குறிப்பிட்ட நடிகரின் ரசிகர்கள் செய்யும் ரவுடிசம் மற்றும் குண்டாயிசத்தை எதிர்த்து போராட வேண்டியுள்ளதாக கூறியுள்ள சுதா கொங்கராவுக்கு கண்டனங்கள் வலுத்து வருகிறது.
பொங்கலை ஒட்டி ஜனவரி 9ம் தேதி வெளியாக இருந்த ஜனநாயகன் திரைப்படம் தணிக்கை சான்றிதழ் கிடைக்காததால் வெளியாகவில்லை. ஆனால், பொங்கல் ரேசில் இருந்த பராசக்தி திரைப்படத்திற்கு ஜனவரி 9ம் தேதி தணிக்கை சான்றிதழ் கிடைத்த நிலையில் குறிப்பிட்டபடி ஜனவரி 10ம் தேதி படம் ரிலீசானது.
பராசக்தி படத்தில் நீக்கப்பட்ட காட்சிகள் மற்றும் வசனங்கள் டிரோல் செய்யப்பட்டன. அரசியல் ரீதியான விமர்சனமும் பராசக்தி பத்திற்கு வைக்கப்பட்து. இதேநேரம் ஜனநாயகன் படம் ரிலீசாகததை குறிப்பிட்டு நெட்டிசன்கள் டிரெண்டாக்கி வருகின்றனர்.
இந்த நிலையில் பராசக்தி படத்தின் இயக்குநர் சுதா கொங்கரா ஊடகம் ஒன்றிற்கு பேட்டியளித்துள்ளார். அதில், விஜய் ரசிகர்கள் ரவுடிசம் செய்வதாக குறிப்பிட்டு இருப்பது டிரோலாகி வருகிறது. இது தொடர்பாக பேசிய அவர், அடையாளம் தெரியாத சமூக வலைதள கணக்குகளுக்கு பின்னால் ஒளிந்து கொண்டு படத்தை பற்றி தவறான கருத்துகளை பரப்புவதும், நனிபர் தாக்குதல்களும் மிக மோசமானது.
குறிப்பாக படம் வெளியாகாத நடிகரோட ரசிகர்களின் ரவுடிசம் மற்றும் குண்டாயிசத்தை எதிர்த்து போராடும் இடத்தில் இருப்பதாகவும் தெரிவித்துள்ளார். சுதா கொங்கராவின் இந்த பேச்சுக்கு விஜய் ரசிகர்கள் கடும் கண்டனத்தை பதிவிட்டு வருகின்றனர்.
முன்னதாக டெல்லியில் மத்திய தகவல் மற்றும் ஒலிபரப்புத்துறை இணை அமைச்சர் எல் முருகன் வீட்டில் நடந்த பொங்கல் விழாவில் பிரதமர் மோடி பங்கேற்றார். அவருடன் பராசக்தி பட த்தில் நடித்திருந்த சிவகார்த்திகேயன், ரவி மோகன், இசையமைப்பாளர் ஜிவி பிரகாஷ் உள்ளிட்ட படக்குழுவினரும் பங்கேற்றனர். சென்சார் போர்டில் எல் முருகன் இருக்கும் நிலையில் பாஜகவின் சப்போர்ட் பராசக்தி குழுவுக்கு இருப்பதாக பலரும் டிரோல் செய்து வருகின்றனர்.
