சர்வதேச கிரிக்கெட் கவுன்சில் வெளியிட்டுள்ள புதிய தரவரிசையின்படி, இந்திய வீரர்கள் பேட்டிங் மற்றும் பௌலிங் என இரண்டு முக்கிய பிரிவுகளிலும் தங்களது ஆதிக்கத்தைச் செலுத்தி வருகின்றனர். சமீபத்தில் நடந்து முடிந்த டி20 உலகக் கோப்பைத் தொடரின் சிறப்பான ஆட்டங்கள் இந்தத் தரவரிசையில் பெரும் மாற்றங்களை ஏற்படுத்தியுள்ளன.
பேட்டிங் வரிசை: அபிஷேக் சர்மா முதலிடம்: இந்தியாவின் இளம் அதிரடி ஆட்டக்காரர் அபிஷேக் சர்மா 874 புள்ளிகளுடன் டி20 பேட்டிங் தரவரிசையில் முதலிடத்தைத் தக்கவைத்துள்ளார். இவருக்கு அடுத்தபடியாக பாகிஸ்தானின் சாஹிப்சாதா ஃபர்ஹான் (848 புள்ளிகள்) இரண்டாம் இடத்திலும், இங்கிலாந்தின் பில் சால்ட் (803 புள்ளிகள்) மூன்றாம் இடத்திலும் உள்ளனர். இந்திய இஷான் கிஷன் நான்காம் வீரர் இடத்திற்கு முன்னேறியுள்ளது குறிப்பிடத்தக்கது.
பௌலிங் வரிசை: வருண் சக்கரவர்த்தி ஆதிக்கம்: பந்துவீச்சாளர்களைப் பொறுத்தவரை, இந்தியாவின் ‘மிஸ்ட்ரி ஸ்பின்னர்’ வருண் சக்கரவர்த்தி 771 புள்ளிகளுடன் முதலிடத்தில் நீடிக்கிறார். ஆப்கானிஸ்தானின் ரஷீத் கான் 753 புள்ளிகளுடன் இரண்டாம் இடத்தில் உள்ளார். பாகிஸ்தானின் அப்ரார் அகமது மற்றும் தென்னாப்பிரிக்காவின் கார்பின் போஷ் ஆகியோர் அடுத்தடுத்த இடங்களில் உள்ளனர்.
ஆல்-ரவுண்டர் வரிசை: சிக்கந்தர் ரசா சாதனை: ஆல்-ரவுண்டர் தரவரிசையில் ஜிம்பாப்வே அணியின் கேப்டன் சிக்கந்தர் ரசா 328 புள்ளிகளுடன் முதலிடத்தைப் பிடித்துள்ளார். இந்திய நட்சத்திர வீரர் ஹர்திக் பாண்டியா 284 புள்ளிகளுடன் இரண்டாம் இடத்திற்கு முன்னேறியுள்ளார். பாகிஸ்தானின் சைம் அயூப் மூன்றாம் இடத்திலும், நேபாளத்தின் திபேந்திர சிங் ஐரி நான்காம் இடத்திலும் உள்ளனர்.
