ஐபிஎல் கெத்து!. அதிகம் சம்பாதித்த வீரர்கள் யார் தெரியுமா?. முதலிடத்தில் இவர்தான்!

உலகின் மிகவும் பணக்கார கிரிக்கெட் வாரியமான BCCI-யால் நடத்தப்படும் இந்தியன் பிரீமியர் லீக், உலகின் அதிக ஊதியம் பெறும் லாபகரமான போட்டிகளில் ஒன்றாகும். ஐபிஎல் உலகின் ஆறாவது மிகவும் மதிப்புமிக்க விளையாட்டு லீக் ஆகும், இது NFL, சாம்பியன்ஸ் லீக் மற்றும் ஐரோப்பாவின் நான்கு பெரிய கால்பந்து லீக்குகளுக்குப் பின்னால் தரவரிசையில் உள்ளது.

2008 ஆம் ஆண்டு தொடங்கிய இந்த டி20 போட்டி, பல இளைஞர்கள் புதிய உயரங்களுக்கு உயர்ந்ததைக் கண்டுள்ளது, மேலும் ஒரு சில வீரர்கள் இதுவரை லீக்கில் இருந்து 200 கோடி ரூபாய்க்கு மேல் சம்பாதித்துள்ளனர். இந்த விளையாட்டு ஒவ்வொரு ஆண்டும் ஐபிஎல்லில் விளையாட உலகின் சிறந்த வீரர்களை ஈர்க்கிறது என்பதில் ஆச்சரியமில்லை. 2008 இல் தொடங்கப்பட்டதிலிருந்து ஐபிஎல் மூலம் அதிக வருமானம் ஈட்டிய வீரர்கள் யார் என்பதை தெரிந்துகொள்வோம்.

ஐபிஎல்லில் 100 கோடி ரூபாய் அல்லது அதற்கு மேல் சம்பாதித்த வீரர்களின் பட்டியலில் முதலிடத்தில் மும்பை அணி வீரர் ரோஹித் ஷர்மா உள்ளார். அதாவது ரூ.210 கோடி வருமானம் ஈட்டி முதலிடத்தில் உள்ளார். இதேபோல், ரூ.209.20 கோடி வருமானத்துடன் 2வது இடத்தில் பெங்களூரு வீரர் விராட் கோலியும், ரூ.192.84 கோடி வருமானத்துடன் சென்னை அணியின் முன்னாள் கேப்டன் தல தோனி 3வது இடத்திலும் உள்ளனர். 4வது இடத்தில் ரூ.139.01 கோடி வருமானத்துடன் ஜடேஜாவும், 5வது இடத்தில் ரூ.125.25 கோடி வருமானத்துடன் சுனில் நரைனும் உள்ளனர்.