ஜோஹோ நிறுவனத்தின் தலைவர் ஸ்ரீதர் வேம்பு அவர்கள் எப்பொழுதும் சற்று தொலைநோக்கு சிந்தனையுடன் இருப்பார். சமூக வலைதளங்களில் தன்னுடைய தொலைநோக்கு கருத்துக்களை பதிவிடுவது அவரது வழக்கம். அதன்படி தற்பொழுது இளைஞர்கள் மற்றும் அவர்களுடைய பெற்றோர்கள் அனைவருக்கும் ஒரு வேண்டுகோளை தனது பதிவின் மூலம் கூறியிருக்கிறார்.
ஸ்ரீதர் வேம்பு தன்னுடைய எக்ஸ் கணக்கில் பதிவிட்ட பதிவை பற்றி பார்ப்போம் :
அமெரிக்காவில் உள்ள ஒரு சில மாணவர்கள் மற்றும் மாணவிகள் கல்லூரி படிப்பை நிறுத்திவிட்டு, தங்களுடைய தொழில் திறனை வளர்த்துக் கொள்கிறார்கள். அவ்வாறு தொழில் கற்றுக் கொண்ட அனைவரையும் முற்போக்கு மற்றும் தொலைநோக்கு சிந்தனை கொண்ட முதலாளிகள் தங்களுடைய கம்பெனியில் வேலைக்கு எடுத்துக் கொள்கிறார்கள். இது உண்மையில் மிகப்பெரிய விஷயம். இது சமுதாயத்தில் ஒரு புதிய சிந்தனையையும் கலாச்சாரத்தை உருவாக்கும்.
ஒரு தொழிலில் அமர்வதற்கு கட்டாய படிப்பு தகுதி தேவையில்லை. கல்லூரி பட்டம் மற்றும் டிகிரி பெறுவதற்காக கடன் வாங்கி மற்றும் சொந்த செலவில் படித்து பணத்தை விரயம் செய்ய வேண்டாம். இதை மாணவர்கள் மாணவிகள் மற்றும் அவருடைய பெற்றோர்கள் புரிந்து கொள்ள வேண்டும். எங்களுடைய ஜோஹோ நிறுவனத்தில் பணிபுரிய கட்டாய படிப்பு பட்டமோ அல்லது டிகிரியோ தேவையில்லை. தொழில்திறன் இருந்தால் மட்டும் போதும். அப்படி தொழில் கற்றுக்கொண்டு தங்களுடைய சொந்த காலில் நிற்கும் இளைஞர்கள் சமுதாயத்தில் உள்ள கலாச்சாரத்தையும் அரசியலையும் மாற்றியமைப்பாளர்கள்.
எங்களுடைய நிறுவனத்தில் ஏதேனும் ஒரு இடத்தில் ( வேலைக்கு விண்ணப்பிக்கும் பொழுது ) கட்டாயப்படுத்தி டிகிரி அல்லது பட்டம் தேவை என்கிற வார்த்தை இடம் பெற்றால், என்னுடைய HR துறையிலிருந்து அவர்களுக்கு ஒரு குறுஞ்செய்தி அனுப்பப்படும். கட்டாய படிப்பு பட்டம் மற்றும் டிகிரி தேவை என்கிற வாசகத்தை நீக்கிவிட சொல்லி விடுவோம்.
திருநெல்வேலியில் உள்ள எங்களது நிறுவனத்தில் 19 வயது கொண்ட இளைஞர்கள் இது அபாரமாக தங்களுடைய திறமையை காட்டிக்கொண்டு வருகின்றனர். அவர்களுடைய வேகம் அபாரமாக உள்ளது. அவர்களுக்கு ஈடு கொடுத்து உழைக்க நான் கடுமையாக உழைக்க வேண்டி இருக்கிறது”, என்று ஸ்ரீதர் வேம்பு தன்னுடைய பதிவின் மூலம் பெற்றோர்கள், மாணவ மாணவிகள் மற்றும் தொழில்துறை முதலாளிகள் அனைவருக்கும் “ஒரு நிறுவனத்தில் பணிபுரிய கட்டாய படிப்பு பட்டம் அல்லது டிகிரி தேவையில்லை” என்கிற வேண்டுகோளை விடுத்திருக்கிறார்.
