திருப்பூரில், ‘Flag’ எனும் தமிழ்ப்பட பிரமோசன் நிகழ்ச்சிக்காக, 330 மீ நீளமுள்ள தேசிய கொடியை ஏந்தியவாறு நூற்றுக்கும் மேற்பட்ட பள்ளி மாணவ, மாணவியர் ஊர்வலமாக சென்றனர்.
ஐ அண்ட் ஐ மூவிஸ் தயாரப்பில், ப்ளாக்(FLAG) திரைப்படம் வரும் ஆகஸ்ட் மாதம் 14ம் தேதி வெளி வரவுள்ளது. இந்நிலையில், இத்திரைப்படத்தின் பிரமோசன் (முன்னோட்ட) நிகழ்ச்சியானது திருப்பூரில் இன்று நடைபெற்றது. திருப்பூர் குமரன் நினைவுத்ததூண் முன்பாக தனியார் பள்ளி மாணவ, மாணவியர் நூற்றுக்கும் மேற்பட்டோர் 500 மீ நீளமுள்ள தேசிய கொடியை ஏந்தியபடி சென்ற ஊர்வலத்தை திருப்பூர் மாநகராட்சி துணை மேயர் பாலசுப்பிரமணியம் கொடியசைத்து துவக்கி வைத்தார். தொடர்ந்து இந்த ஊர்வலமானது குமரன் நினைவகம் சென்று நிறைவடைந்தது.
இந்நிகழ்வில் பங்கேற்ற பட தயாரிப்பாளர் வைர பிரகாஷ், திரைப்பட நடிகர்கள் கிரி தூவரகேஷ், மிக்கி மக்கி ஜா, தீஹான் மற்றும் திருப்பூர் குமரன் குடும்பத்தார் உள்ளிட்டோர் குமரன் சிலைக்கு மாலை அணிவித்தனர். அதனை தொடர்ந்து இப்படத்தின் பாடலான ‘வந்தே திரங்கா’ பாடல் பிரம்மாண்ட எல்இடி வாயிலாக திரையிடப்பட்டது.
