தமிழ் சினிமாவின் முன்னணி நடிகராக வலம் வரும் சிவகார்த்திகேயன் கைவசம் அடுத்தடுத்து படங்களில் நடித்து வருகிறார். ஏ.ஆர்.முருகதாஸ் இயக்கத்தில் இவர் நடித்துள்ள ’மதராஸி’ திரைப்படம் செப்டம்பர் 5-ம் தேதி திரைக்கு வரவுள்ளது. இதனை தொடர்ந்து சுதாகொங்கரா இயக்கத்தில் ’பராசக்தி’ படத்தில் மும்முரமாக நடித்து வருகிறார் சிவகார்த்திகேயன்.
இந்தப் படத்தை முடித்து விட்டு ’குட் நைட்’ படத்தை இயக்கிய விநாயக் சந்திரசேகர் இயக்கும் புதிய படத்தில் நடிக்க ஒப்பந்தமாகியுள்ளார் சிவகார்த்திகேயன். தந்தைக்கும், மகனுக்கும் இடையிலான பந்தத்தை மையமாக வைத்து எடுக்கப்படும் இந்தப் படத்தில் சிவகார்த்திகேயனுக்கு தந்தையாக மோகன்லால் நடிக்க இருப்பதாக தகவல் வெளியாகியுள்ளது. இதற்கு முன்னதாக விஜய்க்கு ’ஜில்லா’ படத்தில் மோகன்லால் தந்தையாக நடித்திருந்தார் என்பது குறிப்பிடத்தக்கது.
