சர்வதேச சந்தையில் ஏற்பட்டுள்ள மாற்றங்கள் மற்றும் முதலீட்டாளர்களின் லாப நோக்கம் காரணமாக, கடந்த சில நாட்களாக உச்சத்தில் இருந்த தங்கம் விலை இன்று யாரும் எதிர்பாராத விதமாக பெரும் சரிவைச் சந்தித்துள்ளது. சென்னையில் இன்று ஆபரணத் தங்கத்தின் விலை சவரனுக்கு ரூ.2,160 குறைந்து நகை வாங்குவோரை மகிழ்ச்சியில் ஆழ்த்தியுள்ளது.
நேற்று (மார்ச் 18) ஒரு சவரன் ரூ.1,16,560க்கு விற்பனையான நிலையில், இன்று ரூ. 2,160 குறைந்து ரூ.1,14,400க்கு விற்பனையாகிறது. அதேபோல் ஒரு கிராம் நேற்று ரூ. 14,570க்கு விற்பனையான நிலையில் இன்று ரூ.270 குறைந்து ஒரு கிராம் ரூ. 14,300க்கு விற்பனை செய்யப்படுகிறது.
வெள்ளி விலை ஒரு கிராமுக்கு ரூ.10 குறைந்து ரூ.265க்கும், ஒரு கிலோ வெள்ளி ரூ. 10,000 குறைந்து ரூ.2,65,000க்கும் விற்பனையாகிறது.
உலகளாவிய பொருளாதாரச் சூழல் மற்றும் அமெரிக்க டாலரின் மதிப்பு வலுவடைந்ததால் சர்வதேச சந்தையில் தங்கத்தின் மீதான முதலீடு குறைந்துள்ளது. மத்திய கிழக்கு நாடுகளில் நிலவி வந்த போர் பதற்றம் ஓரளவுக்குத் தணிந்திருப்பது சர்வதேச சந்தையில் தங்கத்தின் விலையை இறக்கத்திற்கு உட்படுத்தியுள்ளது.
