினும், இந்த மாபெரும் ஆதரவு அலைக்குப் பின்னணியில் திமுகவின் உள்வட்டாரங்களில் வேறொரு அரசியல் புகைச்சல் நடைபெற்று வருவதாக கட்சிக்கு நெருக்கமான மூத்த பத்திரிகையாளர் வட்டாரங்கள் தெரிவிக்கின்றன. நடந்து முடிந்த தேர்தலில் சீட் கிடைக்காத அதிருப்தியாளர்கள், உதயநிதியின் விரைவான எழுச்சியால் ஓரங்கட்டப்பட்டதாக உணரும் மூத்த நிர்வாகிகள் மற்றும் சில முன்னாள் சட்டமன்ற உறுப்பினர்கள், இந்த சட்டரீதியான நெருக்கடியை உள்ளுக்குள் மகிழ்ச்சியுடன் பார்த்ததாக கூறப்படுகிறது. உதயநிதியின் வருகைக்குப் பிறகு…

இந்தியாவில் டிஜிட்டல் பணப்பரிவர்த்தனைகள் அதிகரித்து வரும் நிலையில், யுபிஐ (UPI) முறையில் பணம் செலுத்துவது சாதாரண மக்களிடையே மிகவும் பிரபலமாகிவிட்டது. சிறு கடைகள் முதல் பெரிய ஷாப்பிங் மால்கள் வரை யுபிஐ மூலம் எளிதாக பணம் செலுத்த முடிவதால், ரொக்கப் பணம் வைத்திருக்க வேண்டிய அவசியமில்லை. சில்லறைப் பிரச்சினையும் இல்லை. இதனால் மக்கள் யுபிஐ மீது அதிக ஆர்வம் காட்டி வருகின்றனர். இந்நிலையில், ரூ.2,000-க்கு மேல் உள்ள வணிகப் பரிவர்த்தனைகளுக்கு 0.25% முதல் 0.4% வரை மெர்ச்சன்ட் டிஸ்கவுண்ட் ரேட் (MDR) கட்டணம் விதிக்க மத்திய அரசு விரைவில் அனுமதி அளிக்கக்கூடும் என்ற தகவல் வெளியாகி பயனர்களிடையே அதிர்ச்சியை ஏற்படுத்தியுள்ளது. 2020 ஜனவரி முதல் டிஜிட்டல் பரிவர்த்தனைகளை ஊக்குவிக்கும் நோக்கில் யுபிஐ மற்றும் ரூபே டெபிட் கார்டு பரிவர்த்தனைகளுக்கு அளிக்கப்பட்டு வந்த தள்ளுபடியை ரத்து செய்து, மீண்டும் கட்டணம் வசூலிக்க அரசு பரிசீலித்து வருவதாக தெரிகிறது. ஆண்டு வருவாய் ரூ.1.50 கோடி…

தமிழக சட்டப்பேரவையில் இன்று வேளாண் துறை பட்ஜெட் தாக்கல் செய்யப்பட்டபோது, அவை நடவடிக்கைகளில் சில கவனக்குறைவுகளும், அரசியல் பதற்றமும் வெளிப்பட்டன. வேளாண் அமைச்சர் வினோத் பட்ஜெட் உரையைத் தொடங்கியபோது, நீர்வளத்துறையின் முக்கியத்துவத்தை விளக்கினார். மழைநீரை அணைகளிலும் ஏரிகளிலும் சேமித்து, பாசனத்திற்கும் குடிநீருக்கும் திறம்பட பயன்படுத்துவதே அந்தத் துறையின் முதன்மை இலக்கு என்றும், அணைகளில் இருந்து திறக்கப்படும் நீர் கடைமடைப் பகுதிகள் வரை தங்குதடையின்றி செல்ல வேண்டும் என்றும் அவர் குறிப்பிட்டுக் கொண்டிருந்தார். இந்த நேரத்தில் எதிர்க்கட்சி எம்.எல்.ஏ.க்கள் தங்களுக்குள் பேசிக்கொண்டிருந்ததைக் கவனித்த சபாநாயகர் ஜே.சி.டி. பிரபாகர், அமைச்சரின் உரையை தற்காலிகமாக நிறுத்தினார். அவர், “எதிர்க்கட்சி உறுப்பினர்கள் பேசுவது எனக்குத் தெளிவாகக் கேட்கிறது. பட்ஜெட் வாசிப்பின்போது அமைதியாக இருப்பது நல்லது. பேசி இடையூறு செய்யாதீர்கள்” என எச்சரித்தார். பின்னர் அமைச்சர் உரையைத் தொடர அனுமதித்தார். ஆனால் அமைச்சர் வினோத் பட்ஜெட் விவரங்களைக் கூறுவதற்கு முன்பாகவே முதலமைச்சர் விஜய்யைப் புகழ்ந்து பேசத் தொடங்கினார். “கோட்…

திருப்பூர் சார் ஆட்சியர் அலுவலகத்தில் திருப்பூர் கோட்ட அளவிலான விவசாயிகள் குறைதீர்க்கும் கூட்டம் சார் ஆட்சியர் சிவபிரகாஷ் தலைமையில் நடைபெற்றது. இதில் திருப்பூர் கோட்டத்துக்கு உட்பட்ட பல்வேறு பகுதிகளைச் சேர்ந்த விவசாயிகள் கலந்து கொண்டு தங்களது கோரிக்கைகள், பிரச்சினைகள் மற்றும் நிர்வாகம் தொடர்பான கருத்துகளை தெரிவித்தனர். கூட்டத்தில் பங்கேற்ற விவசாயிகள், தற்போது திருப்பூர் கோட்டத்தின் கீழ் அவிநாசி, ஊத்துக்குளி, திருப்பூர் வடக்கு, திருப்பூர் தெற்கு மற்றும் பல்லடம் ஆகிய 5 தாலுகாக்கள் இடம்பெற்றுள்ளதாக தெரிவித்தனர். மேலும், திருப்பூர் மாநகராட்சியும் இந்த கோட்டத்தில் அடங்குவதால், மக்கள் தொகை அதிகரித்துள்ள நிலையில் பொதுமக்கள் மற்றும் விவசாயிகளின் தேவைகளை விரைவாக நிறைவேற்ற நிர்வாக ரீதியாக மாற்றம் அவசியம் என வலியுறுத்தினர். இதுகுறித்து மங்கலம் கிராம நீரினை பயன்படுத்தும் பாசன விவசாயிகள் நலச் சங்க தலைவர் பொன்னுசாமி கூறுகையில், அதிக மக்கள் தொகை கொண்ட திருப்பூர் கோட்டத்தை இரண்டாகப் பிரித்து, அதன் அலுவலகங்களை திருப்பூர் நகரின் மையப்பகுதியில்…

மத்திய கிழக்கில் அமெரிக்கா-ஈரான் பதற்றம் உச்சத்தில் இருக்கும் நிலையில், உலக எரிபொருள் வர்த்தகத்தின் முக்கிய நரம்பான ஹார்முஸ் ஜலசந்தியில் புதிய திருப்பம் ஏற்பட்டுள்ளது. உலகளாவிய கச்சா எண்ணெய் மற்றும் திரவ இயற்கை எரிவாயு போக்குவரத்தில் சுமார் 20 சதவீதம் இந்த குறுகிய கடல் பாதை வழியாகவே நடைபெறுகிறது. இந்த பின்னணியில், சரக்குக் கப்பல்களை மீண்டும் பாதுகாப்பாக இயக்குவதற்காக ஓமன் மற்றும் ஈரான் இடையே ஒரு முக்கிய உடன்பாடு எட்டப்பட்டுள்ளதாக ஈரானிய வெளியுறவு அமைச்சக செய்தித் தொடர்பாளர் இஸ்மாயில் பாகாயி உறுதிப்படுத்தியுள்ளார். புதிய ஒப்பந்தத்தின்படி, வழக்கமாக வளைகுடாவிற்குள் செல்ல ஓமன் எல்லையிலும், வெளியேற ஈரான் எல்லையிலும் இருந்த இரு தனித்தனி பாதைகளுக்குப் பதிலாக, ஈரானிய பிராந்தியக் கடலுக்குள் அமைக்கப்பட்ட ஒரே ஒரு பாதை மட்டுமே தற்காலிகமாக பயன்படுத்தப்படும். இந்த ஏற்பாடு இரண்டு முதல் நான்கு மாதங்கள் வரை நடைமுறையில் இருக்கும். இரு நாடுகளும் இந்த பாதையின் துல்லியமான புவியியல் எல்லைகளை இறுதி செய்துள்ளன.…

தமிழக வெற்றிக் கழக (தவெக) அரசு அமைந்த பிறகு முதல்முறையாக தாக்கல் செய்யப்பட்ட வேளாண் பட்ஜெட், விவசாயிகளுக்கு ஏமாற்றத்தை அளித்துள்ளதாக எதிர்க்கட்சித் தலைவர் உதயநிதி ஸ்டாலின் கடுமையாக விமர்சித்துள்ளார். அமைச்சர் வினோத் 129 நிமிடங்கள் வாசித்த இந்த பட்ஜெட்டில், தேர்தல் வாக்குறுதிகள் எதுவும் நிறைவேற்றப்படவில்லை என்றும், உருப்படியான புதிய திட்டங்கள் இல்லை என்றும் அவர் குற்றம்சாட்டியுள்ளார். செய்தியாளர்களை சந்தித்து பேசிய உதயநிதி, “வேளாண் பட்ஜெட் என்று சொல்வதை விட, முதல்வருக்கு மரபுக்கு மாறான புகழுரை வாசிக்கப்பட்டது போல உள்ளது. புதிதாக எந்த அறிவிப்பும் இல்லை” எனக் குறிப்பிட்டார். திமுக ஆட்சியில் அறிமுகப்படுத்தப்பட்ட திட்டங்களின் பெயர்களை மாற்றி, ‘வெற்றி’ என்ற சொல்லை சேர்த்து புதியதாக காட்டிக்கொள்ளும் முயற்சி நடந்துள்ளதாகவும் அவர் தெரிவித்தார். விவசாயிகள் எதிர்கொள்ளும் பிரச்சினைகளை சுட்டிக்காட்டிய அவர், கடந்த மூன்று மாதங்களாக பயிர்க்கடன், நீர் பற்றாக்குறை, குறுவை சாகுபடி இடர்பாடுகள் உள்ளிட்ட பல சிக்கல்கள் நீடிப்பதாகக் கூறினார். பயிர்க்கடனை முழுமையாக தள்ளுபடி…

சென்னை மாநகரப் போக்குவரத்துக் கழகத்தின் (எம்டிசி) ஒரு பேருந்தில் இயங்கும் டிஜிட்டல் வழித்தடப் பலகையில் எதிர்பாராத வாசகம் தோன்றியதால் பயணிகள் மத்தியில் அதிர்ச்சியும் பரபரப்பும் ஏற்பட்டுள்ளது. வழித்தட எண் மற்றும் செல்லும் இடங்களைக் காட்ட வேண்டிய திரையில் “தக்காளி வெற்றிக் கழகம்” என்ற சொற்றொடர் ஓடியது. விடியல் பயணத் திட்டத்தின் கீழ் இயங்கும் அந்தப் பேருந்தில் ஆளும் கட்சியின் பெயரைக் கிண்டல் செய்யும் வகையில் இந்த வாசகம் திரையில் தோன்றியது. சென்னை முழுவதும் நூற்றுக்கணக்கான நகரப் பேருந்துகள் இயங்கி வருகின்றன. பயணிகள் தங்கள் செல்லும் வழித்தடத்தை எளிதில் அறியும் வகையில் டிஜிட்டல் போர்டுகளில் ரூட் விவரங்கள் தொடர்ந்து காட்டப்படுகின்றன. ஆனால் இந்த முறை அந்தப் பலகை தவறான தகவலைக் காட்டியதால் பயணிகள் இடையே குழப்பமும் அதிருப்தியும் ஏற்பட்டது. சமூக வலைத்தளங்களில் இந்த நிகழ்வின் வீடியோ விரைவில் பரவியது. பலர் “பேருந்து ரூட் தெரியாமல் சிரமப்படுகிறோம். இதுபோன்ற தவறுகள் தொடர்ந்து நடக்கக்கூடாது” என…