வார இறுதி நெருங்கிவிட்டாலே சினிமா ரசிகர்களின் கவனம் OTT பக்கமே திரும்பும். அந்த வகையில் இந்த வாரம் நாளை (பிப்ரவரி 27) தமிழ், தெலுங்கு, மலையாளம் மற்றும் ஆங்கிலம் எனப் பல்வேறு மொழிகளில் சுவாரஸ்யமான திரைப்படங்களும், இணையத் தொடர்களும் (Web Series) வெளியாகின்றன.
அந்தவகையில், தமிழ் ரசிகர்களுக்காக ‘தடையம்’ (Thadayam) இணையத் தொடர் ஜீ5 தளத்தில் வெளியாகிறது. தெலுங்கில் ‘ஹனி’ (Honey) சன் நெக்ஸ்ட் (Sun Nxt) தளத்திலும், ‘டாட்டர் ஆஃப் பிரசாத் ராவ் காணபடுதலேது’ ஜீ5 தளத்திலும் வெளியாகின்றன.
தடையம்: 1999ல் தமிழ்நாடு, ஆந்திரா பார்டரில் நடந்த தொடர் கொலைகளைப்பற்றி இன்வெஸ்டிகேசன் செய்யும் ஒரு போலீஸ் ஆபீசரின் கதை இது. இதில் சப்-இன்ஸ்பெக்டர் அதியமான் ஆக சமுத்திரக்கனி, இன்ஸ்பெக்டர் லட்சுமி ஆக ஷிவாதா நடிக்கிறார்கள் .இது ஒரு யு/ஏ படம் 16+
ஒரு விறுவிறுப்பான புலனாய்வு க்ரைம் த்ரில்லர் (Investigative Crime Thriller) தொடராகும். இத்தொடர் தமிழ் மற்றும் தெலுங்கு ஆகிய மொழிகளில் நேரடியாக ஜீ5 ஓடிடி தளத்தில் வெளியாகிறது.
பெயருக்கேற்றபடி, ஒரு மர்மமான கொலை அல்லது குற்றச் சம்பவத்தை மையமாக வைத்து இத்தொடர் நகர்கிறது. ஒரு குற்றவாளியைப் பிடிப்பதில் ‘தடையங்கள்’ (Clues) எவ்வளவு முக்கியம் என்பதையும், அந்தத் தடையங்களைச் சேகரிக்கும் போது ஏற்படும் சவால்களையும் இத்தொடர் விரிவாகப் பேசுகிறது. காவல்துறை அதிகாரிகளின் நுணுக்கமான விசாரணை முறைகள் மற்றும் எதிர்பாராத திருப்பங்கள் இத்தொடரின் பலமாக இருக்கும் என்று எதிர்பார்க்கப்படுகிறது.
ஹனி: தெலுங்குப்படமான இதுதமிழ் டப்பிஙகில் வெளியாகிறது. நவீன் சந்திரா நாயகன் ஆக ,திவ்யா பிள்ளை நாயகி ஆக நடித்த சைக்கலாஜிக்கல் திரில்லர் படம் இது.சமீப காலங்களில் இவரது ஸ்க்ரிப்ட் செலக்சன் அருமையாக இருந்து வருகிறது. மதனப்பள்ளியில் நடந்த உண்மை சம்பவத்தை அடிப்படையாகக் கொண்டு எடுக்கப்பட்ட இத்திரைப்படம் மிகுந்த எதிர்பார்ப்பை ஏற்படுத்தியுள்ளது.
மலையாளத்தில் ‘ரோஸ்லின்’ (Roslin) ஹாட்ஸ்டார் தொடராகவும், ‘குறிஞ்சி’ (Kurinji) மனோரமா மேக்ஸ் தளத்திலும் வெளியாகின்றன. கன்னட ரசிகர்களுக்கு ‘க்ஷேத்ரபதி’ (Kshetrapati) ஹாட்ஸ்டாரில் வெளியாகிறது.
இந்தி மற்றும் பிற இந்திய மொழிகள்: இந்தி மொழியில் ‘இக்கிஸ்’ (Ikkis) மற்றும் ‘அக்யூஸ்டு’ (Accused) ஆகிய படங்கள் முறையே பிரைம் வீடியோ மற்றும் நெட்ஃபிக்ஸ் தளங்களில் வெளியாகின்றன. மேலும், ஜீ5 மற்றும் ஹாட்ஸ்டாரில் ‘அந்தா பியார் 2’ (Andha Pyaar 2), ‘சங்கமர்மார்’ (Sangamarmar) போன்ற தொடர்கள் வெளியாகின்றன. பெங்காலியில் ‘கிரிதி ராய்’ (Kiriti Roy) பிரைம் வீடியோவில் வெளியாகிறது.
Accused: கொங்கனா சென் சர்மா, பிரதீபா நடித்துள்ள சைக்கலாஜிக்கல் மிஸ்டரி த்ரில்லர். ஒரு மகப்பேறு மருத்துவரின் மனைவிக்குத் திருமண வாழ்க்கையில் வரும் மிரட்டல்களைச் சுற்றியே இதன் திரைக்கதை நகர்கிறது.
ஆங்கிலம் மற்றும் சர்வதேச வெளியீடுகள்: ஆங்கிலப் படங்களைப் பொறுத்தவரை பிரைம் வீடியோவில் ‘தி பிளஃப்’ (The Bluff), ‘தி சம்மர் புக்’ (The Summer Book) ஆகியவை வெளியாகின்றன. ஹாட்ஸ்டாரில் ஹாரர் ரசிகர்களுக்காக ‘பிளாக் போன் 2’ (Black Phone 2) மற்றும் ‘பியூகோனியா’ (Bugonia) உள்ளிட்ட படங்கள் வரிசை கட்டுகின்றன. நெட்ஃபிக்ஸ் தளத்தில் புகழ்பெற்ற ‘ஃபாலிங் ஸ்கைஸ் சீசன் 1’ (Falling Skies S1) மற்றும் ஜப்பானிய அனிமேஷனான ‘பாக்கி டூ’ (Baki Dou) ஆகியவையும் வெளியாகின்றன.
