23-வது உலகக் கோப்பை கால்பந்து தொடரில் சி பிரிவு லீக் ஆட்டத்தில் பிரேசில் மற்றும் ஸ்காட்லாந்து அணிகள் இன்று காலை 3.30மணிக்கு மோதின. இந்தப் போட்டியில் சுமார் 981 நாட்களுக்கு பிறகு பிரேசில் அணிக்காக விளையாட மைதானத்திற்கு வருகை தந்ததார் நட்சத்திர வீரர் நெய்மர்.
இந்தப் போட்டியின் 7வது நிமிடத்தில் பிரேசில் வீரர் வினிசியஸ் ஜூனியர் முதல் கோலை அடித்தார். அதன் பின்னர் இரு அணியினரும் கோல் அடிக்க முயன்றும், அதிரடியான ஆட்டத்தில் இரு அணிகளும் முதல் பாதியின் இறுதி வரை கோல் அடிக்கவில்லை. இதனால் முதல் பாதியில் 1-0 என்ற கோல் கணக்கில் பிரேசில் அணி முன்னிலை வகித்தது.
2-வது பாதியின் 3வது நிமிடத்தில் வினிசியஸ் மற்றொரு கோலை பதிவு செய்ததால், 2-0 என்ற கணக்கில் பிரேசில் வெற்றியை நோக்கி சென்றது. தொடர்ந்து 60-வது நிமிடத்தில் மேத்யூஸ் குன்ஹா 3-வது கோலை அடித்தார். கடைசி வரை முயன்றும் ஸ்காட்லாந்து அணியால் ஒரு கோலை கூட பதிவு செய்ய முடியவில்லை. இதன்மூலம் 3-0 என்ற புள்ளி கணக்கில் வீழ்த்தி பிரேசில் அணி வெற்றி பெற்றது. நீண்ட நாட்களுக்கு பிறகு அணிக்கு திரும்பிய நெய்மர் மைதானத்திலேயே கண்கலங்கிய காட்சி இணையத்தில் தற்போது வைரலாகி வருகிறது.
