தமிழ் சினிமாவில் 20 ஆண்டுகளுக்கும் மேலாக தனக்கென ஒரு தனி இடத்தை பிடித்திருக்கும் நடிகைகளில் ஒருவர் நடிகை திரிஷா. தமிழ், தெலுங்கு, மலையாளம், ஹிந்தி என சுமார் 80க்கும் மேற்பட்ட படங்களில் நடித்து இன்று வரையிலும் சினிமாவில் காலோச்சி நிற்பவர்.
சமீபத்தில் இவர் சூர்யாவுடன் இணைந்து நடித்திருந்த கருப்பு திரைப்படம் ரூ.180கோடி வசூல் செய்ததாக கூறப்படுகிறது. தொடர் ஹிட்களை கொடுத்து வரும் திரிஷா அவ்வப்போது சர்ச்சைகளிலும் சிக்கி வருகிறார்.
தற்போதைய முதலமைச்சர் விஜய்யுடன் அவர் அடிக்கடி பொது இடங்களுக்கு சென்று வருவதால், அவரை நெட்டிசன்கள் பல கேலி, கிண்டல்களுக்கு ஆளாக்கி வருகின்றனர். குறிப்பாக விஜய் முதலமைச்சராக பொறுப்பேற்ற போது திரிஷா கலந்து கொண்டு கண்ணீர் வடித்தது, மனைவியுடன் விவாகரத்து வழக்கு சென்று கொண்டிருப்பதாக செய்தி வெளியானதும், திருமணம் ஒன்றிற்கு இருவரும் சேர்ந்து சென்றது, சமீபத்தில் அஜித்குமாரின் தாயார் இறப்பிற்கு இருவரும் சேர்ந்து சென்றது என பல விஷயங்களில் திரிஷாவை பலரும் பலவிதமாக பேசி வருகின்றனர்.
இந்த நிலையில், முடிந்த மே மாதத்திற்காக தனது இன்ஸ்டாவில் சில நினைவுகளை பகிர்ந்துள்ளார் திரிஷா. அதாவது MAGICAL DAY என அவர் குறிப்பிட்ட இந்தப் பதிவில், பிறந்தநாள் கொண்டாட்டங்கள், குடும்பத்தினர் மற்றும் நண்பர்களுடன் கழித்த மகிழ்ச்சியான நேரங்கள், செல்ல நாய் Izzy உடனான அழகான தருணங்கள் உள்ளிட்ட பல நினைவுகளை புகைப்படங்களாக பதிவிட்டுள்ளார்.
