அமெரிக்காவிலிருந்து நாடு கடத்தப்பட்ட கேங்ஸ்டர் அன்மோல் பிஷ்னோயை கைது செய்தது என்ஐஏ

அன்மோல் 2022 முதல் தலைமறைவாக இருந்து வந்தார். இவர் 2020 மற்றும் 2023 க்கு இடையில் தனது சகோதரர் லாரன்ஸுக்கு பயங்கரவாத நடவடிக்கைகளை மேற்கொள்ள உதவியதாக குற்றம் சாட்டப்பட்டது.

மேலும், அன்மோல் அமெரிக்காவிலிருந்து பிஷ்னோய் வலையமைப்பைத் தொடர்ந்து இயக்கி வந்தார் என்றும், இந்தியாவில் உள்ள லாரன்ஸ் பிஸ்னோய் கும்பலை ஒருங்கிணைத்து செயல்பட்டார் என்றும், துப்பாக்கிச் சூடு நடத்தியவர்களுக்கு தங்குமிடம் மற்றும் தளவாடங்களை ஏற்பாடு செய்தார் என்றும், வெளிநாட்டிலிருந்து மிரட்டி பணம் பறிக்கும் கும்பல்களை நடத்தினார் என்றும் என்ஐஏ தெரிவித்துள்ளது.

அன்மோலின் சகோதரர் லாரன்ஸ் பிஷ்னோய், தற்போது அகமதாபாத் சபர்மதி மத்திய சிறைச்சாலையில் அடைக்கப்பட்டுள்ளார் என்பது குறிப்பிடத்தக்கது.