2026 உலகக்கோப்பை கால்பந்து தொடரின் விறுவிறுப்பான லீக் ஆட்டத்தில், உஸ்பெகிஸ்தான் அணியை 5-0 என்ற கோல் கணக்கில் வீழ்த்தி போர்ச்சுகல் அணி பிரம்மாண்ட வெற்றியைப் பதிவு செய்துள்ளது.
ஹூஸ்டன் மைதானத்தில் நடைபெற்ற இப்போட்டியின் ஆரம்பம் முதலே போர்ச்சுகல் அணி வீரர்கள் அதிரடியாக விளையாடி ஆதிக்கத்தைச் செலுத்தினர். போட்டியின் 6வது நிமிடத்திலேயே போர்ச்சுகல் அணி தனது முதல் கோலை அடித்து அசத்தியது. சக வீரர் கேன்செலோ கொடுத்த துல்லியமான வாய்ப்பை மிகச் சரியாகப் பயன்படுத்திய நட்சத்திர வீரர் கிறிஸ்டியானோ ரொனால்டோ, பந்தைக் கோல் வலைக்குள் அனுப்பி அணிக்கு முன்னிலை தேடித் தந்தார்.
ஆட்டத்தின் 17வது நிமிடத்தில் போர்ச்சுகல் அணி மற்றொரு கோல் அடித்து அசத்தியது. அந்த அணியின் நுனோ மென்டெஸ் கோல் அடித்தார். 39வது நிமிடத்தில் ரொனால்டோ மற்றொரு கோல் அடிக்க போர்ச்சுகல் 3-0 என வலுவான முன்னிலை பெற்றது. இரண்டாவது பாதி ஆட்டத்தில் 60வது மற்றும் 87வது நிமிடத்தில் போர்ச்சுக்கள் அணி வீரர்கள் கோல் அடித்தனர். இறுதிவரை உஸ்பெகிஸ்தான் வீரர்களின் கோல் அடிக்கும் முயற்சி பலனளிக்காததால், 5-0 என்ற கோல் கணக்கில் உஸ்பெகிஸ்தான் அணியை வீழ்த்தி போர்ச்சுக்கல் அணி அபார வெற்றி பெற்றது.
