திண்டுக்கல் மாவட்டம் பழனி தண்டாயுதபாணி சுவாமி திருக்கோவிலுக்கு நடிகர் சூர்யா மற்றும் இயக்குநர் வம்சி இன்று காலை சாமி தரிசனம் செய்ய வந்தனர். அவர்கள் ரோப் காரின் மூலம் மலைக்கோவிலுக்கு சென்றனர்.
காலை 8 மணியளவில் நடைபெற்ற சிறுகாலை சந்தி பூஜையில், வேடர் அலங்காரத்தில் உள்ள முருகன் திருவுருவத்தை சுமார் அரைமணி நேரம் தவமிருந்தபோல வழிபட்டனர்.
சூர்யா நடிக்கவுள்ள 45வது திரைப்படத்தின் கதையை மையமாகக் கொண்டு, கோவிலில் சிறப்பு பூஜை நடத்தப்பட்டதோடு, போகர் சமாதி அருகிலும் நெகிழ்ச்சியாக தரிசனம் செய்தனர்.
திருப்பணிகள் முடிந்த பின், கோவில் நிர்வாகத்தினர் சூர்யா மற்றும் வம்சிக்கு பிரசாதம் மற்றும் சாமி படங்கள் வழங்கினர். ஏராளமான பக்தர்கள் அவரை சுற்றி நின்று புகைப்படங்கள் எடுத்தனர்.
பின்னர் கோவில் ஊழியர்கள், தூய்மை பணியாளர்கள் உடனும் சேர்ந்து புகைப்படம் எடுத்த சூர்யா, பின்னர் ரோப் காரில் கீழே இறங்கி, அங்கிருந்து புறப்பட்டுச் சென்றார்.
