Author: editor5

சென்னை அருகே மாமல்லபுரத்தில் உள்ள ஒரு தனியார் நட்சத்திர விடுதியில் தமிழக வெற்றிக் கழகத்தில் (த.வெ.க.) இணைப்பு விழா சிறப்பாக நடைபெற்றது. அமைச்சர்கள் ஆனந்த் மற்றும் ஆதவ் அர்ஜுனா முன்னிலையில் நடைபெற்ற இந்த நிகழ்ச்சியில், அதிமுகவில் இருந்து ராஜினாமா செய்த டாக்டர் சி.விஜயபாஸ்கர் மற்றும் எம்.ஆர்.விஜயபாஸ்கர் ஆகியோர் தங்கள் ஆதரவாளர்களுடன் த.வெ.க.வில் இணைந்தனர். இந்நிகழ்வில் சுமார் 15 ஆயிரம் ஆதரவாளர்கள் கலந்துகொண்டு, கழகத் தலைவர் விஜய் முன்னிலையில் உறுதிமொழி ஏற்றனர். அதிமுகவின் முன்னாள் அமைச்சர்களான விஜயபாஸ்கர் சகோதரர்களின் இணைப்பு, த.வெ.க.வுக்கு புதிய வலு சேர்த்துள்ளதாக அரசியல் வட்டாரங்கள் கருதுகின்றன. நிகழ்ச்சியில் பேசிய எம்.ஆர்.விஜயபாஸ்கர், “அரசியல் களத்தில் புயலாக உருவெடுத்து, ஆட்சியமைத்து சரித்திர சாதனை படைத்துள்ளார் முதலமைச்சர் விஜய். அவரது தலைமையில் தமிழ்நாட்டின் எதிர்காலம் பிரகாசமாக இருக்கும்” என்று பாராட்டினார். திமுகவுடன் இணைந்து ஆட்சி அமைக்க முயற்சித்ததா அல்லது மாற்று வழியைத் தேர்வு செய்வதா என யோசித்ததாகவும், இறுதியில் த.வெ.க.வில் இணைய முடிவு…

தீய சக்தி தி.மு.க.வுடன் கூட்டணி வைத்து ஆட்சியமைக்க எடப்பாடி பழனிசாமி திட்டமிட்டது சரியா? என்று சி.விஜயபாஸ்கர் கேள்வி எழுப்பியுள்ளார். அ.தி.மு.க.வில் இருந்து விலகிய முன்னாள் அமைச்சர்களான சி.விஜயபாஸ்கர் மற்றும் எம்.ஆர்.விஜயபாஸ்கர் தலைமையில் 10,000க்கும் மேற்பட்ட தொண்டர்கள் தமிழக வெற்றிக் கழகத்தில் (த.வெ.க.) இணைந்துள்ளனர். இணைப்பு விழா மாமல்லபுரத்தில் உள்ள ஒரு தனியார் நட்சத்திர ஹோட்டலில் பிரமாண்டமாக நடைபெற்றது. பல்வேறு மாவட்டங்களில் இருந்து தங்கள் ஆதரவாளர்களுடன் வந்த முன்னாள் அ.தி.மு.க. நிர்வாகிகள் மற்றும் தொண்டர்கள் புதிய கட்சியில் இணைந்து உற்சாகத்துடன் காணப்பட்டனர். விழாவில் உரையாற்றிய சி.விஜயபாஸ்கர், தேர்தலுக்கு முன்பே த.வெ.க.வுடன் கூட்டணி வைக்க அ.தி.மு.க. தலைமையை வலியுறுத்தியதாகக் கூறினார். ஆனால் அந்த கோரிக்கை ஏற்றுக்கொள்ளப்படவில்லை என்று வருத்தம் தெரிவித்தார். “தமிழக வெற்றிக் கழகத்துடன் கூட்டணி வைக்க மறுத்துவிட்டு, தி.மு.க.வுடன் கூட்டணி சேர முடிவெடுத்தது சரியானதா? தீய சக்தியாகக் கருதப்படும் தி.மு.க.வுடன் இணைந்து ஆட்சி அமைக்க எடப்பாடி பழனிசாமி திட்டமிட்டது சரியா?” என்று கேள்வி…

எடப்பாடியிடம் இருப்பவர்கள் தான் துரோகம் செய்தவர்கள் என்று அமைச்சர் செங்கோட்டையன் கூறினார். அதிமுகவின் முன்னாள் அமைச்சர்களான டாக்டர் சி.விஜயபாஸ்கர் மற்றும் எம்.ஆர்.விஜயபாஸ்கர் ஆகியோர் தங்கள் எம்.எல்.ஏ. பதவிகளை ராஜினாமா செய்துவிட்டு, தங்களுடன் 15,000க்கும் மேற்பட்ட ஆதரவாளர்களுடன் தமிழக வெற்றிக் கழகத்தில் (த.வெ.க.) இன்று இணைந்தனர். இந்த இணைப்பு விழா பெரும் பரபரப்பை ஏற்படுத்தியுள்ளது. விழாவில் பேசிய அமைச்சர் செங்கோட்டையன், அதிமுக பொதுச்செயலாளர் எடப்பாடி பழனிசாமியை கடுமையாக விமர்சித்தார். “கட்சியின் பொதுச்செயலாளர் பிஸியாக இருப்பதாகக் காட்டிக்கொண்டு, திமுக ஆதரவுடன் முதலமைச்சர் பதவிக்கு கனவு காண்பது துரோகம்” என்று அவர் குற்றம் சாட்டினார். எம்.ஜி.ஆர். மற்றும் ஜெயலலிதா ஆகியோர் உருவாக்கிய இயக்கத்திற்கு பதிலாக, எடப்பாடி பழனிசாமி ஒரு கார்ப்பரேட் கம்பெனியை நடத்துவதாகவும், அதற்கு 10 பேர் மட்டுமே ஆதரவாக இருப்பதாகவும் தெரிவித்தார். மேலும், “புரட்சித் தலைவி அம்மாவை 21 நாட்கள் சிறையில் அடைத்தவர்களுடன் கூட்டணி வைக்கும் சதிகாரர்களை மக்கள் தகர்த்தெறிய வேண்டும். அதற்கான சக்தியாகவே…

கிருஷ்ணகிரி மாவட்டம் ஊத்தங்கரை தொகுதி தவெக சட்டமன்ற உறுப்பினர் இளையராஜாவை விலைக்கு வாங்க முயற்சி செய்த விவகாரத்தில், தமிழக காவல்துறை இதுவரை 9 பேரை கைது செய்துள்ளது. இதில் இருவர் முன்னாள் அமைச்சர் செந்தில் பாலாஜியின் ஆதரவாளர்கள் எனக் கூறப்படுகிறது. செந்தில் பாலாஜியின் தம்பி அசோக் குமார் மீதும் வழக்குப் பதிவு செய்யப்பட்டுள்ளது. இது தொடர்பாக செய்தியாளர்களிடம் பேசிய அமைச்சர் நிர்மல் குமார், “ஒவ்வொரு தவெக எம்எல்ஏவையும் 35 கோடி, 40 கோடி, 50 கோடி என பேரம் பேசியுள்ளனர். இதற்கான தெளிவான ஆதாரங்களுடன் காவல்துறை நடவடிக்கை எடுத்துள்ளது” என்றார். இத்தகைய முயற்சிகள் தொடர்ந்து நடைபெற்று வருவதாகவும் அவர் சுட்டிக்காட்டினார். எதிர்க்கட்சியினர் ஆளுநரிடம் புகார் அளித்து கதறுவது பயனற்றது எனக் கூறிய அமைச்சர், “மக்கள் ஐந்து ஆண்டுகால திமுக ஆட்சியின் லட்சணத்தைப் பார்த்துவிட்டு இந்தத் தேர்தல் முடிவை வழங்கியுள்ளனர். அதற்கு பதிலாக ஆளுநரிடம் சென்று அழுவது எந்தப் பிரயோஜனத்தையும் தராது” என்றார்.…

தமிழக அரசியல் களத்தில் அதிமுகவில் இருந்து தமிழக வெற்றி கழகம் (தவெக) நோக்கிய தலைவர்களின் இணைப்பு தொடர்ந்து நிகழ்ந்து வரும் நிலையில், இன்று முக்கியமான திருப்பம் ஏற்பட்டுள்ளது. முன்னாள் அமைச்சர்களான சி. விஜயபாஸ்கர் மற்றும் எம்.ஆர். விஜயபாஸ்கர் உள்ளிட்ட முக்கிய அதிமுக பிரமுகர்கள் தவெகவில் இணைந்துள்ளனர். இந்த இணைப்பு அதிமுகவுக்கு கணிசமான பின்னடைவை ஏற்படுத்தியுள்ளதாக அரசியல் வட்டாரங்கள் மதிப்பிடுகின்றன. விராலிமலை தொகுதியின் முன்னாள் எம்.எல்.ஏ.வும் முன்னாள் அமைச்சருமான சி. விஜயபாஸ்கரும், கரூர் தொகுதியைச் சேர்ந்த எம்.ஆர். விஜயபாஸ்கரும், சமீபத்தில் அதிமுகவில் இருந்து விலகிய நிலையில், தங்கள் ஆதரவாளர்களுடன் மாமல்லபுரத்தில் நடைபெற்ற சிறப்பு நிகழ்ச்சியில் தவெக தலைவரும் தமிழக முதலமைச்சருமான சி. ஜோசப் விஜய் தலைமையில் கட்சியில் இணைந்தனர். அதிமுகவின் தற்போதைய நிலை மற்றும் உள் குழப்பங்கள் காரணமாக அதிருப்தியடைந்த பலரும் தவெகவை நோக்கி நகர்வதாகக் கூறப்படுகிறது. தவெக ஆட்சியமைத்த பின்னர் கட்சியின் அமைப்பு ரீதியான வலுவை அதிகரிக்கும் வகையில் பல்வேறு கட்சிகளைச்…

திருப்பூர் மாவட்டம் காங்கேயம் அருகே பணியாற்றி வந்த போஸ்ட்மேன் செந்தில்குமார், பொதுமக்களுக்கு வழங்க வேண்டிய தபால் மற்றும் கடிதங்களை நீண்டகாலமாக டெலிவரி செய்யாமல் தனது வீட்டில் பதுக்கி வைத்திருந்த சம்பவம் பெரும் பரபரப்பை ஏற்படுத்தியுள்ளது. இந்த விவகாரம் அப்பகுதி மக்களிடையே கடும் அதிர்ச்சியை ஏற்படுத்தியது. பல மாதங்களாக எதிர்பார்த்திருந்த முக்கிய ஆவணங்கள் கிடைக்காமல் பொதுமக்கள் தவித்து வந்த நிலையில், போஸ்ட்மேன் செந்தில்குமாரின் வீட்டில் இருந்து மூட்டை மூட்டையாக 7 மூட்டை தபால்கள் மீட்கப்பட்டுள்ளன. திருப்பூர் மாவட்ட தபால் துறை உயர் அதிகாரிகள் சம்பவ இடத்துக்கு நேரில் சென்று அதிரடி சோதனை நடத்தி இந்த தபால்களை மீட்டனர். மீட்கப்பட்ட அனைத்து தபால்களும் ஆட்டோ வாகனங்கள் மூலம் உடனடியாக அருகிலுள்ள தபால் அலுவலகத்துக்கு கொண்டு செல்லப்பட்டன. இந்த தபால்களில் ஏடிஎம் கார்டுகள், பாஸ்போர்ட்கள், அரசு வேலைவாய்ப்பு நியமன ஆணைகள், முக்கிய சான்றிதழ்கள் உள்ளிட்ட பல்வேறு அத்தியாவசிய ஆவணங்கள் அடங்கியிருப்பதாகத் தெரிய வந்துள்ளது. இதனால் பாதிக்கப்பட்ட…

செங்கல்பட்டில் இன்று அதிகாலை ஏற்பட்ட சிலிண்டர் வெடிப்பு சம்பவம் பெரும் அதிர்ச்சியை ஏற்படுத்தியுள்ளது. இந்த விபத்தில் நான்கு பேர் படுகாயமடைந்துள்ளனர். செங்கல்பட்டு நகராட்சிக்குட்பட்ட பெரியநத்தம் நடுத்தெருவில் வசித்து வரும் ஜெயக்குமார் என்பவர் ஒரு தனியார் நிறுவனத்தில் பணியாற்றி வருகிறார். இன்று அதிகாலை அவரது வீட்டில் திடீரென தீ பிடித்து, பின்னர் வெடிப்பு ஏற்பட்டது. முதற்கட்ட விசாரணையில், வீட்டில் பொருத்தப்பட்டிருந்த ஏர் கண்டிஷனரின் இன்வெர்ட்டர் பகுதியில் இருந்து எரிவாயு கசிவு ஏற்பட்டதாகக் கூறப்படுகிறது. இந்த கசிவு அருகில் இருந்த சமையல் எரிவாயு சிலிண்டரைத் தொட்டு, பெரிய அளவிலான வெடிப்பை ஏற்படுத்தியது. வெடிப்பின் அதிர்ச்சியால் வீடு முழுவதும் உடனடியாக தீ பரவியது. சம்பவம் நடந்தபோது வீட்டில் இருந்தவர்கள் தூக்கத்தில் இருந்ததால், தீ வேகமாகப் பரவ வாய்ப்பு ஏற்பட்டது. வீட்டின் வளாகத்தில் நிறுத்தப்பட்டிருந்த ஜெயக்குமாரின் கார் மீதும் தீ பற்றியது. காரின் முன் மற்றும் பின்புற கண்ணாடிகள் வெடித்துச் சிதறின. சிறிது நேரத்தில் முழு காரும்…

‘ஜனநாயகன்’ படம் வெளியீட்டு தேதி குறித்த உறுதிப்படுப்படாத தகவல்கள் ஒவ்வொரு மாதமும் சமூக வலைத்தளங்களில் வெளியாகி வருகிறது. தமிழ் சினிமாவின் மிகப் பெரிய எதிர்பார்ப்பு படமாக உருவாகி வரும் ‘ஜனநாயகன்’ திரைப்படத்தின் வெளியீட்டு நிலை குறித்த புதிய தகவல்கள் பரபரப்பை ஏற்படுத்தியுள்ளன. எச். வினோத் இயக்கத்தில் முதலமைச்சர் விஜய் நடிப்பில் உருவாகியுள்ள இந்தப் படம், கடந்த பொங்கல் பண்டிகையை முன்னிட்டு திரையரங்குகளில் வெளியாக இருந்தது. ஆனால், தணிக்கைத் துறையிடமிருந்து சான்றிதழ் பெறுவதில் ஏற்பட்ட தாமதம் காரணமாக வெளியீடு தள்ளிப்போனது. மேலும், படம் ஆன்லைனில் கசிந்த சம்பவம் பெரும் சர்ச்சையை கிளப்பியது. இணையத்தில் படத்தின் பிரதிகள் பரவியதால் பலர் கைது செய்யப்பட்டனர். இந்த சம்பவங்கள் படக்குழுவினருக்கு சவால்களை ஏற்படுத்தினாலும், முதலமைச்சர் விஜய்யின் அரசியல் பொறுப்பேற்புக்குப் பிறகு படத்தின் மீதான எதிர்பார்ப்பு பல மடங்கு அதிகரித்துள்ளது. தமிழக மக்களிடையே ‘ஜனநாயகன்’ ஒரு சினிமா மட்டுமல்ல, அரசியல் மற்றும் சமூக முக்கியத்துவம் வாய்ந்த படைப்பாகவும் பார்க்கப்படுகிறது.…

அதிமுகவைச் சேர்ந்த முக்கிய நிர்வாகிகளும், இரு எம்எல்ஏக்களும் தங்கள் பதவிகளை ராஜினாமா செய்துவிட்டு, நடிகர் விஜயின் தமிழக வெற்றி கழகம் (தவெக)வில் இன்று இணைகின்றனர். இதனால் அதிமுகவில் மேலும் பலத்த அதிர்வு ஏற்பட்டுள்ளது. கரூர் சட்டமன்றத் தொகுதி எம்எல்ஏ எம்.ஆர். விஜயபாஸ்கர் மற்றும் விராலிமலை தொகுதி எம்எல்ஏ சி. விஜயபாஸ்கர் ஆகியோர் தங்கள் பதவிகளை ராஜினாமா செய்து, தங்கள் ஆதரவாளர்களுடன் தவெகவில் இணைகின்றனர். இவர்களுடன் முன்னாள் அமைச்சர் எஸ். வளர்மதி, முன்னாள் எம்எல்ஏக்களான இளம்பை ஆர். தமிழ்ச்செல்வன், எம். ராம்குமார், எஸ்.பி. திருஞானசம்பந்தம், எம்.எஸ்.ஆர். ராஜவர்மன் உள்ளிட்ட பல முன்னாள் எம்எல்ஏக்கள் மற்றும் அதிமுக மாவட்ட நிர்வாகிகள் பெரும் எண்ணிக்கையில் தவெகவில் ஐக்கியமாக உள்ளனர். இன்று காலை 10 மணிக்கு மாமல்லபுரத்தில் உள்ள ஒரு தனியார் ஹோட்டலில் இந்த இணைப்பு விழா பிரமாண்டமாக நடைபெறுகிறது. ஹோட்டலின் நுழைவு வாயிலில் சி. விஜயபாஸ்கர் மற்றும் எம்.ஆர். விஜயபாஸ்கர் ஆகியோரின் புகைப்படங்கள் அடங்கிய வரவேற்பு…

இந்தியா மற்றும் பாகிஸ்தான் இடையே நீண்டகாலமாக நிலவும் பகைமையை முடிவுக்குக் கொண்டு வர வேண்டும் என்று இரு நாடுகளின் முக்கிய பிரமுகர்கள் 117 பேர் பிரதமர் நரேந்திர மோடி மற்றும் பாகிஸ்தான் பிரதமர் ஷெபாஸ் ஷெரீப் ஆகியோருக்கு திறந்த கடிதம் எழுதியுள்ளனர். இந்த முயற்சி பெரும் கவனத்தை ஈர்த்துள்ளது. 1947-ல் பிரிவினைக்குப் பிறகு இரு நாடுகளும் தொடர்ந்து மோதல்களை எதிர்கொண்டு வருகின்றன. காஷ்மீர் பிரச்சினை, பாகிஸ்தான் தரப்பில் இருந்து வரும் பயங்கரவாத ஆதரவு மற்றும் தொடர் தாக்குதல்கள் ஆகியவை உறவை மோசமாக்கியுள்ளன. கடந்த ஆண்டு (2025) ஏப்ரல் மாதம் காஷ்மீரின் பஹல்காம் பகுதியில் பாகிஸ்தான் ஆதரவு பயங்கரவாதிகள் நடத்திய துப்பாக்கிச் சூட்டில் 26 சுற்றுலாப் பயணிகள் உயிரிழந்தனர். இதற்கு பதிலடியாக இந்தியா சிந்து நதி நீர் ஒப்பந்தத்தை நிறுத்தியது. அதனைத் தொடர்ந்து ‘ஆபரேஷன் சிந்தூர்’ மூலம் பாகிஸ்தானுக்குள் பயங்கரவாத முகாம்களைத் தாக்கியது. இந்த மூன்று நாள் மோதலுக்குப் பிறகு பாகிஸ்தான் பின்வாங்கியது.…