தொடர்ந்து அண்ணாமலைக்கு ஆதரவாக கோவையில் ரஜினி ரசிகர்கள் போஸ்டர்கள் ஒட்டிவருவது, பலரையும் புருவம் உயர்த்த வைத்துள்ளது.
பாஜக முன்னாள் மாநில தலைவர் அண்ணாமலை புதிய கட்சி துவங்க உள்ளதாக பல்வேறு தகவல்கள் வெளியாகும் நிலையில் அதனை உறுதிப்படுத்தும் வகையில் அவரது ஆதரவாளர்கள் போஸ்டர்கள் ஒட்டுவதோடு, சமூக வலைத்தளத்திலும் பதிந்து வருகிறார்கள்.
இந்த நிலையில் ரஜினி ரசிகர்களும் அண்ணாமலைக்கு ஆதரவாக களமிறங்கி போஸ்டர்கள் ஒட்டி வருகின்றனர்.
அண்ணாமலையின் பிறந்தநாளான இன்று, கோவை மாவட்ட தலைமை ரஜினிகாந்த் நற்பணி மன்றம் சார்பில் மீண்டும் போஸ்டர்கள் ஒட்டப்பட்டுள்ளன.
கழகங்கள் மறையட்டும் இனி நம்ம கொடி பறக்கட்டும்… welCoMe அண்ணாமலை என குறிப்பிட்டுள்ளதோடு நடிகர் ரஜினிகாந்தும் அண்ணாமலையும் சேர்ந்திருக்கும் புகைப்படத்துடன் கூடிய அந்த போஸ்டர்கள் பலரையும் புருவம் உயர்த்த வைத்துள்ளது.
