சிம்பு நடித்து வரும் ‘அரசன்’ திரைப்படத்தில் நடிகர் விஜய் சேதுபதி இணைந்துள்ளதை படக்குழு அதிகாரப்பூர்வமாக அறிவித்துள்ளது.
கலைப்புலி எஸ்.தாணு தயாரிப்பில், வெற்றி மாறன் இயக்கத்தில் சிம்பு நடித்து வரும் திரைப்படம் ‘அரசன்’. அனிருத் இசை அமைக்கிறார். வட சென்னையின் பின்னணி கொண்ட கதைக் களத்தில் உருவாகி வரும் படத்தின் புரோமோ வீடியோ அண்மையில் வெளியாகி ரசிகர்களிடையே வரவேற்பை பெற்றது.
‘அரசன்’ படத்தில் சமுத்திரக்கனி, கிஷோர், ஆண்ட்ரியா, இயக்குனர் நெல்சன் உள்ளிட்டோர் நடிக்கின்றனர். இந்தநிலையில், இந்த படத்தில் நடிகர் விஜய் சேதுபதியும் இணைந்துள்ளது படத்தின் மீதான எதிர்பார்ப்பை மேலும் அதிகரித்துள்ளது. ‘அரசன்’ படத்தில் விஜய் சேதுபதி இணைந்துள்ளதை படத்தின் தயாரிப்பாளர் கலைப்புலி எஸ்.தாணு தனது X தளத்தில் பதிவு செய்து, அதிகாரப்பூர்வமாக அறிவித்துள்ளார்.
வெற்றிமாறன் இயக்கத்தில் விடுதலை 1 மற்றும் 2ம் பாக திரைப்படங்களில் விஜய் சேதுபதி நடித்திருந்தது குறிப்பிடத்தக்கது.
