வெனிசுலாவின் செயல் அதிபராக தன்னை தானே அறிவித்துக் கொண்டு அமெரிக்க அதிபர் டொனால்டு ட்ரம்ப் சோஷியல் மீடியாவில் பதிவிட்டுள்ளார். வெனிசுலா அதிபர் மதுரோவை கைது செய்து அமெரிக்கா சிறைப்படுத்தியுள்ள நிலையில் ட்ரம்பின் அறிவிப்பு பரபரப்பை கிளப்பி உள்ளது.
அமெரிக்கா சமீபத்தில் வெனிசுலாவைத் தாக்கியது. இதைத் தொடர்ந்து, பதவி நீக்கம் செய்யப்பட்ட அதிபர் நிக்கோலஸ் மதுரோவும், அவரது மனைவியும் கைது செய்யப்பட்டனர். இதையடுத்து, துணை அதிபராக இருந்த டெல்சி ரோட்ரிக்ஸ் கடந்த வாரம் நாட்டின் இடைக்கால ஜனாதிபதியாக முறையாகப் பதவியேற்றார்.
இந்தநிலையில், அமெரிக்க அதிபர் டொனால்ட் டிரம்ப், தன்னை “வெனிசுலாவின் தற்காலிக அதிபர்” என்று காட்டும் ஒரு புகைப்படத்தை இன்று (ஜனவரி 12) பகிர்ந்துள்ளார். அந்தப் புகைப்படம், திருத்தப்பட்ட விக்கிப்பீடியா பக்கத்திலிருந்து எடுக்கப்பட்டதாகத் தெரிகிறது. அதில், டிரம்ப் ஜனவரி 2026 வரை “வெனிசுலாவின் அதிபராக” இருப்பார் என்று குறிப்பிடப்பட்டுள்ளது. மேலும், அவர் அமெரிக்காவின் 45வது மற்றும் 47வது அதிபராகப் பதவி வகித்த அவரது உண்மையான பதவிகளும் அதில் குறிப்பிடப்பட்டுள்ளன.
https://x.com/ANI/status/2010542595513208931?
அதில் அமெரிக்க துணை ஜனாதிபதி ஜே.டி. வான்ஸை அவரது துணைவராகவும் குறிப்பிடுகிறார். ட்ரம்ப் ட்ரூத் சோஷியலில் பகிர்ந்து கொண்ட படம் ஒரு போலியான படம். படம் மாற்றியமைக்கப்பட்டுள்ளது. உண்மையில், விக்கிபீடியா பக்கத்தில் அத்தகைய தகவல்கள் எதுவும் கிடைக்கவில்லை. தற்போது, அமெரிக்க அதிபர் வெனிசுலாவின் தற்காலிக அதிபர் என்பதைக் காட்டும் அதிகாரப்பூர்வ ஆவணம் அல்லது சட்ட கட்டமைப்பு எதுவும் இல்லை.
ஆன்லைனில் கூறப்பட்டு இருந்தபோதிலும், டொனால்ட் டிரம்ப் விக்கிபீடியாவிலோ அல்லது பரவலாகப் பயன்படுத்தப்படும் பிற பொது பதிவுகளிலோ வெனிசுலாவின் தற்காலிக அதிபராக பட்டியலிடப்படவில்லை.
