கமல்ஹாசன் தயாரிப்பில், ரஜினிகாந்த் நடிக்கும் படத்தை சுந்தர்.சி. இயக்குகிறார். இது குறித்த அதிகாரபூர்வ அறிவிப்பு வெளியாகியுள்ளது.
‘அருணாச்சலம்’ படத்துக்குப் பிறகு 28 ஆண்டுகளுக்கு பிறகு மீண்டும் சுந்தர்.சி – ரஜினி காம்போ இணைகிறது. இது குறித்து கமல்ஹாசன் வெளியிட்ட பதிவில், “காற்றாய் மழையாய் நதியாய் பொழிவோம் மகிழ்வோம் வாழ்வோம்! ராஜ்கமல் பிலிம்ஸ் இன்டர்நேசஷல் தயாரிப்பில் சுந்தர்.சி இயக்கத்தில் இனிய நண்பர் சூப்பர் ஸ்டார் ரஜினிகாந்த் நடிக்கும் ‘தலைவர் 173 படம் 2027-ம் ஆண்டு பொங்கலுக்கு வெளியாகும்” என்று தெரிவித்துள்ளார்.
இப்படத்தின் மூலம், சுந்தர்.சி இயக்கத்தில் 28 ஆண்டுகளுக்குப் பிறகு ரஜினிகாந்த் மீண்டும் நடிக்க இருக்கிறார். சுந்தர்.சி – ரஜினிகாந்த் கூட்டணியில் 1997-ம் ஆண்டு உருவான படம் அருணாச்சலம். அது மிகப் பெரிய வெற்றிப் படமாக அமைந்தது என்பது குறிப்பிட்டத்தக்கது.
