சென்னை ஸ்கைபேக்ஸ் (Skybags), வரவிருக்கும் 2026 கிரிக்கெட் சென்னை சூப்பர் கிங்ஸ் (CSK) அணியின் அதிகாரப்பூர்வ லக்கேஜ் பார்ட்னராக (Official Luggage Partner) இணைந்துள்ளது. இதன் அறிமுக விழா சென்னை நந்தனம் பகுதியில் உள்ள தனியார் விடுதியில் நடைபெற்றது. இதில் சென்னை சூப்பர் கிங்ஸ் அணியின் இயக்குனர் மற்றும் சிஇஓ காசி விஸ்வநாதன், VIP Industries மேலாண் இயக்குனர் மற்றும் சிஇஓ அதுல் ஜெயின் உள்ளிட்டோர் கலந்து கொண்டனர். சிஎஸ்கே அணி வீரர்களுக்காகவும், ரசிகர்களுக்காகவும் பிரத்யேகமாக வடிவமைக்கப்பட்ட லக்கேஜ் பைகள் மற்றும் பேக்பேக்குகளை (Backpacks) அந்த நிறுவனம் அறிமுகம் செய்துள்ளது.
இந்த நிகழ்ச்சியில் பேசிய சென்னை சூப்பர் கிங்ஸ் அணியின் மேலாண் இயக்குநர் கே.எஸ்.விஸ்வநாதன் பேசுகையில்,
“ஸ்கைபேக்ஸ் நிறுவனத்தை சிஎஸ்கே குடும்பத்திற்கு வரவேற்பதில் மகிழ்ச்சி அடைகிறோம். இது எங்கள் ரசிகர்களுக்கு ஒரு புதிய அனுபவத்தைத் தருவதோடு, அணியுடனான அவர்களது பிணைப்பை மேலும் வலுப்படுத்தும்” என்று தெரிவித்தார்.
சிஎஸ்கே அணிக்கு கடந்த இரண்டு வருடங்கள் சரியாக போகவில்லை இந்தமுறை அனுபவம் வாய்ந்த வீரர்கள் உள்ளனர், அதே போன்று துடிப்பான இளம் வீரர்களும் உள்ளனர் கண்டிப்பாக இந்த முறை சிஎஸ்கே அணி கோப்பையை வெல்ல போராடும்.
அதே போன்று ஐபிஎல்லில் போட்டியிடும் 10 அணிகளும் துடிப்பான அணிகள் தான் அனைவரும் கோப்பையை வெல்ல தான் போராடுகின்றனர் கடந்த இரண்டு சீசன்களில் விட்டதை இந்த முறை சிஎஸ்கே கைப்பற்றும் என சிஎஸ்கே அணியின் சிஇஓ காசி விஸ்வநாதன் தெரிவித்தார்.
சிஎஸ்கே விற்கு அடையாளமாக இருக்கும் விசிலுக்கு குறித்து சர்ச்சையான கருத்து வெளியாகி கொண்டு இருக்கிறது சிஎஸ்கே போட்டியின் போது விசில் எடுத்து செல்ல அனுமதிக்கப்படுவார்களா?? என்ற கேள்விக்கு* ”அது குறித்து இப்போது எதுவும் பேச முடியாது என பதிலளித்தார்.”
