18 வயதுக்கு உட்பட்டோருக்கான ஆசிய கோப்பை ஹாக்கி தொடரின் இறுதி ஆட்டத்தில் ஜப்பானை வீழ்த்தி இந்தியா சாம்பியன் பட்டம் வென்றது.
18 வயதுக்கு உட்பட்டோருக்கான ஆசிய கோப்பை ஹாக்கி போட்டியின் இறுதி ஆட்டம் கவாசாகி ஹெவி இண்டஸ்ட்ரீஸ் ஹாக்கி திடலில் நடைபெற்றது. இதில், இந்தியா மற்றும் ஜப்பான் அணிகள் மோதின. பரபரப்பாக நடைபெற்ற போட்டியில் 4-1 என்ற கோல் கணக்கில் ஜப்பானை வீழ்த்தி இந்தியா வெற்றி பெற்று சாம்பியன் பட்டம் தட்டிச் சென்றது. இது இந்தியா வெல்லும் 3வது சாம்பியன் பட்டமாகும். தங்கப் பதக்கம் வென்ற இந்திய அணியின் ஒவ்வொரு வீரருக்கும் தலா 3 லட்சம் ரூபாய் வழங்கப்படும் என்று ஹாக்கி இந்தியா அறிவித்துள்ளது.
லீக் சுற்றுப் போட்டியில் இந்தியா வீழ்த்தி இருந்த ஜப்பான் அணி, இந்த தொடரில் ஒரு தோல்வியைக் கூட சந்திக்காமல் இருந்தது. அரையிறுதிப் போட்டியில் இந்திய அணி பாகிஸ்தானையும், ஜப்பான் அணி மலேசியாவையும் வீழ்த்தி இருந்தது.
