தமிழக சட்டமன்றத் தேர்தலுக்கான தொகுதிப் பங்கீட்டுப் பேச்சுவார்த்தையில், ஆளும் திமுக மற்றும் அதன் முக்கிய கூட்டாளியான காங்கிரஸ் இடையே சுமூக முடிவு எட்டப்பட்டுள்ளது. கடந்த மார்ச் 4-ஆம் தேதி அறிவாலயத்தில் நடைபெற்ற சந்திப்பில், தமிழக முதல்வர் மு.க.ஸ்டாலின் மற்றும் தமிழக காங்கிரஸ் தலைவர் செல்வப்பெருந்தகை ஆகியோர் முன்னிலையில் ஒப்பந்தம் கையெழுத்தானது. இதன்படி, கடந்த 2021 தேர்தலை விட கூடுதலாக 3 இடங்கள் பெற்று, மொத்தம் 28 தொகுதிகளில் காங்கிரஸ் போட்டியிடவுள்ளது. அத்துடன் ஒரு ராஜ்யசபா இடமும் காங்கிரஸிற்கு ஒதுக்கப்பட்டுள்ளது.
இந்த 28 தொகுதிகளை இறுதி செய்வதற்காக காங்கிரஸ் கட்சி தங்களின் விருப்பமான மற்றும் வெற்றி வாய்ப்புள்ள 39 தொகுதிகள் அடங்கிய உத்தேசப் பட்டியலை திமுகவிடம் வழங்கத் தயாராக உள்ளது. அந்தவகையில், தென் மாவட்டங்களில் செல்வாக்கு மிக்க கிள்ளியூர், குளச்சல், விளவங்கோடு, நாங்குநேரி ஆகிய தொகுதிகளுடன், சென்னை மற்றும் வட மாவட்டங்களில் வேளச்சேரி, அம்பத்தூர், சோளிங்கர் போன்ற முக்கிய இடங்களும் இந்தப் பட்டியலில் இடம்பெற்றுள்ளதாகத் தெரிகிறது. குறிப்பாக, கடந்த முறை வெற்றி பெற்ற தொகுதிகளைத் தக்கவைத்துக் கொள்வதோடு, நகர்ப்புறங்களில் கூடுதல் இடங்களைப் பெற காங்கிரஸ் தீவிரம் காட்டி வருகிறது.
காங்கிரஸ் சட்டமன்ற தொகுதிகள் உத்தேசபட்டியல்:
கிள்ளியூர்
குளச்சல்
விளவங்கோடு
பத்மனாபபுரம்
ஸ்ரீவைகுண்டம்
விருதுநகர்
ஆலங்குளம்
தென்காசி
காரைக்குடி
திருவாடனை
இராமனாதபுரம்,
முதுகுளத்தூர்
நாங்குநேரி
திருநெல்வேலி
ஊத்தங்கரை
மணப்பாறை
முசிறி
சோளிங்கர்
அம்பத்தூர்
ஸ்ரீபெரும்புதூர்
பொன்னேரி
மயிலாடுதுறை
கூடலூர்
கும்பகோணம்
சிதம்பரம்
வேடசந்தூர்
மொடக்குறிச்சி
மதுரை மத்தியம்
திருப்பூர் தெற்கு
கோவை தெற்கு
மதுராந்தகம்
கலசப்பாக்கம்
அறந்தாங்கி
பட்டுக்கோட்டை
மேட்டூர்
வேளச்சேரி
ஊட்டி
சிவகாசி
விருத்தாச்சலம்…
தற்போது திமுக தரப்பில் மற்ற கூட்டணிக் கட்சிகளான சிபிஎம் மற்றும் விசிக ஆகியவற்றுடன் பேச்சுவார்த்தை நடைபெற்று வருகிறது. மார்ச் 15-ம் தேதி, தமிழகத்துக்கான தேர்தல் தேதி அறிவிக்கப்பட்டதைத் தொடர்ந்து, ஏப்ரல் 23-ஆம் தேதி வாக்குப்பதிவு நடைபெறவுள்ளது. இதனால், இன்னும் சில தினங்களில் காங்கிரஸ் போட்டியிடப் போகும் அந்த இறுதி 28 தொகுதிகள் எவை என்பது அதிகாரப்பூர்வமாக அறிவிக்கப்படும் என எதிர்பார்க்கப்படுகிறது. இந்தப் பட்டியலில் இருந்து திமுக தனது வேட்பாளர்களை நிறுத்த விரும்பும் தொகுதிகளைத் தவிர்த்து, மீதமுள்ள இடங்கள் காங்கிரஸிற்கு ஒதுக்கப்படும்.
